Jeremías 50:6 - DIOSPA QHELQACHISQ

⁶ Aylloyqa chinkasqa ovejakuna jina kanku. Michejninkukunataj mana allintachu paykunata micherqanku, manachayqa orqonejpi paykunata chinkaracherqanku. Ovejaykunaqa orqomanta orqo purerqanku, puñuna kanchankutapis qonqaporqanku.

Qheshwa Biblia DC

⁶ Aylloyqa oveja chinkasqa jina karqa, michejkunasninkoqa mana allintachu michej kanku, manachayqa orqosnejpi chinkajta qhawallarqanku. Uj orqomanta waj orqoman purikoj rerqanku, puñuna kanchankumanta qonqakapunankukama.

DIOSPA QHELQACHISQAN DEUTEROCANONICAL

⁶ Aylloyqa chinkasqa ovejakuna jina kanku. Michejninkukunataj mana allintachu paykunata micherqanku, manachayqa orqonejpi paykunata chinkaracherqanku. Ovejaykunaqa orqomanta orqo purerqanku, puñuna kanchankutapis qonqaporqanku.

Jeremías 50:6 ပူးပေါင်းရင်းမြစ်များ

Salmos 116:7

Kunanqa watej sonqoy samarikonqa, imaraykuchus Tata Dios noqawan k'acha karqa.

Salmos 119:176

Chinkasqa oveja jina purerqani. Mask'aj jamuy ari, imaraykuchus kamachisqaykimanta mana qonqapunichu.

Salmos 23:2

Q'omer pampapi michiwan, ujyanaypajtaj misk'i yakuman pusawan.

Salmos 32:7

Qanmin pakakunay kanki. Mana allin kajmanta jark'akuwanki, kacharichiwaspataj, kusiy takiykunawan muyuykuwanki.

Salmos 90:1

(1b) Tukuyta Kamachej Dios, qanmin watan watan pakakunayku kanki.

Salmos 91:1

Patapi Kaj Diospa waqaychayninpi kawsakojqa Tukuy Atiyniyoj Diospa llanthuykusqan kawsakonqa.

Isaías 1:3

Bueyqa dueñonta rejsin, burropis maypichus dueñon qarananta rejsillantaj. Israel aylluymanta kajkunarí mana rejsikapuwankuchu, nitaj paykunata waqaychasqaytapis reparankuchu, nispa.

Isaías 30:15

Tukuyta Kamachej Tata Dios, Israelpa May Llimphu Kaj Diosnin ajinata Israelta nin: Kutirikamuwaychej qhespichisqa kanaykichejpaj, noqapitaj atinikuychej. Ajinapi mana phutikuspalla, tukuy sonqo atinikuspataj kallpata jap'inkichej, nispa. Qankunatajrí chayta mana munarqankichejchu.

Isaías 32:2

Chaypacha paykunaqa sapa runapaj wayramanta pakakunapaj jina kanqanku, llojlla para wayramanta pakakunapaj jinataj. Ch'aki jallp'api qarpanapaj larq'a jina kanqanku, jinallataj ch'in pampapi jatun chhankaj llanthun jina.

Isaías 53:6

Tukuyninchej ovejakuna jina ch'eqerapunchej, sapa ujtaj munasqanchej ñanta ririkapunchej. Tata Diostajrí tukuynin juchanchejta payman q'epirichenqa.

Jeremías 10:21

Aylluta michejkuna wampuman tukorqanku. Tata Diosta mana mask'ankuchu. Chayraykumin paykunata mana allinchu rin. Tukuy ovejankunapis ch'eqerapunku.

Jeremías 13:16

Tata Diosniykichejta jatunchaychej, manaraj laqhayayta apachimushajtin, laqhayaykojtintaj montepi misk'awajchej. Qankunaqa k'anchayta suyashankichej, paytajrí chay k'anchayta tuti laqhaman tukuchenqa.

Jeremías 2:20

Tata Dios Israelta nillantaj: Unaymantaña qanqa contraypi oqharikorqanki, manataj kasuwarqankichu. Chantá nillarqankitaj: Mana payta yupaychayta munanichu, nispa. Jinaqa tukuy orqo patapi, thansa sach'aj uranpi ima phisu warmi jina juchallerqanki.

