Jeremías 50:29 - DIOSPA QHELQACHISQ

²⁹ Arcowan tukuy flechajkunata tantamuychej, Babiloniaj contranta maqanakoj rinankupaj. Llajtaj tukuy muyuyninpi jarakuychej, ama pipis ayqenanpaj. Ruwasqanman jina kutichiychej. Imaynatachus waj suyukunawan ruwarqa, ajinallatataj paywan ruwaychej, imaraykuchus payqa Israelpa May Llimphu Kaj Diosnin, noqa Tata Diospa contraypi sayaykorqa.

Qheshwa Biblia DC

²⁹ Wajtamuychej tukuy wach'inasniyojkunata, Babiloniata jap'ej yaykunankupaj. Llajtaj tukuy muyuynimpi jarakuychej ama pipis ayqenampaj. Imatachus ruwasqasninman jina qopuychej, imaraykuchus paypis ruwasqanan jina ruwaychej. Payqa noqawan ayñanakullawampuni, noqa Israelpa Señor Santo Diosninwan.

DIOSPA QHELQACHISQAN DEUTEROCANONICAL

²⁹ Arcowan tukuy flechajkunata tantamuychej, Babiloniaj contranta maqanakoj rinankupaj. Llajtaj tukuy muyuyninpi jarakuychej, ama pipis ayqenanpaj. Ruwasqanman jina kutichiychej. Imaynatachus waj suyukunawan ruwarqa, ajinallatataj paywan ruwaychej, imaraykuchus payqa Israelpa May Llimphu Kaj Diosnin, noqa Tata Diospa contraypi sayaykorqa.

Jeremías 50:29 ပူးပေါင်းရင်းမြစ်များ

Jeremías 51:56

Babiloniata chinkachej chayamunku. Soldadonkunataj jap'isqa kanqanku, flechanapaj arconkupis p'akisqa, imaraykuchus Tata Diosqa mana allinta ruwasqankumanta pagachikoj Dios kaspa, millay ruwasqankuman jina paykunaman pagaponqa.

Isaías 47:10

Qanqa millay ruwasqaykipi atinikuspa, nerqanki: Mana pipis rikuwanchu, nispa. Qantaqa yachasqayki, yuyasqayki ima q'otiyasunku. Qantaj sonqoykipi nerqanki: Noqalla kani, noqamanta jawaqa mana waj kanchu, nispa.

Apocalipsis 18:6

Payman qopuychej, imaynatachus qankunaman qosorqachej ajinata, ruwasqanman jinataj iskay jinatawan kutichipuychej. Ima vasomantachá qankunaman ujyachisorqachej, chayllamantataj iskay jinatawan payman ujyachiychej.

Daniel (hebreo) 4:37

37 (34) Chayrayku noqa Nabucodonosorqa janaj pachapi Kuraj Kamachej Diosta yupaychani. Sutinta pataman oqharini, jatunchanitaj, imaraykuchus tukuy ruwasqanqa cheqapuni, cheqantaj. Chantá pay jatunchakojkunatapis k'umuykuchiyta atillantaj.

Éxodo 10:3

Chaymanta Moiseswan, Aaronwan ima rispa, faraonta nerqanku: Tata Dios, Israelitakunaj Diosnin ajinata nisunki: Mayk'ajkamataj mana k'umuykuyta munankichuri? Kachariy israelitakunata, noqata yupaychamunawankupaj.

Apocalipsis 16:6

Kay pachapi tiyakojkunaqa ajllakusqaykikunata wañucherqanku, jinallataj qanmanta sut'inchajkunatapis. Chayrayku qanpis runakunata wañuchisqankoj yawarninkuta paykunaman ujyachillankitaj, imaraykuchus chaypaj jina kanku, nispa.

2 Tesalonicenses 2:4

Chay runaqa Diospa contranpi sayarenqa, jinataj imachus yupaychanaj contranpi ima. Chantá Diospa Templonman yaykuspa, chaypi tiyaykonqa, nenqataj pay Dios kasqanta.

Daniel (hebreo) 11:36

Wichaymanta kaj kuraj kamachejqa munasqanta ruwanqa. Maytapuni jatunchakonqa, jinataj tukuy dioskunamanta aswan kasqanta yuyakonqa. Cheqan kaj Diospa contrantapis manchay millayta parlallanqataj. Paytataj tukuy imapi allin renqa, Dios payta jasut'inankama, imaraykuchus imatachus Dios ruwanan karqa, chayta junt'anqapuni.

