Jeremías 51:48 - DIOSPA QHELQACHISQ

⁴⁸ Janajwan, jinataj kay pachawan, chaypi tukuy kajkunapis Babilonia urmasqanmanta mayta kusikonqanku, wichaynejmanta phirejkuna jamojtinku. Noqa Tata Diosmin chayta nini.

Qheshwa Biblia DC

⁴⁸ Janaj pacha, jinataj kay pachawan, chaypi tukuy kajkunapis Babilonia urmajtinkama kusikonqanku, wichaynejmanta chay wañurachejkuna jamojtinku. Noqa Señor chayta nini.

DIOSPA QHELQACHISQAN DEUTEROCANONICAL

⁴⁸ Janajwan, jinataj kay pachawan, chaypi tukuy kajkunapis Babilonia urmasqanmanta mayta kusikonqanku, wichaynejmanta phirejkuna jamojtinku. Noqa Tata Diosmin chayta nini.

Jeremías 51:48 ပူးပေါင်းရင်းမြစ်များ

Proverbios 11:10

Cheqan runata allin rejtenqa, llajta masinkuna kusikunku. Mana allinta ruwaj runakuna wañojtinkutaj, raymita ruwanku.

Isaías 44:23

Janaj, kusiywan takiy, imaraykuchus kaytaqa Tata Diosmin ruwan. Ukhu pacha, kusiywan qhapariy. Qankuna orqokuna, montepi tukuy sach'akuna ima kusiywan takirikuychej, imaraykuchus Tata Diosqa Jacobpa ayllunta pagota qospa kacharichin, ajinamantataj Israelpi jatun kayninta rikuchin.

Isaías 48:20

Chaywanpis kunan Babiloniamanta llojsiychej, caldeokunamantataj ayqekuychej. Kay imakunamanta kusiywan willamuychej, kay pachaj k'uchunkamataj uyarichiychej. Chaypacha niychej: Tata Dios pagota qospa kamachin Jacobta kacharichin, nispa.

Isaías 49:13

Janaj, kusiywan takiy ari, kay pachapis, mayta kusikuy. Qankunapis orqokuna, kusiywan qhapariychej, imaraykuchus Tata Dios ayllunta sonqochan, ñak'arichisqa kajkunamantataj khuyakun.

Jeremías 50:3

Wichaynejmanta uj suyoqa Babiloniaj contranta jamushan, jallp'ankutataj ch'inman tukuchenqanku. Manaña runakuna, nitaj animalkunapis chaypi kawsanqankuñachu. Chay suyumanta tukuy ayqespa riponqanku, nispa.

Jeremías 50:41

Wichaynejpi karu suyumanta atiyniyoj ashkha soldado jamushanku. Uj jatun suyu, ashkha kuraj kamachejkuna ima kay pachaj k'uchunmantapacha jamunankupaj wakichikushanku.

Jeremías 50:9

Noqa wichaynejmanta ashkha atiyniyoj suyukunata tantaykuspa, Babiloniaj contranta maqanakoj pusamusaj. Paykunataj sumajta wakichikonqanku maqanakunankupaj. Wichaynejmanta suyukunaqa Babiloniata atipaspa, jap'enqanku. Paykuna sumajta maqanakuyta yachajkuna kanku, flechankutataj arcowan kacharinku mana ujta pantarispa.

Jeremías 51:56

Babiloniata chinkachej chayamunku. Soldadonkunataj jap'isqa kanqanku, flechanapaj arconkupis p'akisqa, imaraykuchus Tata Diosqa mana allinta ruwasqankumanta pagachikoj Dios kaspa, millay ruwasqankuman jina paykunaman pagaponqa.

Ezequiel 35:14

Tukuyta Kamachej Tata Dios kay jinata nillantaj: Qanta t'unaykusojtiy, tukuy kay pachapi runakuna kusikonqanku.

Apocalipsis 18:20

Chaymanta janaj pachapi tukuy tiyakojkuna kusikuychej. Jinallataj qankuna Diospa ajllakusqankuna, Diospa kachankuna, chantá Diosmanta sut'inchajkuna ima kusikullaychejtaj, imaraykuchus Dios qankunarayku justiciata ruwaspa, chay llajtaman tukuy millayta ruwasqanman jina kutichipun, nispa.