Jeremías 51:11 - DIOSPA QHELQACHISQ

¹¹ Tata Diosqa Babiloniata tukuchiyta munan. Media suyumanta kuraj kamachejkunata rijch'arichispa, tanqamun. Chaymin Tata Diospa vengakuynenqa, Templonta imatachus ruwasqankumanta. Flechanapaj arcoykichejta, jark'akuna escudoykichejtataj oqhariychej.

Qheshwa Biblia DC

¹¹ Señorqa Babiloniata tukuchiyta munan, Media nacionmanta reykunastapis ajinallatataj yuyachin. Chaymin Señorpa aynita kutichiynenqa, yupaychana wasinta imatachus ruwasqankuman jina. Wach'inasniykichejta wakichikuychej. Allinta jap'iychej jark'achikunaykichejta.

DIOSPA QHELQACHISQAN DEUTEROCANONICAL

¹¹ Tata Diosqa Babiloniata tukuchiyta munan. Media suyumanta kuraj kamachejkunata rijch'arichispa, tanqamun. Chaymin Tata Diospa vengakuynenqa, Templonta imatachus ruwasqankumanta. Flechanapaj arcoykichejta, jark'akuna escudoykichejtataj oqhariychej.

Jeremías 51:11 ပူးပေါင်းရင်းမြစ်များ

1 Reyes 11:14

Jinataj Tata Diosqa uj awqata Salomonpa contranpi jataricherqa Hadad sutiyojta. Payqa Edommanta kuraj kamachejpa mirayninmanta karqa.

1 Reyes 11:23

Diosqa Salomonpa contranpi Eliadaj churin Rezón sutiyojta jatarichillarqataj. Payqa Soba suyumanta kuraj kamachej Hadad Ezerpa kamachin kashaspa ayqesqa.

1 Crónicas 5:26

Chayraykumá israelitakunaj Diosnenqa Asiria suyuta kuraj kamachej Tiglat Pileserta paykunaj contrankuta kachaykorqa. Tiglat Pilesertaj Rubén jatun aylluta, Gad jatun aylluta, jinataj Manasespa khuskan jatun aylluta waj suyuman aparqa. Paykunataqa Jalajman, Jaborman, Jaraman, chantá Gozán mayuman ima churarqa. Chaypitaj kunankama kashanku.

2 Crónicas 36:22

Aswan qhepaman Diosman sut'inchaj Jeremiasnejta Tata Diospa nisqan kay jinata junt'akorqa: Persia suyuta kuraj kamachej Ciro kamachiyta qallarishajtin, chay watapi Tata Diosqa Cirota umacharqa tukuynin jap'iyninpi kajkunaman parlasqapi, jinataj qhelqasqapi kay jinata willarachinanpaj:

Esdras 1:1

Persiamanta kuraj kamachej Ciro uj watataña kamachishajtin, Tata Dios junt'ayta qallarerqa, ima sut'inchaytachus pay willachisqa sut'inchaj Jeremiasnejta, chayta. Chayrayku Tata Diosqa kuraj kamachej Ciroj sonqonta kuyuricherqa. Cirotaj tukuynin kamachiyninpi kajkunaman parlaypi, qhelqasqapitaj kay jinata willacherqa:

Isaías 10:26

Tukuy Atiyniyoj Tata Dios paykunata sinch'ita jasut'enqa, imaynatachus Gedeón Oreb chhankapi madianitakunata wañuracherqa, ajinata, imaynatatajchus Tata Dios egipciokunaj contrankuta mama qochapi varanta oqharerqa, ajinata.

Isaías 21:2

Diosqa mosqoypi jina manchachikunata rikuchiwan. Wasanchajtaqa wasanchanku, chinkachejtataj chinkachillankutaj. Sayarikuy ari, Elam suyu, soldadoykikunawan, qanpis Media suyu, soldadoykikunawan llajtata jap'inapaj muyuykuy. Babilonia wajkunata ayqochisqanta tukuchisaj.

Isaías 21:5

Mesaqa mikhunankupaj churasqaña, patanmanpis mast'ata churankuña. Chantá jatun mikhuy qallarikunña. Chaywanpis kamachejkuna, sayariychej ari, jark'akuna escudokunatapis wirawan jawiychej.

Isaías 41:25

Noqa Tata Dios wichaynejpi uj runata sayarichini, paytaj sutiyta oqharispa, inti llojsimuynejmanta jamonqa. Payqa kuraj kamachejkunata t'uruta jina saronqa, imaynatachus manka ruwaj t'uruta sarun, ajinata.

Isaías 45:1

Tata Diosqa Cirota kuraj kamachej kananpaj aceitewan jawichispa ajllarqa, paña makinmanta jap'ispataj, paynejta jatun suyukunata k'umuykachachenqa. Ajinamanta kuraj kamachejkunaj armankuta qhechuspa, llajtakunaj punkunkuta kicharenqa, mana ujtawan wisq'akunanpaj.

Isaías 45:5

Noqamin Tata Dios kani. Noqamanta jawaqa mana waj dios kanchu. Qan mana rejsishawajtiykipis, noqa qanta maqanakunaykipaj sumajta wakichiyki.

Isaías 46:11

Inti llojsimuynejmanta uj runata wajyani. Payqa karu suyumantapacha anka jina jamonqa wakichisqayta junt'ananpaj. Noqa ruwanayta nini, chay nisqaytataj junt'asajpuni. Imatachus wakichisqayta ruwasajpuni.

