Jeremías 51:35 - DIOSPA QHELQACHISQ

³⁵ Noqaykuta ñak'arichiwasqaykoqa Babiloniaj patanman urmachun, nispa Sionpi tiyakojkuna nenqanku. Caldeokunaj patankuman yawarniyku jich'akuchun, nispa Jerusalenpi tiyakojkuna ninku.

Qheshwa Biblia DC

³⁵ Babilonia qopuchun tukuy chay ñak'ariykunasta apamuwasqanmanta. Caldeokuna kunanqa junt'apuchunku wañuchiwarqanku chay runasmanta.

DIOSPA QHELQACHISQAN DEUTEROCANONICAL

³⁵ Noqaykuta ñak'arichiwasqaykoqa Babiloniaj patanman urmachun, nispa Sionpi tiyakojkuna nenqanku. Caldeokunaj patankuman yawarniyku jich'akuchun, nispa Jerusalenpi tiyakojkuna ninku.

Jeremías 51:35 ပူးပေါင်းရင်းမြစ်များ

Génesis 16:5

Jinapi Saraiqa Abramta nerqa: Agar pisipaj qhawanawanpajqa qanmin juchayoj kanki. Noqaqa payta qanman jaywarqayki warmiyki kananpaj. Kunantajrí wawayoj kananta yachaspa, noqamanta aswan kasqanta yuyakushan. Chayrayku Tata Dios nichun, qanchus chayrí noqachus juchayoj kasqanchejta, nispa.

Salmos 12:5

5 (6) Tata Diosrí kay jinata kutichispa nin: Millayta ruwajkunaqa wajchakunata, pisi kallpayojkunata ima ñak'arichinku, waqachinkutaj. Chayrayku kunan sayarispa, noqaqa ñak'arichisqa runakunaj suyasqankuman jina paykunata yanapasaj, nispa.

Salmos 9:12

12 (13) Tata Dios pichus runata wañuchejkunamanta cuentata mañanqa, ñak'arichisqa kajkunamantataj qhawarenqa. Jinallataj payqa llakiyniyojkunaj qhaparikusqankuta mana qonqanchu.

Jeremías 50:10

Chaypacha paykunaqa caldeokunaj tukuy kapuyninkuta apakaponqanku manaña atinankukama. Noqa Tata Diosmin chayta nini.

Jeremías 50:29

Arcowan tukuy flechajkunata tantamuychej, Babiloniaj contranta maqanakoj rinankupaj. Llajtaj tukuy muyuyninpi jarakuychej, ama pipis ayqenanpaj. Ruwasqanman jina kutichiychej. Imaynatachus waj suyukunawan ruwarqa, ajinallatataj paywan ruwaychej, imaraykuchus payqa Israelpa May Llimphu Kaj Diosnin, noqa Tata Diospa contraypi sayaykorqa.

Jeremías 51:24

Tata Dios nillantaj: Kunantajrí noqa rikunaykichejta Babiloniata, caldeokunatapis imatachus ruwasqankuman jina kutichisaj, Sión llajtata mana ima allinta ruwasqankurayku, nispa.

Lamentaciones 1:22

Qanpa ñawpaqeykiman tukuy millay ruwasqanku chayamuchun. Imaynatachus noqa mana kasukojtiy ruwawarqanki, ajinallatataj paykunatapis ruway ari. Anchataña waqasqayrayku, sonqoy p'akisqa kashan, nispa. Ajinata Jerusalén llajta Tata Diosta nin.

Habacuc 2:17

Qan imatachus Líbano orqota millayta ruwasqaykeqa pataykiman urmamonqa, mancharikunkitaj k'ita animalkunata wañuchisqaykimanta. Chay jasut'i chayamusonqa runakunata wañurachisqaykirayku, chay suyoj contranta, runakunaj contranta ima millayta ruwasqaykiraykutaj.

Zacarías 1:15

Chayrayku sinch'i phiñasqa kashani mana imamanta llakiyniyoj suyukunaj contrankupi. Maypachachus pisillataraj aylluypaj phiñakorqani chaypacha, paykuna Jerusalén llajtata may sinch'ita ñak'arichispa, astawan phiñachiwarqanku.

San Mateo 7:2

Imaynatachus wajkunata juchachankichej, ajinallatataj Diospis qankunata juchachasonqachej. Imayna sonqowanchus wajkunata qhawankichej, chay jinallatataj Dios qankunata qhawasonqachej.

Santiago 2:13

Pichus wajkunata mana khuyarikojqa juicio p'unchaypi Dios paymanta mana khuyarikullanqatajchu. Pichus khuyakuyta yachajtajrí, Dios juicio p'unchaypi paymanta khuyarikullanqataj.

Apocalipsis 16:6

Kay pachapi tiyakojkunaqa ajllakusqaykikunata wañucherqanku, jinallataj qanmanta sut'inchajkunatapis. Chayrayku qanpis runakunata wañuchisqankoj yawarninkuta paykunaman ujyachillankitaj, imaraykuchus chaypaj jina kanku, nispa.

Apocalipsis 18:20

Chaymanta janaj pachapi tukuy tiyakojkuna kusikuychej. Jinallataj qankuna Diospa ajllakusqankuna, Diospa kachankuna, chantá Diosmanta sut'inchajkuna ima kusikullaychejtaj, imaraykuchus Dios qankunarayku justiciata ruwaspa, chay llajtaman tukuy millayta ruwasqanman jina kutichipun, nispa.

Apocalipsis 18:6

Payman qopuychej, imaynatachus qankunaman qosorqachej ajinata, ruwasqanman jinataj iskay jinatawan kutichipuychej. Ima vasomantachá qankunaman ujyachisorqachej, chayllamantataj iskay jinatawan payman ujyachiychej.

Apocalipsis 6:10

Chantá paykuna jatunmanta qhaparispa, nerqanku: Tukuyta Kamachej Jesús, may llimphu kaj, cheqa kajtaj, jayk'ajkamataj kay pachapi tiyakojkunata mana juzgankichu, nitaj wañuchiwasqaykumanta vengakunkichuri? nispa.

Jueces 9:20

Mana jina chayrí, Abimelecmanta nina lawray llojsispa, ruphaykuchun Sichem llajtapi tiyakojkunata, jinataj Milopi tiyakojkunatapis. Ajinallatataj Sichem llajtamanta, Milomantawan nina lawray llojsillachuntaj, Abimelectañataj ruphananpaj.

Jueces 9:24

Ajinata Abimelecqa Yerubaalpa qanchis chunka churinkunata wañuchisqanrayku jasut'isqa karqa. Jinallataj Sichem llajtamanta runakunapis payta yanapasqankurayku jasut'isqallataj karqanku.