Jeremías 50:21 - DIOSPA QHELQACHISQ

²¹ Meratayin jap'iyman maqanakoj wichariychej, jinataj Pecodpi tiyakojkunawanpis. Qhatiykuspa, tukuyninkuta wañurachiychej. Chay tukuy imata kamachisqayman jina ruwaychej. Noqa Tata Diosmin chayta nini.

Qheshwa Biblia DC

²¹ Merataim llajtata jap'ej wichariychej, jinataj Pecodpi tiyakojkunatapis. Qhatiykuspa tukuyninkuta wañurachipuychej. Tukuy imata kamachisqayman jina ruwaychej. Noqa Señor chayta kamachini.

DIOSPA QHELQACHISQAN DEUTEROCANONICAL

²¹ Meratayin jap'iyman maqanakoj wichariychej, jinataj Pecodpi tiyakojkunawanpis. Qhatiykuspa, tukuyninkuta wañurachiychej. Chay tukuy imata kamachisqayman jina ruwaychej. Noqa Tata Diosmin chayta nini.

Jeremías 50:21 ပူးပေါင်းရင်းမြစ်များ

2 Samuel 16:11

Chantá Davidqa Abisayman, jinataj yanapajninkunatapis nerqa: Wawallaytaj wañuchiyta munashawan, Benjamín jatun ayllumanta kajqa astawanraj munanman. Saqeychej jinata contraypi parlajta. Tata Dioschá jinata kamachin.

2 Reyes 18:25

Manachu noqapis Tata Dios kachamuwasqanrayku kay suyuta chinkachinaypaj jamushani? Tata Diosmin niwarqa: Riy, chay suyuta chinkachimuy, nispa.

2 Crónicas 36:23

Persiata kuraj kamachej Ciroqa kay jinata nin: Janaj pachamanta Tata Diosqa makiyman churamun kay pachapi kaj tukuy suyuta, kamachiwantaj Jerusalenpi payta yupaychana Templota ruwapunayta. Chayqa Judá jap'iypi kashan. Ajinaqa pillapis chay Tata Diospa ayllunmanta kajkunaqa Jerusalenman richunku, Tata Diostaj paykunata yanapachun, nispa.

Isaías 10:6

Noqaqa asiriokunata millayta ruwaj runakunaman kachasaj, k'arajta phiñachiwaj llajtamantaj pusasaj. Paykuna chaykunaj imankuchus kajta, tukuy kapuyninkutapis qhechumonqanku, callekunapi t'uruta jina paykunata saronqanku.

Isaías 44:28

Kuraj kamachej Cirotapis nini: Qanqa michejniy kanki, jinataj munasqaytapuni ruwanki, nispa. Jerusalentapis nini: Qanqa watej ruwasqa kanki, nispa. Templotapis nillanitaj: Cimientoyki churasqa kanqa, nispa.

Isaías 48:14

Tukuyniykichej tantakuspa, uyariwaychej: Mayqen diostaj kay imakuna kananmanta sut'incharqari? Noqaj ajllakusqay runaqa wakichisqayta junt'anqa Babiloniaj contranpi, caldeokunaj contrankupiwan.

Isaías 48:15

Noqa Cirowan parlarqani, chantá payta wajyarqani, pusamorqanitaj. Chayrayku maytachá purisqanpi allinpuni renqa.

Jeremías 34:22

Chaywanpis noqa kutirimunankuta kamachisaj. Paykunataj kutimuspa, kay llajtaj contranta maqanakonqanku jap'inankukama. Chantá ninata jap'iykuchispa, Judamanta qhepakoj llajtakunatapis raqayllataña saqenqanku, ni uj runayojta. Noqa Tata Diosmin chayta nini.

Jeremías 48:10

Maldicisqa kachun pichus mana tukuy sonqowan Tata Diospa kamachisqanta ruwajqa. Maldicisqallataj kachun pichus maqanakuman mana yaykuyta munajqa.

Jeremías 50:15

Tukuynejpi maqanakuman yaykunapaj qhapariychej. Babilonia atipasqaña kashan, torrenkuna, phatu perqankunapis thuñisqaña. Kayqa Tata Diospa vengakuyninmin. Babiloniamanta vengakuychej. Imaynatachus qankunawan ruwarqanku, ajinallatataj paykunawanpis ruwaychej.

Jeremías 50:3

Wichaynejmanta uj suyoqa Babiloniaj contranta jamushan, jallp'ankutataj ch'inman tukuchenqanku. Manaña runakuna, nitaj animalkunapis chaypi kawsanqankuñachu. Chay suyumanta tukuy ayqespa riponqanku, nispa.

Jeremías 50:9

Noqa wichaynejmanta ashkha atiyniyoj suyukunata tantaykuspa, Babiloniaj contranta maqanakoj pusamusaj. Paykunataj sumajta wakichikonqanku maqanakunankupaj. Wichaynejmanta suyukunaqa Babiloniata atipaspa, jap'enqanku. Paykuna sumajta maqanakuyta yachajkuna kanku, flechankutataj arcowan kacharinku mana ujta pantarispa.

Ezequiel 23:23

Babiloniamanta kajkunata, caldeokunata, Pecodmanta kajkunata, Soamanta, Coamanta kajkunata ima, chantá asiriokunatawan contraykita kachaykamusaj. Paykunaqa moq'ey alajitu waynakuna kanku, kurajkuna, kamachejkunataj, maqanakunapaj atiyniyojkuna, tukuyninku caballopi purej soldadokuna.

Deuteronomio 33:27

Israel, wiñaypaj kawsaj Diosqa qanpa pakakunayki, paytaj wiñay atiyniyoj makinwan jap'isunki. Awqaykikunata ñawpaqeykimanta wijch'orqa, wañuchispa tukuchinaykitataj kamachisorqa.

1 Samuel 15:3

Chayrayku amalecitakunawan maqanakoj riy. Tukuy paykunata wañuchimuy, jinataj tukuy kapuyninkutapis phiriy, ama ni uj chhikanta paykunamanta khuyarikuspa. Wañurachiy qharikunata, warmikunata, wawakunata, ñuñoj wawakunatapis. Ajinallatataj wañuchiy tukuy wakankuta, ovejankuta, camellonkuta, burronkuta ima, nispa.