Jeremías 50:31 - DIOSPA QHELQACHISQ

³¹ Tukuy Atiyniyoj Tata Dios nillantaj: Runaykachaj suyu, qanpa contraykipi noqa kashani, imaraykuchus jasut'isunay p'unchayqa chayamunña.

Qheshwa Biblia DC

³¹ Tukuy Atiyniyoj Señor nin: Phiñankuta mask'aj nación contraykipi noqa kashani; jasut'inasuy chay p'unchayqa chayamunña.

DIOSPA QHELQACHISQAN DEUTEROCANONICAL

³¹ Tukuy Atiyniyoj Tata Dios nillantaj: Runaykachaj suyu, qanpa contraykipi noqa kashani, imaraykuchus jasut'isunay p'unchayqa chayamunña.

Jeremías 50:31 ပူးပေါင်းရင်းမြစ်များ

Isaías 2:12

Chaypacha Tukuy Atiyniyoj Tata Diospa p'unchaynin jamonqa runaykachajkunaj contrankupi, uma oqharejkunaj contrankupi, may kasqankuta yuyakojkunaj contrankupi ima, tukuyninku k'umuykuchisqa kanankupaj.

Jeremías 21:13

Jerusalén llajta, mayqenchus pampapi chhanka jina kay vallepi kashanki, chay. Noqa Tata Dios contraykipi kashani. Qankunaqa nishankichej: Pitaj maqanakoj yaykumuwasunmanri? Pitaj pakakunanchejman chayamunmanri? nispa.

Jeremías 48:29

Moabpa manchayta runaykachasqanta rejsiyku, wapuykachaj kasqanta, uma oqharej, mayta yuyakoj kasqantawan ima.

Jeremías 49:16

Qan mayta runaykachasqaykiwan q'otiyachikorqanki, imaraykuchus tukuyta manchachej kanki. Qanqa chhanka k'ajllukunallapi tiyakoj kanki, orqokunamanta ch'ipasqa. Anka jina may altopi thapachakunki chaypis, chaymantapacha urmaykuchimusqayki. Noqa Tata Diosmin chayta nini.

Jeremías 50:29

Arcowan tukuy flechajkunata tantamuychej, Babiloniaj contranta maqanakoj rinankupaj. Llajtaj tukuy muyuyninpi jarakuychej, ama pipis ayqenanpaj. Ruwasqanman jina kutichiychej. Imaynatachus waj suyukunawan ruwarqa, ajinallatataj paywan ruwaychej, imaraykuchus payqa Israelpa May Llimphu Kaj Diosnin, noqa Tata Diospa contraypi sayaykorqa.

Jeremías 50:32

Runaykachaj suyu, qanqa misk'aspa urmanki, manataj pipis sayarichisoj kanqachu. Tukuy llajtaykikunaman ninata jap'iykuchisaj, chay ninataj tukuy muyuynintinta ruphaykonqa, nispa.

Jeremías 51:25

Noqa qanpa contraykipi kashani, atiyniyoj suyu, tukuy kay pachata tukuchej. Ajinata noqa Tata Diosmin nini. Qanpa contraykita makiyta oqharisaj, chhanka patamanta urmachimusunaypaj, ruphachisqa orqoman jinataj tukuchisqayki.

Ezequiel 29:3

Faraonman, runankunamanwan niy: Tukuyta Kamachej Tata Dios kay jinata nisunkichej: Egiptota kuraj kamachej faraón, qanqa sierpe jina mayuyki chawpipi winkuspa, nishanki: Nilo mayoqa noqajta, noqa ruwarqani, nispa. Chayrayku noqa Tata Dios contraykipi kashani.

Ezequiel 38:3

Chantá sut'inchaspa, niy: Tukuyta Kamachej Tata Dios kay jinata nin: Qanqa Gog, Mesecpata, Tubalpatawan kuraj kamachejninku kanki. Sut'inta niyki: Noqa contraykipi kashani.

Ezequiel 39:1

Qan, runaj churin, Gogpa contranpi sut'inchaspa, niy: Tukuyta Kamachej Tata Dios kay jinata nisunki: Mesecpata, Tubalpatawan kuraj kamachejninku Gog, noqa contraykipi kashani.

Ezequiel 5:8

Chayrayku noqa Tukuyta Kamachej Tata Dios nini: Jerusalén, noqa contraykipi kashani. Muyuyniykipi kashanku, chay suyukunaj rikunankuta noqa jasut'isqayki.

Nahúm 2:13

13 (14) Tukuy Atiyniyoj Tata Dios ujtawan nillantaj: Nínive, noqa contraykipi kashani. Maqanakupaj wakichisqa carretaykikunata ruphachispa, ushphaman tukuchisaj. Soldadoykikunata wañurachisaj, jallp'aykipipis tukuy suwakuyta tukuchisaj. Manañataj chaskiykikunaj parlasqanpis uyarikonqachu.

Nahúm 3:5

Tukuy Atiyniyoj Tata Dios nin: Noqa contraykipi kashani. P'achaykita uyaykikama oqharisaj, waj suyukuna q'ala kayniykita rikunankupaj, waj kamachejkunapis p'enqayniykita rikunankupaj.

Santiago 4:6

Chaywanpis Dios qhasilla k'acha yanapayninwan yanapawanchej. Chayrayku Diospa Qhelqachisqanpi nillantaj: Diosqa jatunchakojkunaman sayaykun, k'umuykojkunatatajrí qhasilla k'acha yanapayninwan yanapan, nispa.

1 Pedro 5:5

Jinallataj waynakuna, qankunapis iglesiapi kurajkunawan k'umuykukoj sonqo kaychej. Chantá tukuy wawqe panakuna purajmanta kasunakuspa, llamp'u sonqo kaychej, imaraykuchus Diospa Qhelqachisqanpi nin: Diosqa runaykachajkunaman sayaykun, llamp'u sonqoyojkunatataj k'acha kayninwan yanapan, nispa.

Apocalipsis 18:8

Ajinata nisqanrayku uj p'unchaylla kay ñak'ariykuna payman jamonqa: Wañuy, waqay, yarqhay ima. Chantá ninawan ruphaykuchisqa kanqa, imaraykuchus Tukuyta Kamachej, Tukuy Atiyniyoj Diosmin payta juzganqa, nispa.