Jeremías 50:34 - DIOSPA QHELQACHISQ

³⁴ Jinapis preciota pagaspa kacharichejninkoqa may kallpasapamin, sutintaj Tukuy Atiyniyoj Tata Dios. Paymin paykunarayku justiciata ruwanqa, allin kawsaytataj suyunkuman apamonqa. Babiloniapi tiyakojkunamanrí jatun manchachikuyta kachaykonqa, nispa.

Qheshwa Biblia DC

³⁴ Jinapis chay kacharichejnenqa may kallpasapamin, sutintaj Tukuy Atiyniyoj Señor. Paymin cheqanchanqa; sonqo tiyasqa kaytapis jallp'ankuman apamonqa. Babiloniapi tiyakojkunaman manchachikuyllata apachimonqa.

DIOSPA QHELQACHISQAN DEUTEROCANONICAL

³⁴ Jinapis preciota pagaspa kacharichejninkoqa may kallpasapamin, sutintaj Tukuy Atiyniyoj Tata Dios. Paymin paykunarayku justiciata ruwanqa, allin kawsaytataj suyunkuman apamonqa. Babiloniapi tiyakojkunamanrí jatun manchachikuyta kachaykonqa, nispa.

Jeremías 50:34 ပူးပေါင်းရင်းမြစ်များ

2 Crónicas 6:39

Ajinata mañakusojtinku, janaj pachamantapacha qan uyariy tukuy sonqo mañakusqankuta. Qanqa paykunaman kutikunki, aylluyki qanpa contraykipi juchallikusqankutataj pampachay.

Job 19:25

Noqarí yachani kutikuwajniy kawsashasqanta, kay pachapi pay noqaman kutikunawanta yachallanitaj.

Salmos 35:1

(1b) Tata Dios, contraypi sayaykuwajkunamanta jark'away. Qanmin maqanawankupaj sayaykuwajkunawan maqanakuy.

Salmos 43:1

Justiciata ruwaway, Diosníy. Qanta mana manchachikojkunamanta jark'away. Millayta ruwaspa purejmanta, ch'awka runamantawan waqaychaway.

Éxodo 6:6

Chayrayku qan israelitakunata ninki: Diosqa kay jinata nisunkichej: Noqamin Tata Dios kani. Noqataj Egiptopi sinch'i ruwanamanta orqhosqaykichej, wata runa kasqaykichejmantapis pagota qospa kacharichisqaykichej. Ajinamanta jatun atiyniywan Egipto llajtayojkunata sinch'ita ñak'arichispa, kay suyumanta pusakapusqaykichej.

Proverbios 22:23

Tata Dios wajchakunaman sayakonqa, kapuyninta qhechojkunamantataj Tata Dios kapuyninkuta qhechuspa, mana imayojta saqerparenqa.

Proverbios 23:11

Paykunata jark'akoj Diosqa manchay atiyniyojmin, paykunata jark'akuspataj, contraykipi sayaykonqa.

Isaías 41:14

Jacob ayllu, khuritu jinalla kanki, qanqa Israel pisi runakunayoj kanki. Chaywanpis ama manchachikuychu, imaraykuchus noqamin yanapasqayki. Noqa Tata Dios pagowan kacharichisoj Dios kani, Israelpa May Llimphu Kaj Diosnintaj.

Isaías 43:14

Israelpa May Llimphu Kaj Diosnin, pagota qospa kacharichisoj Tata Diosqa ajinata nin: Qankunarayku Babiloniaman soldadokunata kachasaj, Babiloniapi tiyakojkunatataj ayqechisaj. Jinallataj barcokunapi purej runaykachaj caldeokunapis may llakiypi rikhurenqanku.

Isaías 44:6

Israelpa kuraj kamachejnin Tukuy Atiyniyoj Tata Dios pagota qospa, Israelta kacharicherqa. Paytaj ajinata nin: Noqamin tukuy imaj qallariynin, tukukuynintaj kani. Noqamanta jawaqa waj dios mana kanchu.

Isaías 47:4

Tukuy Atiyniyoj Tata Diosqa qhespichiwajninchej. Israelpa May Llimphu Kaj Diosnenqa kay jinata nin:

Isaías 49:25

Tata Diostajrí ninpuni: Presochasqa runaqa kallpayoj soldadoj makinmanta qhechusqa kanqa, presochasqa runapis millay runaj makinmanta kacharichisqallataj kanqa. Qanwan churanakojkunawan noqa churanakusaj, noqa kikiytaj wawaykikunata kacharichisaj.

