Jeremías 51:29 - DIOSPA QHELQACHISQ

²⁹ Kay pacha ikhakun, kharkatitintaj, imaraykuchus Tata Dios wakichikusqanta junt'ashan, Babiloniata ch'in t'ajra pampaman tukuchinanpaj.

Qheshwa Biblia DC

²⁹ Kay pacha ikhakun, kharkatitintaj, imaraykuchus Señorqa junt'ashan chay wakichikusqasninta, Babiloniata uj ch'in pampaman tukuchinan karqa chayta.

DIOSPA QHELQACHISQAN DEUTEROCANONICAL

²⁹ Kay pacha ikhakun, kharkatitintaj, imaraykuchus Tata Dios wakichikusqanta junt'ashan, Babiloniata ch'in t'ajra pampaman tukuchinanpaj.

Jeremías 51:29 ပူးပေါင်းရင်းမြစ်များ

Isaías 14:16

Jaqaypi qanta tukuy rikusojkuna t'ukuspa qhawasonqanku, nenqankutaj: Kaychu tukuy kay pachata kharkatitichej chay runaqa? Kaychu tukuy suyuta manchachej runaqa?

Isaías 24:20

Kay pachaqa machasqa runa jina chankaykachanqa, wayraj phukusqan ch'ujlla jinataj kaynejman jaqaynejman wajtaykachakonqa. Diospa contranta oqharikuspa juchallikusqanqa kay pachata manchaytapuni llasaykonqa urmachinankama, manañataj ujtawan sayarenqachu.

Jeremías 10:10

Tata Diostajrí cheqa kaj Diospuni, kawsaj Dios, wiñaypaj Kuraj Kamachejtaj. Maypachachus pay phiñakun, chaypacha, kay pacha kharkatitin. Phiñakojtenqa, suyukunapis mana sayayta atinkuchu.

Jeremías 50:13

Noqa phiñakusqayrayku Babilonia suyuta mana uj runayojta saqesaj, ch'in q'ara pampaman tukuchisqata. Tukuy chayninta pasajkunaqa t'ukuspa, alqochakonqanku, chay jina jasut'isqa kasqankuta rikuspa.

Jeremías 50:36

Llulla sut'inchajkunapis locoyapuchunku. Wapu soldadonkukunapis manchachikuywan kharkatitichunku.

Jeremías 50:43

Babiloniamanta kuraj kamachejrí chayta yachaytawankama, mancharikuywan mana imanakuyta atinchu. Paqarichikoj warmi jina ñak'ariypi, nanaypitaj kashan, nispa.

Jeremías 50:45

Jinaqa uyariychej imatachus noqa Tata Dios Babiloniaj contranpi wakichisqayta, imatatajchus ruwayta yuyasqayta caldeokunaj contrankupi: Awqankunaqa aswan juch'uy wawankunatapis apanqanku, llajtankutapis ch'in t'ajra pampaman tukuchenqanku.

Jeremías 50:46

Babilonia suyoj urmasqanqa kay pachata kuyurichenqa, urmasqanmanta qhaparqachasqankutaj tukuy kay pachapi uyarikonqa, nispa.

Jeremías 51:26

Loqhesqa rumiykita wasita ruwanapaj ni pipis oqharenqachu. Wiñaypaj ch'inpacha kanki. Noqa Tata Diosmin chayta nini.

Jeremías 51:28

Waj suyukunata wakichiychej maqanakuman yaykunankupaj. Mediamanta kuraj kamachejkunata chaypaj wakichiychej, chantá kurajkunata, paywan kajkunata, jinallataj kamachiyninkupi tukuy runatapis.

Jeremías 51:37

Babiloniaqa raqayllamanña tukuchisqa kanqa, k'ita alqokunaj pakakunallankumanña, mana tiyakunapaj jinaman. Chantá tukuy runakuna chayta rikuspa, t'ukonqanku, mancharikonqankutaj.

Jeremías 51:43

Chay llajtankunaqa ch'inman tukonqanku, ch'aki jallp'aman, ch'in pampaman ni pejpa tiyakunanpaj jina, nitaj pipis chayninta purenqañachu.

Jeremías 8:16

Awqakuna jamushankuña. Caballokunaj samaqesqankupis Danmantapachaña uyarikun. Caballokuna qhaparejtinku, tukuy jallp'a kharkatitin. Kay jallp'api tukuy ima kajta chinkarparichej jamushanku. Tukuy llajtata, chaypi tiyakojkunatawan ima chinkarparichenqanku, nispa.

Joel 2:10

Jallp'a kharkatitin paykunaj ñawpaqenkupi. Janajpis chujchurin. Intipis, killapis laqhayaykunku, ch'askakunataj ayphuyaykunku.

Amós 8:8

Chay jina millay ruwasqankumanta kay suyoqa kharkatitenqa. Jinallatataj chay suyupi tukuy tiyakojkuna waqanqanku. Chaypacha jallp'a pachallanmanta kuyurenqa, tiyaykonqataj, imaynatachus Nilo mayupi yaku ashkhayantaj pisiyantaj, jinata, nispa.

Apocalipsis 18:2

Paytaj jatunmanta qhaparerqa: Urmanña, Babilonia jatun llajta urmanña. Chay llajtaqa supaykunaj wasinman tukun, tukuy millay espiritukunaj pakakunanman, chantá tukuy imaymana millay ch'ichipaj qhawasqa phawajkunaj thapanman ima.