Daniel (hebreo) 5:23

Aswanqa janaj pachapi kaj Tukuyta Kamachej Diospa contranpi oqharikorqanki, kamacherqankitaj Templonmanta apamusqa vasokunata orqhomunankuta. Chantá chay vasokunapi warmiykikunawan, chantá waj warmiykikunawan, jinataj pikunatachus raymiman wajyarakorqanki, chaykunawan khuska vinota ujyarqankichej. Chay jawataj waj dioskunata, qorimanta, qolqe metalmanta, broncemanta, fierromanta, k'ullumanta, rumimanta ruwasqa dioskunata yupaycharqanki. Chay dioskunaqa mana rikunkuchu, manataj uyarinkuchu, nitaj imatapis yachankuchu. Diostatajrí mana jayk'ajpis yupaycharqankichu, pejpa makinpichus kawsayniyki, tukuy ruwasqayki ima kashan, chay Diosta.

Jeremías 50:32

Runaykachaj suyu, qanqa misk'aspa urmanki, manataj pipis sayarichisoj kanqachu. Tukuy llajtaykikunaman ninata jap'iykuchisaj, chay ninataj tukuy muyuynintinta ruphaykonqa, nispa.

Jeremías 50:26

Chayrayku tukuynejmanta Babiloniaj contranpi maqanakoj jamuychej. Pirwankuta kichariychej. Tukuy wasinkuta, llajtaj perqantataj raqayman tukuchiychej. Amataj pitapis kawsashajta saqeychejchu.

Jeremías 50:24

Babilonia suyu, urmanaykipaj noqa tojllata churarqani, mana reparaspataj, chayman urmaykorqanki. Chaypi jap'ichikuspa, presochasqa rikhurerqanki, noqa Tata Diospa contrayta sayaykusqaykirayku.

Jeremías 50:9

Noqa wichaynejmanta ashkha atiyniyoj suyukunata tantaykuspa, Babiloniaj contranta maqanakoj pusamusaj. Paykunataj sumajta wakichikonqanku maqanakunankupaj. Wichaynejmanta suyukunaqa Babiloniata atipaspa, jap'enqanku. Paykuna sumajta maqanakuyta yachajkuna kanku, flechankutataj arcowan kacharinku mana ujta pantarispa.

Isaías 37:23

Qan, pipajtaj rimankiri? Pimantataj alqochakunkiri? Pejpa contrantataj chhika jatunmanta qhaparqachanki, may kasqaykita yuyakuspataj, umaykita oqharinkiri? Chaytaqa Israelpa May Llimphu Kaj Diosninpa contranta ruwashanki.

2 Tesalonicenses 1:6

Diosqa cheqanta kajta ruwaj kasqanrayku, qhepanejman pikunachus qankunata ñak'arichejkunata jasut'enqa.

Jeremías 49:16

Qan mayta runaykachasqaykiwan q'otiyachikorqanki, imaraykuchus tukuyta manchachej kanki. Qanqa chhanka k'ajllukunallapi tiyakoj kanki, orqokunamanta ch'ipasqa. Anka jina may altopi thapachakunki chaypis, chaymantapacha urmaykuchimusqayki. Noqa Tata Diosmin chayta nini.

Jeremías 51:3

Flechajkunaqa arconkuta ama mat'ichunkuchu, nitaj fierro pecherankutapis churakuchunkuchu. Babiloniamanta waynakunata ama khuyaychejchu. Soldadonkutapis ni uj puchuyojta tukuchiychej.

Jeremías 51:24

Tata Dios nillantaj: Kunantajrí noqa rikunaykichejta Babiloniata, caldeokunatapis imatachus ruwasqankuman jina kutichisaj, Sión llajtata mana ima allinta ruwasqankurayku, nispa.

Jeremías 51:49

Arí, Babilonia urmanqapuni, Israel ayllumanta runakunata wañurachisqanmanta, jinataj tukuy kay pachapi runakunata wañurachisqanmanta ima.

Abdías 1:15

Tata Dios tukuy suyukunata jasut'inan p'unchay chayamushanña. Chayrayku imaynatachus wajkunata ruwarqanki, ajinallatataj qantapis ruwasonqanku. Imatachus ruwasqaykiman jina jap'inki.

Jeremías 25:14

Jatun suyukuna chantá atiyniyoj kuraj kamachejkunapis Babilonia llajtayojkunata chakinku uraman churanqanku. Ajinata ruwasqankuman jina paykunawan pagachikusaj, nispa.

Jeremías 48:26

Moabta machaykuchiychej, imaraykuchus Tata Diospa contranpi oqharikorqa. Chaypacha Moabqa lansasqanpi sunt'enqa, tukuytaj paymanta asikonqanku.

Lamentaciones 1:9

P'achanqa millay ch'ichi kashan, manataj yuyarqachu imapichus rikhurinanta. Chayrayku payqa t'ukunata urmarqa, manataj pipis sonqochaykurej kanchu. Qhawariy ari, Tata Dios, llakiyniyta, awqaypis manchayta runaykachasqankuta.

Lamentaciones 3:64

Kunanqa, Tata Dios, paykunaman imatachus ruwasqankuman jina kutichipuy.