Jeremías 51:37 - DIOSPA QHELQACHISQ

³⁷ Babiloniaqa raqayllamanña tukuchisqa kanqa, k'ita alqokunaj pakakunallankumanña, mana tiyakunapaj jinaman. Chantá tukuy runakuna chayta rikuspa, t'ukonqanku, mancharikonqankutaj.

Qheshwa Biblia DC

³⁷ Babiloniaqa raqaykunasllamanña tukonqa, atojkunaspa pakakunallankumanña, mana tiyakunapaj jina cheqaman. Chaytaj tukuyta t'ukuchenqa, mancharichenqataj.

DIOSPA QHELQACHISQAN DEUTEROCANONICAL

³⁷ Babiloniaqa raqayllamanña tukuchisqa kanqa, k'ita alqokunaj pakakunallankumanña, mana tiyakunapaj jinaman. Chantá tukuy runakuna chayta rikuspa, t'ukonqanku, mancharikonqankutaj.

Jeremías 51:37 ပူးပေါင်းရင်းမြစ်များ

2 Crónicas 29:8

Chayrayku Tata Dios phiñasqa kashan Judá suyupaj, Jerusalenpajwan. Jinataj paykunataqa mancharisqa t'ukunapaj jina ruwarqa, runa asikunanpaj jina, chaytataj qankuna rikushankichej.

Isaías 14:23

Llajtankuta yaku qhochiman tukuchisaj, ch'useqakunaj tiyakunankutataj ruwasaj. Chaymantaqa chinkachiy pichanawan paykunata picharparisaj, nispa. Ajinata Tukuy Atiyniyoj Tata Dios nin.

Jeremías 18:16

Ajinamanta paykuna suyunkuta ch'inman tukucherqanku, wiñaypaj runaj asikunan kananpaj. Tukuy chayninta purejkuna t'ukuspataj, umankuta khiwirenqanku.

Jeremías 19:8

Kay llajtata ch'in raqayman tukuchisaj, tukuy t'ukunankupaj jina. Chantá tukuy chayninta purejkuna t'ukushaj qhepakonqanku, chay jina phirisqa kasqanta rikuspa.

Jeremías 25:12

Qanchis chunka wata junt'akojtin, Babiloniata kuraj kamachejta millay ruwasqanmanta jasut'isaj, jinallataj caldeokunatapis. Chay suyukunata wiñaypaj ch'inyachisaj. Noqa Tata Diosmin chayta nini.

Jeremías 25:18

Chay vasota Jerusalén llajtaman jaywarqani, jinallataj Judá suyupi llajtakunaman, kuraj kamachejkunaman, jinataj kurajninkukunamanpis jaywallarqanitaj. Chay jinamanta Tata Dios paykunata kantumanta tukucherqa, wiñaypajtaj raqaykunallataña saqerqa mancharikunapaj, asikunapaj jina, imaynachus kunan kashanku, ajina.

Jeremías 25:9

Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Jeremías 29:18

Paykunata maqanakuywan, yarqhaywan, onqoywan ima qhatiykachasaj. Kay pachapi tukuy suyu paykunata rikuspa, asipayanqanku, maldicisqa jina kasqankurayku. May suyumanchus paykunata ch'eqerqachisaj, chaypi p'enqayman churasqa kanqanku, runakunataj paykunaj sutinta oqharispa, ujkunata maldicenqanku.

Jeremías 49:17

Tata Dios nillantaj: Edom suyoqa raqayman tukuchisqa kanqa. Tukuy chayninta purejkuna t'ukonqanku, chay jinata rikuspataj, asikonqanku.

Jeremías 49:33

Jazor suyu wiñaypaj ch'inman tukuchisqa kanqa, k'ita alqokunaj tiyakunankullanña kanqa. Mana pipis chaypi tiyakonqañachu, ni ñan purejkunallapis chayninta renqankuchu, nispa.

Jeremías 51:29

Kay pacha ikhakun, kharkatitintaj, imaraykuchus Tata Dios wakichikusqanta junt'ashan, Babiloniata ch'in t'ajra pampaman tukuchinanpaj.

Jeremías 9:11

11 (10) Tata Dios nin: Jerusalén llajtata rumi qotuman tukuchisaj, k'ita alqokunaj tiyakunanman. Judá suyupi llajtakunata raqaykunaman tukuchisaj, manañataj pipis chaypi tiyakoj kanqachu, nispa.

Miqueas 6:16

Ajina kanqa, imaraykuchus Omrij ayllunpa jinallataj Ajabpa ayllunpa kamachisqankuta ruwarqanki. Imaynatachus paykuna purerqanku, qanpis ajinallataj purerqanki. Chayraykumin noqa qanta, qanwan tiyakojkunatawan ima runa alqochakunankupaj jina ruwasaj. Kay pachamanta tukuy runataj pisipaj qhawasonqanku, nispa.

Nahúm 3:6

Pataykiman millay ch'ichita jich'aykamusaj Honrayki t'akasqa kananta ruwasaj, tukuy qhawaspa asikusunankupaj jina.

Sofonías 2:15

Ajina kanqa jatunchakoj llajtapaj, pikunachus ni imamanta llakikuspa kawsakojkunapaj. Chaypi tiyakojkuna sonqonkupi nerqanku: Llajtanchej jina tukuy kay pachapi mana waj llajta kanchu, nispa. Kunantajrí ch'inpacha, k'ita animalkunaj puñunallanña kashan. Chayninta tukuy purejkunataj umankuta khiwirispa, asikunku.

Apocalipsis 18:2

Paytaj jatunmanta qhaparerqa: Urmanña, Babilonia jatun llajta urmanña. Chay llajtaqa supaykunaj wasinman tukun, tukuy millay espiritukunaj pakakunanman, chantá tukuy imaymana millay ch'ichipaj qhawasqa phawajkunaj thapanman ima.