Jeremías 50:20 - DIOSPA QHELQACHISQ

²⁰ Noqa Tata Dios nillanitaj: Chaypacha Israelpa juchallisqanta mask'anqanku manataj tarenqankuchu. Judáj juchallisqantapis mask'allanqankutaj, manallataj tarenqankuchu, imaraykuchus noqa juchankuta pampacharqani.

Qheshwa Biblia DC

²⁰ Noqa Señor nillanitaj: Chay p'unchaykunapeqa Israel aylluwan, chantá Judá aylluwan millay ruwasqasninkumanta, jinataj juchasninkumantapis kacharichisqas kanqanku, imaraykuchus noqa chay kausashajta saqerqani chaykunata perdonapusaj.

DIOSPA QHELQACHISQAN DEUTEROCANONICAL

²⁰ Noqa Tata Dios nillanitaj: Chaypacha Israelpa juchallisqanta mask'anqanku manataj tarenqankuchu. Judáj juchallisqantapis mask'allanqankutaj, manallataj tarenqankuchu, imaraykuchus noqa juchankuta pampacharqani.

Jeremías 50:20 ပူးပေါင်းရင်းမြစ်များ

Salmos 103:12

Imaynachus inti llojsimuynej inti yaykuynejmanta karupi kashan, ajinallatataj payqa juchanchejta noqanchejmanta karunchan.

Salmos 17:3

Sonqoypi imachus kasqanta qan watuwanki. Tutan qhawawaj jamuwarqanki sonqoy imaynachus kasqanta yachayta munaspa, manataj ima mana allin kajtapis tarerqankichu. Sonqoypi nerqani simiywan mana pantanayta.

Salmos 85:3

3 (4) Phiñakuyniykita ñit'iykukorqanki, k'araj phiñakuyniykitataj tiyaykuchikorqanki.

Isaías 1:9

Sichus Tukuy Atiyniyoj Tata Dios noqanchejmanta wakinkunata mana kawsashajta saqenmanchu karqa chayqa, Sodoma jina, Gomorra jinataj chinkachisqa kasunman karqa.

Isaías 10:21

Jacobpa mirayninmanta kaj israelitakunamanta pisi puchojkunaqa Tukuy Atiyniyoj Diosman kutirikonqanku.

Isaías 33:24

Mana pipis nenqachu: Onqosqa kani, nispa. Manachayqa Tata Diosqa Sión llajtapi tiyakojkunaj juchankuta pampachanqa.

Isaías 43:25

Chaywanpis Diosniyki kasqayrayku, chay millay juchaykita llimphuchasaj. Juchaykikunatataj qonqayman churasaj.

Isaías 44:22

Noqa juchaykita, contraypi oqharikusqaykita ima phuyuta jina chinkachini. Noqaman kutirikamuy, imaraykuchus noqamin pagota qospa kacharicherqayki.

Jeremías 31:34

Manaña pipis runa masinta yachachenqañachu, nitaj wawqentapis nenqañachu: Tata Diosta rejsiy, nispa, imaraykuchus juch'uymanta jatunkama tukuy rejsiwanqanku. Noqa millay ruwasqankuta pampachasaj, manañataj jayk'ajpis juchankumanta yuyarikusajchu. Noqa Tata Diosmin chayta nini.

Jeremías 33:15

Chay p'unchaypi Davidpa mirayninmanta uj kuraj kamachejta churasaj, paytaj chay suyupi cheqan kajta, justiciata ima ruwanqa.

Jeremías 33:8

Paykunata contraypi tukuy mana allin ruwasqankumanta llimphuchasaj, jinallataj contraypi oqharikuspa tukuy juchallisqankutapis pampachallasajtaj.

Jeremías 44:14

Judiokunamanta Egiptoman tiyakapoj ripojkunamanta mana ujllapis wañunamanta llusp'enqachu. Judá suyuman kutipuyta munashaspapis, manapuni kutiponqankuchu, manachayqa ripojkunamanta uj mashkhalla kutenqanku, nispa.

Jeremías 50:4

Tata Dios nin: Chay p'unchaypi israelitakuna, jinataj Judamanta kajkuna ima waqaspa Tata Diosninkuta mask'anqanku.

Lamentaciones 4:22

Sión llajta, jasut'isqa kanayki junt'akun. Manaña jayk'ajpis ujtawan pay apachisonqachu. Chaywanpis, qan Edom suyu, jasut'isqapuni kanki, imaraykuchus Tata Diosqa juchaykita sut'iman orqhonqa.

Ezequiel 18:22

Noqataj tukuy millay ruwasqanmanta mana yuyarikusajchu. Payqa cheqan kajta ruwasqanrayku kawsanqa.

Miqueas 7:19

Aswan qhepaman ujtawan noqaykumanta khuyarikuwayku. Juchaykuta chakiykiwan saruranki, mama qocha ukhumantaj millay ruwasqaykuta wijch'uykunki.

Sofonías 3:12

Manachayqa noqa qankuna ukhupi llamp'u sonqoyoj runakunata, pisi kapuyniyoj runakunatapis kawsashajta saqesaj, pikunachus sutiypi atinikunku, chaykunallata.

Zacarías 3:9

Noqaqa Josuéj ñawpaqenman qanchis uyayoj rumita churani, chaymantaj uj qhelqata qhelqaykusaj. Chantá uj p'unchayllapi kay suyumanta tukuy juchata chinkachisaj. Noqa Tukuy Atiyniyoj Tata Diosmin chayta nini.

Números 23:21

Payqa Jacobpa mirayninpi mana ni ima millay ch'ichita tarinchu, nillataj Israelpi ch'ichi kajta ruwanata rikunchu. Tata Diosninkoqa paykunawan kashan, paykunataj Diosta kuraj kamachejninkuta jina jatunchanku.

Hechos 3:19

Chayrayku Diosman kutirikuychej Jesuspi atinikuspa, juchaykichej pampachasqa kananpaj.

Hechos 3:26

Chayrayku Churin Jesusta wañusqamanta kawsarichimuspa, Dios payta ñawpajta qankunamanraj kachamorqa, sapa ujniykichej millay kawsayniykichejmanta Diosman kutirikuspa saminchasqa kanaykichejpaj, nispa. Ajinata Pedro chay runakunaman nerqa.

Romanos 11:6

Paykunaqa Diospa qhasilla k'acha yanapayninrayku ajllasqa karqanku, mana imata ruwasqankuraykuchu. Manachus jina kanman karqa chayqa, Diospa qhasilla k'acha yanapaynenqa manaña qhasillachu kanman.

Romanos 5:16

Diospa qowasqanchej qhasilla k'acha yanapaynenqa mana Adanpa juchallikusqan jinachu. Adanpa juchallisqanqa ashkha runakuna juchachasqa kanankupaj ruwarqa. Diospa qhasilla k'acha yanapayninrí Diospa ñawpaqenpi cheqan runapaj qhawasqa kananchejpaj ruwawanchej, may chhika juchamanta juchachasqa kajtinchejpis.

Romanos 6:13

Amallataj ukhuykichejta juchalliyta munanaman jaywaychejchu, millay kajta ruwanaykichejpaj. Aswanpis wañusqamanta kawsarimusqa kaspa, qankuna ukhuykichejta Diosman jaywaychej, cheqan kajta ruwanaykichejpaj.

2 Pedro 3:15

Chantá yuyarikuychej, Tukuyta Kamachej Jesucristonchejpa paciencianqa tukuy runakuna qhespichisqa kananchejpaj kasqanta. Chayllatataj nispa, munasqa wawqenchej Pablopis cartata apachimusorqachej, Dios payman yachayta qosqanman jina.