Jeremías 25:25

Jinallataj Zimrimanta, Elammanta, Mediamantawan kaj kuraj kamachejkunaman ujyachillarqanitaj.

Jeremías 46:3

Jark'akuna escudokunata oqharikuychej. Maqanakoj puririychej.

Jeremías 46:4

Caballokunata karunaykuspa, sinchaykuychej. Caballopi purejkuna, lloq'aykuychej. Monteraykichejta churakuspa, sinrulla sayaychej. Lanzaykichejta filochaychej, fierromanta pecheratataj churakuychej, nispa.

Jeremías 46:9

Caballopi soldadokuna, maqanakoj phinkiykuychej. Carretapi kajkunataj, phawaykuychej. Soldadokuna, maqanakoj puririllaychejña. Etiopiamanta, Libiamantawan escudokunata oqharisqa soldadokuna, Lidiamanta kaj soldadokuna, arcowan sumajta flechayta yachajkunapis, jamuychej maqanakoj.

Jeremías 50:25

Noqa Tata Dios arma jallch'anay wasita kicharispa, k'araj phiñakuyniypa armanta orqhomorqani, imaraykuchus noqa Tukuy Atiyniyoj, Tukuyta Kamachej Tata Dios Babilonia suyupi imatachus ruwanayta junt'asaj.

Jeremías 50:3

Wichaynejmanta uj suyoqa Babiloniaj contranta jamushan, jallp'ankutataj ch'inman tukuchenqanku. Manaña runakuna, nitaj animalkunapis chaypi kawsanqankuñachu. Chay suyumanta tukuy ayqespa riponqanku, nispa.

Jeremías 50:45

Jinaqa uyariychej imatachus noqa Tata Dios Babiloniaj contranpi wakichisqayta, imatatajchus ruwayta yuyasqayta caldeokunaj contrankupi: Awqankunaqa aswan juch'uy wawankunatapis apanqanku, llajtankutapis ch'in t'ajra pampaman tukuchenqanku.

Jeremías 50:9

Noqa wichaynejmanta ashkha atiyniyoj suyukunata tantaykuspa, Babiloniaj contranta maqanakoj pusamusaj. Paykunataj sumajta wakichikonqanku maqanakunankupaj. Wichaynejmanta suyukunaqa Babiloniata atipaspa, jap'enqanku. Paykuna sumajta maqanakuyta yachajkuna kanku, flechankutataj arcowan kacharinku mana ujta pantarispa.

Jeremías 51:12

Wiphalata pataman oqhariychej, Babiloniaj perqankunata thuñej jamunankupaj. Llajta qhawaj soldadokunata ashkhata churaychej. Pakakuspa phinkiykoj soldadokunatapis churallaychejtaj. Tata Diosqa Babiloniaj contranta imatachus ruwananta ruwanqapuni.

Jeremías 51:24

Tata Dios nillantaj: Kunantajrí noqa rikunaykichejta Babiloniata, caldeokunatapis imatachus ruwasqankuman jina kutichisaj, Sión llajtata mana ima allinta ruwasqankurayku, nispa.

Jeremías 51:35

Noqaykuta ñak'arichiwasqaykoqa Babiloniaj patanman urmachun, nispa Sionpi tiyakojkuna nenqanku. Caldeokunaj patankuman yawarniyku jich'akuchun, nispa Jerusalenpi tiyakojkuna ninku.

Jeremías 51:36

Tata Dios ajinata nin: Noqa justiciata ruwasqayki, awqaykiwantaj pagachikusaj. Babiloniaj mayunta, jinataj yaku juturintapis ch'akichisaj.

Daniel (hebreo) 5:30

Chaywanpis chay ch'isinpacha caldeokunaj kuraj kamachejninku Belsasar wañuchisqa karqa.

Joel 3:10

10 (4.10) Rejankumanta espadata ruwakuchunku, trigo ruthuna hozenkumantataj lanzakunata wakichichunku. Pisi kallpayojkunataj nichunku: Kallpasapa kani, nispa.

Joel 3:9

9 (4.9) Kayta suyukunaman willaychej: Maqanakupaj wakichikuychej. Kallpasapakunata wajyaychej. Maqanakoj jamuchunku, tukuy soldadokuna maqanakoj phinkiykuchunku.

Levítico 26:25

Trato ruwasqayta mana kasusqaykichejmanta maqanakupi wañuchisqaykichej. Qankunaqa llajtaykichejman pakakoj ayqekunkichej chaypis, noqa chayman onqoyta kachaykamusqaykichej. Qankunataj awqaykichejpa makinkuman urmankichej.

Zacarías 14:12

Chay suyukunarí, mayqenkunachus Jerusalenpa contranta maqanakorqanku, chaykunata Tata Dios jasut'enqa millay onqoywan. Kawsashajtillankuraj, aychanku laq'akonqa, ñawinkupis ñawi t'oqollankupi ismuykaponqa, qallunkupis siminku ukhullapi q'etayaykaponqa.

Zacarías 14:2

Chay p'unchaypi Tata Diosqa tukuy suyukunata tantanqa Jerusalenpa contranta maqanakunankupaj. Chaypacha paykuna Jerusalén llajtata jap'enqanku, chaypi tiyakojkunaj wasinkukunatapis ch'inyachenqanku. Chay runakunaj warminkutapis alqochanqanku, chaypi tiyakojkunamantataj khuskannin waj suyukunaman apasqa kanqanku. Chaykunamanta puchojkunalla llajtapi qhepakonqanku.