Jeremías 51:20 - DIOSPA QHELQACHISQ

²⁰ Tata Dios nin: Babilonia, qanqa maqanakupaj armay jina kanki. Qanwanqa waj suyukunata phirirasaj, qanllawantaj kamachinanku tiyanakunata chinkachisaj.

Qheshwa Biblia DC

²⁰ Babilonia qanqa martilloy jina kanki. Qanwan nacionesta phirirani, qanllawantaj reinosta chinkachini.

DIOSPA QHELQACHISQAN DEUTEROCANONICAL

²⁰ Tata Dios nin: Babilonia, qanqa maqanakupaj armay jina kanki. Qanwanqa waj suyukunata phirirasaj, qanllawantaj kamachinanku tiyanakunata chinkachisaj.

Jeremías 51:20 ပူးပေါင်းရင်းမြစ်များ

Isaías 10:15

Jachaqa k'utoj runamanta nisqa aswan sumaj kasqanta yuyakunmanchuri? Sierrapis khuchoj runamanta nisqa may kasqanta yuyakullanmantajchu? Chayqa kanman uj k'aspi, chayrí tojnupis runata apaykachanman jina.

Isaías 10:5

Tata Dios nin: Asiria, qanqa phiñakuyniypi wajtanay k'aspi kanki, phiñakuspa oqharinay varaytaj.

Isaías 13:5

Chaykunaqa karu llajtamanta jamunku, kay pachaj k'uchunmantapacha. Chaykunaqa Tata Diospa kachamusqan kanku, paypa k'araj phiñakuyninpi jasut'iwan tukuynin kay pachata tukuchinankupaj.

Isaías 37:26

Noqa Tata Diosrí kayta niyki: Qan manachu yacharqanki, noqa unaymantapacha kay imakunata wakichisqayta? Unay unaymantapacha imatachus wakichisqayta kunan ruwashani. Chayraykullamari qanqa pakakuna jark'achasqa llajtakunata urmarachinki, raqay rumi qollullamantaj tukuchinki.

Isaías 45:1

Tata Diosqa Cirota kuraj kamachej kananpaj aceitewan jawichispa ajllarqa, paña makinmanta jap'ispataj, paynejta jatun suyukunata k'umuykachachenqa. Ajinamanta kuraj kamachejkunaj armankuta qhechuspa, llajtakunaj punkunkuta kicharenqa, mana ujtawan wisq'akunanpaj.

Isaías 8:9

Tukuy suyu tantakuychej, imaraykuchus chinkachisqa kankichej. Qankunapis karupi kaj suyukuna, uyariychej: May jinatapis wakichikuychej. Chaywanpis qankuna chinkachisqallataj kankichej. May jina sumaj armatapis wakichikuychej, chinkachisqapuni kankichej.

Jeremías 25:11

Tukuy kay suyoqa ch'inyachisqa kanqa, raqayman tukuchisqataj. Kay suyumanta runakunataj qanchis chunka wata junt'ata Babiloniata kuraj kamachej makinpi kankichej.

Jeremías 25:9

Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Jeremías 50:23

Babiloniaqa tukuy suyukunapaj phirej combo jina kaspapis, kunanqa p'akisqa, ñut'u phirisqataj kashan. Qhawariychej imaynatachus Babilonia tukuy suyukunapaj t'ukuspa, mancharinaman tukusqanta.

Ezequiel 21:11

11 (16) Espadaqa llosq'ochasqa, filochasqataj kashan, runata wañuchejpa makinman churanapaj.

Ezequiel 21:31

31 (36) Noqaqa phiñakuyniyta manchay lawrashaj ninaman rijch'akojta pataykiman kachaykamusaj. Kallpaman atinikuspa mana sonqoyoj runakunaj makinkuman jaywaykusqayki, thuñinapaj yachasqa kajkunaman.

Miqueas 4:12

Chaywanpis chay suyukuna mana Tata Diospa yuyasqanta yachankuchu, nitaj imachus ruwanan kasqantapis. Manallataj yachankuchu Dios paykunata tantaykunanta, imaynatachus trigo marq'ata eraman tantanchej, jinata.

Miqueas 4:13

Tata Dios nin: Sión llajta, jatarispa, contraykipi kaj suyukunata trillay. Noqa fierromanta wajrata, broncemanta silluta ima qosqayki, phiña toro jina ashkha suyukunata phirinaykipaj. Jinapi qan paykunamanta qhechunki, mana allinta ruwaspa qhapajyasqankuta, chaytataj noqapaj t'aqapuwanki, imaraykuchus noqamin tukuy kay pachata kamachej Tata Dios kani, nispa.

Nahúm 2:1

1 (2) Nínive llajta, chinkachisojqa contraykipi jamushanña. Chayrayku sumaj jark'achasqa perqakuna pataman soldadoykikunata churay. Ñanta allinta qhaway. Mat'ita espadaykitapis wataykukuy, Tukuy soldadoykikunata tantaykuy.

Zacarías 10:4

Judá ayllumanta rikhurenqa cimiento esquinaman churana rumi, toldota sayachinapaj estaca, flechanapaj arco ima. Chaymanta tukuy kamachejkunapis jatarillanqankutaj.

San Mateo 22:7

Jinapi kuraj kamachejqa chayta uyarispa, anchatapuni phiñakusqa. Chayrayku uj tropa soldadokunata kachasqa, chay runa wañuchejkunata tukuchinankupaj, llajtankutataj ruphaykuchinankupaj ima.