Jeremías 51:16 - DIOSPA QHELQACHISQ

¹⁶ Sinch'ita qhaparispa, phuyupi yakuta t'ojyarichin, kay pachaj k'uchunmantataj phuyukunata pataman wicharichin. Paramushajtin, lliuj lliujkunata lliphipirichin, wayratapis jallch'ananmanta orqhomun.

Qheshwa Biblia DC

¹⁶ Sinch'i qhapariyninwan phuyuspi yakusta sonarichin; kay pachaj cantosninmantapacha phuyusta pataman wicharichin. Paramojtimpis lliuj lliujkunata k'ancharichin; wayratapis jallch'ananmanta orqhomun.

DIOSPA QHELQACHISQAN DEUTEROCANONICAL

¹⁶ Sinch'ita qhaparispa, phuyupi yakuta t'ojyarichin, kay pachaj k'uchunmantataj phuyukunata pataman wicharichin. Paramushajtin, lliuj lliujkunata lliphipirichin, wayratapis jallch'ananmanta orqhomun.

Jeremías 51:16 ပူးပေါင်းရင်းမြစ်များ

Génesis 8:1

Diosqa Noemanta, jinallataj jatun barcopi kasharqanku, chay animalkunamantapis khuyarikorqa. Chayrayku pay kay pachaman wayrachimorqa, yakutaj ch'akiyta qallarerqa.

Job 37:13

Diosqa parachimun runakunata jasut'inanpaj, wakin kutitaj khuyakuyninta rikuchinanpaj.

Job 38:22

Qanqa rit'ita, chijchi parata ima maypichus jallch'asqayta rikunkichu?

Job 40:9

Qanqa noqa jina atiyniyojchu kanki? Qanpa sinch'i parlasqaykeqa noqaj parlasqay jinachu?

Salmos 104:7

Kamachejtiyki, yakukuna ayqerqanku, jatunmanta parlasqaykita uyarispataj, usqhayllata riporqanku.

Salmos 135:7

Kay pachaj k'uchunmanta phuyukunata orqhomuspa, parananpaj lliuj lliujkunata rikhurichin, wayratapis jallch'ananmanta orqhomun.

Salmos 147:18

Pay kamachejtin, chhullunkapis unuyan. Chantá pay wayrachimojtin, watej yakoqa puririn.

Salmos 18:13

13 (14) Tata Dios janaj pachamanta sinch'i parlasqanta uyarichimorqa, Patapi Kaj Diostaj qhaparimorqa chijchi para, nina k'ajay chawpimanta.

Salmos 46:6

6 (7) Tukuy runakuna manchachikuspa qhaparinku, kuraj kamachejkunaj kamachisqanku suyukunapis kharkatitinku. Dios parlarejtinkama, jallp'apis kharkatitillantaj.

Salmos 68:33

33 (34) pichus wiñaymantapacha janaj pachapi purishan, chayman. Qhon qhon jina jatunmanta parlasqantapis uyariychej.

Salmos 78:26

Jinallataj Diosqa atiyninwan inti llojsimuynejmanta wayrachimorqa, uranejmantapis wayrata chayachimorqa.

Éxodo 10:13

Chantá Moisesqa Egipto suyunejman varanta oqharerqa. Tata Diostaj inti llojsimuynejmanta uj p'unchayta, uj tutatawan wayrachimorqa. Sut'iyamuypajtaj wayraqa tukuy Egiptoman phinki phinkikunata apamorqa.

Éxodo 10:19

Chantá Tata Dios inti yaykuynejmantañataj wayrata wayrachimorqa. Chaytaj phinki phinkikunata aparpaspa, Puka Mama Qochaman wijch'uykamorqa. Jinamanta Egiptopi phinki phinkikunamanta mana ni ujpis puchorqachu.

Éxodo 14:21

Chantá Moisés mama qochanejman makinta oqharerqa. Tata Diostaj tukuy chay tuta inti llojsimuynejmanta sinch'ita wayrachimuspa, mama qochapi yakuta iskayman khallarparerqa. Ajinapi qochaqa iskayman t'aqasqa rikhurerqa, pampantaj ch'akiman tukorqa.

Ezequiel 10:5

Querubinkunaj lijrankoj laphaqeyasqantaj jawa patiokama uyarikorqa, Tukuy Atiyniyoj Diospis parlashanman jina.

Amós 9:7

Tata Dios kay jinata nin: Israelitakuna, qankuna noqapaj Etiopiamanta kajkuna jinalla kankichej. Imaynatachus Egiptomanta pusamorqaykichej, ajinallatataj filisteokunatapis Cretamanta pusamorqani, arameokunatapis Quirmanta pusamorqani, nispa.

Jonás 1:4

Chaywanpis Tata Dios sinch'ita wayrachimorqa, jinataj mama qocha chawpitaña barco rishajtin, maytapuni para wayra yakuta qhollchoqeyachispa, barcota phirinanpaj jina kasharqa.

Jonás 4:8

Inti llojsimuytataj Tata Dios sinch'i q'oñi wayrata inti llojsimuynejmanta wayrachimorqa. Jinapi intej ruphaynin Jonaspa umanta sinch'ita k'ajaykorqa, chayraykutaj Jonaspa yuyaynin chinkanayarqa. Paytaj wañuyta munaspa, nerqa: Astawan allin kanman wañupunay, kawsanaymanta nisqaqa, nispa.