Jeremías 51:24 - DIOSPA QHELQACHISQ

²⁴ Tata Dios nillantaj: Kunantajrí noqa rikunaykichejta Babiloniata, caldeokunatapis imatachus ruwasqankuman jina kutichisaj, Sión llajtata mana ima allinta ruwasqankurayku, nispa.

Qheshwa Biblia DC

²⁴ Noqa rikunaykichejta Babiloniaman, caldeosmampis imastachus munasqankuman jina jasut'isaj Sión orqopi millay imasta ruwasqankurayku. Noqa Señor chayta nini.

DIOSPA QHELQACHISQAN DEUTEROCANONICAL

²⁴ Tata Dios nillantaj: Kunantajrí noqa rikunaykichejta Babiloniata, caldeokunatapis imatachus ruwasqankuman jina kutichisaj, Sión llajtata mana ima allinta ruwasqankurayku, nispa.

Jeremías 51:24 ပူးပေါင်းရင်းမြစ်များ

Salmos 79:10

Imaraykutaj qanta mana qhatisojkuna noqaykumanta ninkuman kasqa: Maypitaj Diosninku kashan? nisparí? Kamachiykikunata wañuchisqankumanta pagachikusqaykita tukuy yachachunku.

Isaías 48:14

Tukuyniykichej tantakuspa, uyariwaychej: Mayqen diostaj kay imakuna kananmanta sut'incharqari? Noqaj ajllakusqay runaqa wakichisqayta junt'anqa Babiloniaj contranpi, caldeokunaj contrankupiwan.

Isaías 61:2

Jinallataj Tata Diospa k'acha yanapaynin wata chayamusqantaña willanaypaj kachamuwan. Chay p'unchaypi Tata Dios awqanchejkunamanta vengakonqa, tukuy llakisqakunatataj sonqochanqa.

Isaías 66:6

Llajta ukhupi ch'ajwa uyarikun, Templomantapis uj qhapariy uyarikun. Chayqa Tata Diospa qhapariynin, awqankunamanta vengakushajtin.

Jeremías 25:14

Jatun suyukuna chantá atiyniyoj kuraj kamachejkunapis Babilonia llajtayojkunata chakinku uraman churanqanku. Ajinata ruwasqankuman jina paykunawan pagachikusaj, nispa.

Jeremías 50:10

Chaypacha paykunaqa caldeokunaj tukuy kapuyninkuta apakaponqanku manaña atinankukama. Noqa Tata Diosmin chayta nini.

Jeremías 50:15

Tukuynejpi maqanakuman yaykunapaj qhapariychej. Babilonia atipasqaña kashan, torrenkuna, phatu perqankunapis thuñisqaña. Kayqa Tata Diospa vengakuyninmin. Babiloniamanta vengakuychej. Imaynatachus qankunawan ruwarqanku, ajinallatataj paykunawanpis ruwaychej.

Jeremías 51:11

Tata Diosqa Babiloniata tukuchiyta munan. Media suyumanta kuraj kamachejkunata rijch'arichispa, tanqamun. Chaymin Tata Diospa vengakuynenqa, Templonta imatachus ruwasqankumanta. Flechanapaj arcoykichejta, jark'akuna escudoykichejtataj oqhariychej.

Jeremías 51:23

Qanwan michejkunata, uywakunatapis wañuchisaj, jinallataj chajrapi llank'ajkunata, yuntankutapis. Chantá kamachejkunata, kamachina wasipi yanapajkunatapis phirillasajtaj, nispa.

Jeremías 51:35

Noqaykuta ñak'arichiwasqaykoqa Babiloniaj patanman urmachun, nispa Sionpi tiyakojkuna nenqanku. Caldeokunaj patankuman yawarniyku jich'akuchun, nispa Jerusalenpi tiyakojkuna ninku.

Jeremías 51:49

Arí, Babilonia urmanqapuni, Israel ayllumanta runakunata wañurachisqanmanta, jinataj tukuy kay pachapi runakunata wañurachisqanmanta ima.

Jeremías 51:56

Babiloniata chinkachej chayamunku. Soldadonkunataj jap'isqa kanqanku, flechanapaj arconkupis p'akisqa, imaraykuchus Tata Diosqa mana allinta ruwasqankumanta pagachikoj Dios kaspa, millay ruwasqankuman jina paykunaman pagaponqa.

Lamentaciones 3:64

Kunanqa, Tata Dios, paykunaman imatachus ruwasqankuman jina kutichipuy.

Apocalipsis 18:20

Chaymanta janaj pachapi tukuy tiyakojkuna kusikuychej. Jinallataj qankuna Diospa ajllakusqankuna, Diospa kachankuna, chantá Diosmanta sut'inchajkuna ima kusikullaychejtaj, imaraykuchus Dios qankunarayku justiciata ruwaspa, chay llajtaman tukuy millayta ruwasqanman jina kutichipun, nispa.

Apocalipsis 18:24

Dios jasut'isunki, imajtinchus Diosmanta sut'inchajkunaj, chantá Diospa ajllakusqankunaj yawarninku, calleykikunata mayu jina purerqa, tukuy kay pachapi wañuchisqa kajkunaj yawarninkuwan khuska, nispa.

Apocalipsis 6:10

Chantá paykuna jatunmanta qhaparispa, nerqanku: Tukuyta Kamachej Jesús, may llimphu kaj, cheqa kajtaj, jayk'ajkamataj kay pachapi tiyakojkunata mana juzgankichu, nitaj wañuchiwasqaykumanta vengakunkichuri? nispa.