Jeremías 51:53 - DIOSPA QHELQACHISQ

⁵³ Babilonia janajmanpis wicharichun aswan pataman atiyninta churananpaj, jaqaykamapis awqankunata kachasaj chay atiyninta phirinankupaj. Noqa Tata Diosmin chayta nini.

Qheshwa Biblia DC

⁵³ Babiloniaqa cielokamapis wicharichun aswan pataman atiyninta churanampaj, chaymampis enemigosninta kachasaj chay atiyninta thuñiykamunankupaj. Noqa Señor chayta nini.

DIOSPA QHELQACHISQAN DEUTEROCANONICAL

⁵³ Babilonia janajmanpis wicharichun aswan pataman atiyninta churananpaj, jaqaykamapis awqankunata kachasaj chay atiyninta phirinankupaj. Noqa Tata Diosmin chayta nini.

Jeremías 51:53 ပူးပေါင်းရင်းမြစ်များ

Génesis 11:4

Chaymantataj ninakorqanku: Kunanqa uj llajtata, janaj pachaman chayaj torretawan ruwanachej. Ajinata ruwaspa, noqanchej manchay uyarisqa kasunchej, manataj kay pachaman ch'eqerasunchu, nispa.

Job 20:6

Runaykachasqan janaj pachakamapis chayachun, umanpis phuyukama oqharikuchun,

Isaías 13:17

Noqaqa Medo suyumanta kajkunata Babiloniaj contranta sayarichisaj, pikunachus qolqewan mana lluk'ichikunkuchu, nitaj qoritapis munapayankuchu, chaykunata.

Isaías 41:25

Noqa Tata Dios wichaynejpi uj runata sayarichini, paytaj sutiyta oqharispa, inti llojsimuynejmanta jamonqa. Payqa kuraj kamachejkunata t'uruta jina saronqa, imaynatachus manka ruwaj t'uruta sarun, ajinata.

Isaías 47:5

Caldeokunaj ususin Babilonia, ch'inmanta chukuy, laqhayayman yaykuy. Kunanmantaqa manaña jayk'ajpis jatun suyukunata kamachej qoya nisonqankuchu.

Isaías 47:7

Qan nerqanki: Noqaqa qoya jina wiñaypaj kamachillasajpuni, nispa. Chaywanpis qanqa kay imakunamanta mana yuyarqankichu, manataj unancharqankichu imapichus tukukunaykita.

Jeremías 49:16

Qan mayta runaykachasqaykiwan q'otiyachikorqanki, imaraykuchus tukuyta manchachej kanki. Qanqa chhanka k'ajllukunallapi tiyakoj kanki, orqokunamanta ch'ipasqa. Anka jina may altopi thapachakunki chaypis, chaymantapacha urmaykuchimusqayki. Noqa Tata Diosmin chayta nini.

Jeremías 50:21

Meratayin jap'iyman maqanakoj wichariychej, jinataj Pecodpi tiyakojkunawanpis. Qhatiykuspa, tukuyninkuta wañurachiychej. Chay tukuy imata kamachisqayman jina ruwaychej. Noqa Tata Diosmin chayta nini.

Jeremías 50:25

Noqa Tata Dios arma jallch'anay wasita kicharispa, k'araj phiñakuyniypa armanta orqhomorqani, imaraykuchus noqa Tukuy Atiyniyoj, Tukuyta Kamachej Tata Dios Babilonia suyupi imatachus ruwanayta junt'asaj.

Jeremías 50:45

Jinaqa uyariychej imatachus noqa Tata Dios Babiloniaj contranpi wakichisqayta, imatatajchus ruwayta yuyasqayta caldeokunaj contrankupi: Awqankunaqa aswan juch'uy wawankunatapis apanqanku, llajtankutapis ch'in t'ajra pampaman tukuchenqanku.

Jeremías 51:11

Tata Diosqa Babiloniata tukuchiyta munan. Media suyumanta kuraj kamachejkunata rijch'arichispa, tanqamun. Chaymin Tata Diospa vengakuynenqa, Templonta imatachus ruwasqankumanta. Flechanapaj arcoykichejta, jark'akuna escudoykichejtataj oqhariychej.

Jeremías 51:25

Noqa qanpa contraykipi kashani, atiyniyoj suyu, tukuy kay pachata tukuchej. Ajinata noqa Tata Diosmin nini. Qanpa contraykita makiyta oqharisaj, chhanka patamanta urmachimusunaypaj, ruphachisqa orqoman jinataj tukuchisqayki.

Jeremías 51:48

Janajwan, jinataj kay pachawan, chaypi tukuy kajkunapis Babilonia urmasqanmanta mayta kusikonqanku, wichaynejmanta phirejkuna jamojtinku. Noqa Tata Diosmin chayta nini.

Jeremías 51:56

Babiloniata chinkachej chayamunku. Soldadonkunataj jap'isqa kanqanku, flechanapaj arconkupis p'akisqa, imaraykuchus Tata Diosqa mana allinta ruwasqankumanta pagachikoj Dios kaspa, millay ruwasqankuman jina paykunaman pagaponqa.

Jeremías 51:58

Babiloniaj phatu perqankuna tukuynin urmachisqa kanqanku, chay chhikachachaj punkunkunapis ruphaykuchisqa kanqanku. Chay llajtata sayarichejkunaqa mayta sayk'uspa, qhasillapaj ruwarqanku, imaraykuchus tukuy ruwasqanku ninallapi ruphasqa tukukonqa. Noqa Tukuy Atiyniyoj Tata Dios chayta nini.

Daniel (hebreo) 4:30

30 (27) nerqa: Qhawariychej, imayna jatunchus Babilonia llajta kasqanta. Noqamin chayta jatun atiyniywan sayaricherqani suyuypa jatun llajtan kananpaj, ajinamanta atiyniyoj kasqayta tukuy yachanankupaj, nispa.

Amós 9:2

Jallp'aj sonqonpipis pakakuchunku, chaymanta paykunata orqhomusaj. Janaj pachamanpis wicharichunku, chaymanta paykunata urayk'uchimusaj.

Amós 9:4

Awqankukuna paykunata mana munashajta waj suyuman apanqanku chaypis, chaypipis espadawan wañuchinankuta kamachillasajtaj. Paykunataqa ñawillaypi purichisaj, mana allinninkupajchu, manachayqa llakiyninkupaj, nispa.

Habacuc 2:9

Ay, imarajchus kanqa qanpaj, imaraykuchus suwasqaykiwan wasiykiman junt'acherqanki, ama ima llakiyta rikunaykipaj.