Jeremías 2:32

Casarakoj sipasqa k'achitu may valorniyoj jaluchunmanta qonqakapunmanchuri? Chayrí casarakunanpaj k'achanchakusqanmanta qonqapunmanchuri? Aylluyrí unayña noqamanta qonqakapuwan.

Jeremías 23:1

Tata Dios nin: Ay, michejkuna imapichus tukukonqanku, pikunachus ovejaykunata ch'eqerachinku, chinkachinkutaj, chaykuna, nispa.

Jeremías 3:23

Cheqapuni qhasi kasqa orqo pataman lantikunata yupaychaj wicharisqaykoqa, jinallataj orqokunapi qhaparqachasqaykupis. Diosniyku Tata Diosllamin Israel suyuta yanapawasqayku.

Jeremías 3:6

Kuraj kamachej Josías kamachishajtin, Tata Dios nillawarqataj: Mana kasukoj Israel ayllu imatachus ruwasqanta rikunkichu? Payqa tukuy orqo patapi khuchichakunaman qokorqa, jinallataj tukuy thansarara sach'a urapipis khuchichakullarqataj.

Jeremías 33:12

Tukuy Atiyniyoj Tata Dios nillantaj: Kay suyoqa kunan ch'inpacha kashan, manataj runakuna, nitaj uywakunapis kanchu. Chaywanpis tukuynejpi watej pasto wiñallanqataj, tukuy michejkuna chaypi ovejankuta michinankupaj.

Jeremías 50:17

Israel aylloqa chinkasqa oveja jina, leonkunaj qhatiykachasqan. Ñawpajta Asiriata kuraj kamachejraj oqoykorqa. Chaymantataj Babiloniata kuraj kamachej Nabucodonosorñataj tullunta phiriykorqa.

Jeremías 50:19

Israel aylluytarí tiyakunanku llajtaman kutichimusaj, chaypitaj ovejakuna jina sumaj pastota mikhonqanku Carmelopi, Basanpi, Efrainpa orqonpi, Galaadpi ima, nispa.

Ezequiel 13:10

Tata Dios nillarqataj: Ajina kanqa, imaraykuchus paykuna aylluyta q'otiyaspa, nerqanku: Tukuy imapis allillan, nispa. Chaywanpis mana jinachu. Paykunaqa, pikunachus rumiwan ruwasqa perqata yesollawan llut'aykunku, chaykunaman rijch'akunku.

Ezequiel 34:14

Israelpa orqo puntanpi sumachaj pastokunapi paykunata mikhuchimusaj. Chaynejpi puñukonqanku, may sumachaj pastotataj mikhukonqanku.

Ezequiel 34:15

Noqa ovejaykunata michikusaj, noqallataj puñuchikusaj.

Ezequiel 34:16

Chinkasqa ovejakunata noqa mask'amusaj, ch'eqerasqatataj tropaman kutirichimusaj. Chakin p'akisqata tableyaykusaj, mayt'uykusajtaj. Tulluyajkunata makimanta mikhuchisaj, kallpasapa wira ovejakunatataj maychus michinata michisaj, nispa.

San Mateo 10:6

Manachayqa Israel ayllullaman riychej, pikunachus chinkasqa oveja jina kanku, chaykunallaman.

San Mateo 15:24

Jinapi Jesusqa warmita nerqa: Tata Diosneyqa Israel ayllullata yanapanaypaj kachamuwan, imaraykuchus paykuna chinkasqa oveja jina kashanku, nispa.

San Mateo 9:36

Ashkha runata rikuspataj, paykunamanta khuyakorqa, imaraykuchus paykuna saqerpayasqa, ch'eqerasqataj karqanku, mana michejniyoj ovejakuna jina.

1 Pedro 2:25

Ñawpajta qankuna chinkasqa ovejakuna jina karqankichej. Kunantajrí Cristoman kutirikunkichejña, paytaj michej jina qankunamanta allinta qhawashan.