Jeremías 51:14 - DIOSPA QHELQACHISQ

¹⁴ Tukuy Atiyniyoj Tata Dios sutinrayku tilun: Llajtaykita awqaykikunawan phinki phinkikunawan jina junt'aykuchisaj, paykunataj qanta atipaykususqankurayku, kusiymanta takirikonqanku, nispa.

Qheshwa Biblia DC

¹⁴ Tukuy Atiyniyoj Señorqa kausayninrayku juran: Enemigosniykiwan, langostaswan jina junt'aykuchisqayki, paykunataj qanta atipaykususqankurayku tarikonqanku, nispa.

DIOSPA QHELQACHISQAN DEUTEROCANONICAL

¹⁴ Tukuy Atiyniyoj Tata Dios sutinrayku tilun: Llajtaykita awqaykikunawan phinki phinkikunawan jina junt'aykuchisaj, paykunataj qanta atipaykususqankurayku, kusiymanta takirikonqanku, nispa.

Jeremías 51:14 ပူးပေါင်းရင်းမြစ်များ

Salmos 105:34

Ujtawan Dios parlajtin, phinki phinkikunañataj rikhurerqanku. May chhika mana yupay atina jinapuni karqanku.

Jeremías 44:26

Chaywanpis Egiptopi tiyakoj Judamanta kajkuna, tukuyniykichej noqa Tata Diospa nisqayta uyariychej: Jatun sutiyrayku kayta tiluni: Judamanta Egiptopi tiyakojkuna manaña ujtawan sutiyta oqharenqankuchu, Diosninkupaj rejsikapuwaspa, nitaj tilonqankuchu: Tukuyta Kamachej Tata Diospa sutinrayku tiluni, nispaqa.

Jeremías 46:23

Egiptopi tiyakojkunata sach'ata jina k'utonqanku. Ajinata Tata Dios nin. Babiloniamanta soldadokunaqa phinki phinkikunamantapis aswan ashkha kanku, manataj pipis paykunata yupayta atinchu.

Jeremías 49:13

Noqa Tata Dios sutiyrayku tiluni: Bosra llajtaqa thuñisqa, ch'inpacha qhepakonqa, k'umuykachachisqataj, maldicisqataj kanqa. Wajkuna chayta rikuspa, manchachikonqanku. Chay waj llajtankunataj wiñaypaj raqayllaña kanqanku, nispa.

Jeremías 50:15

Tukuynejpi maqanakuman yaykunapaj qhapariychej. Babilonia atipasqaña kashan, torrenkuna, phatu perqankunapis thuñisqaña. Kayqa Tata Diospa vengakuyninmin. Babiloniamanta vengakuychej. Imaynatachus qankunawan ruwarqanku, ajinallatataj paykunawanpis ruwaychej.

Jeremías 51:27

Chay suyupi wiphalata pataman oqhariychej maqanakuman yaykunapaj. Trompetata waqachiychej, runatataj tantaychej, Babiloniaj contranta maqanakoj yaykunapaj. Paypa contranpi Araratmanta, Minimanta, Askenazmantawan runata tantaychej. Chantá uj kamachejta churaychej, tukuy rejkunata maqanakuman pusananpaj. Caballopi rejkunata kachaykuychej, may chhika phinki phinkikuna jina.

Joel 2:25

Tata Dios nin: Noqa qankunaj contraykichejpi chajraykichejta tukuykunankupaj kachamorqaykichej soldadokunata jina may chhika phinki phinkikunata. Chaywanpis imatachus mikhukapusqankuta kutichipusqaykichej.

Amós 6:8

Tukuy Atiyniyoj Tata Dios sutinpi tiluspa nin: Israelitakunaj wapuykachasqankuta chejnini, kamachinanku wasikunatataj mana rikuyta atinichu. Kay llajtata awqankuman jaywasaj, imankunachá tiyan, chaytawan, nispa.

Hebreos 6:13

Maypachachus Diosqa Abrahamman imatachus qonanta nerqa chaypacha, pay kikinrayku tilorqa, imaraykuchus paymanta aswan kuraj mana karqachu.

Jueces 6:5

Toldonkukunata sayachispa, chay madianitakunaqa uywankunawan ima Israel suyuman junt'aykorqanku, tukuy imata t'ustiraspa. Phinki phinkikuna jinapuni may chhika camellonkukunawan junt'aykoj kanku.