Jeremías 50:26 - DIOSPA QHELQACHISQ

²⁶ Chayrayku tukuynejmanta Babiloniaj contranpi maqanakoj jamuychej. Pirwankuta kichariychej. Tukuy wasinkuta, llajtaj perqantataj raqayman tukuchiychej. Amataj pitapis kawsashajta saqeychejchu.

Qheshwa Biblia DC

²⁶ Tukuynejmanta contrampi maqanakoj jamuychej. Mikhuy poqoj jallp'asninkuta kichariychej. Tukuy imasta tantaykuspa ninawan jap'iykuchiychej, ama imapis qhepakunampaj.

DIOSPA QHELQACHISQAN DEUTEROCANONICAL

²⁶ Chayrayku tukuynejmanta Babiloniaj contranpi maqanakoj jamuychej. Pirwankuta kichariychej. Tukuy wasinkuta, llajtaj perqantataj raqayman tukuchiychej. Amataj pitapis kawsashajta saqeychejchu.

Jeremías 50:26 ပူးပေါင်းရင်းမြစ်များ

Isaías 10:6

Noqaqa asiriokunata millayta ruwaj runakunaman kachasaj, k'arajta phiñachiwaj llajtamantaj pusasaj. Paykuna chaykunaj imankuchus kajta, tukuy kapuyninkutapis qhechumonqanku, callekunapi t'uruta jina paykunata saronqanku.

Isaías 14:23

Llajtankuta yaku qhochiman tukuchisaj, ch'useqakunaj tiyakunankutataj ruwasaj. Chaymantaqa chinkachiy pichanawan paykunata picharparisaj, nispa. Ajinata Tukuy Atiyniyoj Tata Dios nin.

Isaías 25:10

Tata Dios makinwan Sión orqota waqaychanqa, Moab suyutatajrí pachanpi sarurparenqa, imaynatachus pajata q'opata jich'anapi sarunku, ajinata.

Isaías 45:3

Pakasqa valorniyoj imakunata noqa qosqayki, valorniyoj pakasqa kashan, chayta. Ajinamanta yachanki Israelpa Tata Diosnin noqa kasqayta, jinallataj sutiykimanta wajyasoj kasqaytawan.

Isaías 5:26

Tata Dios wiphalata oqharenqa, uj karu suyumanta soldadokuna jamunankupaj. Silbarispataj, wajyanqa kay pachaj aswan karu k'uchunpi kajkunata. Paykunataj imata jina usqhayllata chayamonqanku.

Jeremías 50:10

Chaypacha paykunaqa caldeokunaj tukuy kapuyninkuta apakaponqanku manaña atinankukama. Noqa Tata Diosmin chayta nini.

Jeremías 50:13

Noqa phiñakusqayrayku Babilonia suyuta mana uj runayojta saqesaj, ch'in q'ara pampaman tukuchisqata. Tukuy chayninta pasajkunaqa t'ukuspa, alqochakonqanku, chay jina jasut'isqa kasqankuta rikuspa.

Jeremías 50:15

Tukuynejpi maqanakuman yaykunapaj qhapariychej. Babilonia atipasqaña kashan, torrenkuna, phatu perqankunapis thuñisqaña. Kayqa Tata Diospa vengakuyninmin. Babiloniamanta vengakuychej. Imaynatachus qankunawan ruwarqanku, ajinallatataj paykunawanpis ruwaychej.

Jeremías 50:23

Babiloniaqa tukuy suyukunapaj phirej combo jina kaspapis, kunanqa p'akisqa, ñut'u phirisqataj kashan. Qhawariychej imaynatachus Babilonia tukuy suyukunapaj t'ukuspa, mancharinaman tukusqanta.

Jeremías 50:41

Wichaynejpi karu suyumanta atiyniyoj ashkha soldado jamushanku. Uj jatun suyu, ashkha kuraj kamachejkuna ima kay pachaj k'uchunmantapacha jamunankupaj wakichikushanku.

Jeremías 51:44

Noqataj Babiloniaj diosnin Belta jasut'isaj, imatachus oqoykusqantataj lansachisaj. Manañataj waj suyukunapis payman jamonqankuchu. Babiloniaj perqankunapis thuñisqa kanqa.

Jeremías 51:64

Babilonia ajinatamin chinkaponqa, manañataj ujtawan jatarimonqañachu, Tata Dios kay suyuman apachimunan kashan, chay ñak'ariypi urmasqanmanta, nispa. Kaykamalla Jeremiaspa sut'inchasqan karqa.

Miqueas 7:10

Chantá awqay chayta rikuspa, p'enqakuymanta wañonqa. Pay kusipayawaspa niwaj: Maypitaj Tata Dios, chay Diosniykiri? nispa. Chaywanpis ñanpi t'uruta jina sarusqata awqayta rikuspa, noqañataj kusikusaj.

San Mateo 6:26

Qhawariychej phawaj p'isqokunata. Paykuna mana tarpunkuchu, nitaj ruthunkuchu, nillataj mikhuna jallch'ananku kanchu. Chaywanpis janaj pachapi kaj Tata Diosniykichejqa paykunata mikhuchin. Manachu qankuna p'isqokunamanta nisqa Tataykichejpaj aswan munasqa kankichej?

Apocalipsis 14:19

Chay angeltaj filochasqa hozenwan uvata pallayta qallarerqa. Chantá pallasqan uvata uva saruna jatun t'oqoman jich'aykorqa. Chayqa Diospa phiñakuyninmin.

Apocalipsis 19:15

Paypa siminmanta uj filo espada llojsimorqa, chaywan tukuy suyupi tiyakojkunata atipananpaj. Payllataj fierro varawan kamachenqa, jinallataj Tukuy Atiyniyoj Diosqa uva sarunapi jina k'arajta phiñakuspa paykunata saronqa.