Isaías 51:22

Tukuyta Kamachej Tata Dios, ayllunman sayasqa Diosniykeqa ajinata nin: Qhaway, k'araj phiñakuyniywan junt'a copata makiykimanta oqharikapuniña. Kunanqa manaña jayk'ajpis phiñakuyniyta ujyankichu.

Isaías 54:5

Pichus qanta ruwasorqa, chaymin qanpa qosaykeqa, sutintaj Tukuy Atiyniyoj Tata Dios. Israelpa May Llimphu Kaj Diosninmin pagota qospa kacharichisojniykeqa. Payqa tukuy kay pachaj Diosnin.

Jeremías 10:16

Jacobpa Diosninrí mana chaykuna jinachu, imaraykuchus pay tukuy ima kaj chhikata ruwarqa. Paymin Israel aylluta ajllakorqa chayaqen kananpaj. Paypa sutenqa Tukuy Atiyniyoj Tata Diosmin.

Jeremías 15:21

Noqamin preciota pagaspa millay runakunaj makinkumanta kacharichisqayki, mana khuyakojkunaj atiyninkumantataj qhespichisqayki, nispa.

Jeremías 30:20

Israelitakunaqa ñawpajta jina kanqanku, tukuy runankuna ñawpaqeypi sinch'ita sayanqanku. Noqataj paykunata tukuy ñak'arichejkunata jasut'isaj.

Jeremías 31:11

Tata Diosmin preciota pagaspa, Jacobpa ayllunta kacharicherqa paykunamanta aswan atiyniyoj suyukunamanta, nispa.

Jeremías 31:35

Pichus intita p'unchay k'anchananpaj churarqa, jinallataj killata, ch'askakunatapis tutapi k'anchanankupaj churarqa, pitajchus mama qochata qaywin qhollchoqeyasqan sinch'ita ch'ajwarinankama, chaykunata ruwajpa sutenqa Tukuy Atiyniyoj Tata Dios. Pay nin:

Jeremías 32:18

Qanmin may chhika runakunaman khuyakuyniykita rikuchinki, jinapis runakunata tatankoj mana allin ruwasqanmanta jasut'inki. Tata Dios, may Jatun Atiyniyoj kanki, sutiykeqa Tukuy Atiyniyoj Tata Diosmin.

Jeremías 48:15

Kunantajrí Moab phirisqa kanqa, llajtankunataj ch'inyachisqa. Sumaj waynakunapis wañurachisqa kanqanku. Ajinata noqa Tukuyta Kamachej, Tukuy Atiyniyoj Tata Dios nini.

Jeremías 51:19

Jacobpa Diosninrí mana chay lantikuna jinachu. Payqa tukuy kay pachapi kaj chhikata ruwarqa. Paymin Israel aylluta ajllakorqa paypata kananpaj, sutintaj Tukuy Atiyniyoj Tata Dios.

Jeremías 51:36

Tata Dios ajinata nin: Noqa justiciata ruwasqayki, awqaykiwantaj pagachikusaj. Babiloniaj mayunta, jinataj yaku juturintapis ch'akichisaj.

Lamentaciones 3:58

Tukuyta Kamachej Dios, noqaman kutikuwaspa, sayaykorqanki, kawsayniytataj qhespichiwarqanki.

Joel 2:11

Tata Diosqa soldadonkunaj ñawpaqenkupi purispa, qhon qhon jina kamachisqanta uyarichin. Soldadonkuna may ashkhapuni kanku, kamachisqanta junt'ajkunataj may atiyniyoj kanku. Tata Diospa p'unchaynenqa manchay t'ukuna, manchachikunataj. Manataj pipis ñawpaqenpi sayayta atej kanchu.

Miqueas 4:10

Sión llajta, onqokushaj warmi jina nanaywan qhapariy, imaraykuchus runaykikuna qanmanta llojsenqanku, q'ara pampapi tiyamonqanku. Chaymantataj mana munaspapis, Babiloniaman apasqa kanqanku. Chaywanpis Tata Dios chaypi preciota pagaspa ayllunta kacharichenqa, awqanpa makinmantataj paykunata qhespichenqa.

Miqueas 7:9

Tata Diospa contranpi juchallikorqani. Chayrayku k'araj phiñakusqanta awantasaj. Chaymantataj uj p'unchay juzgaspa, justiciata ruwawanqa. Tata Dios k'anchayman pusawanqa, cheqan kaynintataj rikuchiwanqa.

Apocalipsis 18:8

Ajinata nisqanrayku uj p'unchaylla kay ñak'ariykuna payman jamonqa: Wañuy, waqay, yarqhay ima. Chantá ninawan ruphaykuchisqa kanqa, imaraykuchus Tukuyta Kamachej, Tukuy Atiyniyoj Diosmin payta juzganqa, nispa.