Jeremías 50:2 - DIOSPA QHELQACHISQ

² Tukuy suyupi tiyakojkunapis yachanankupaj kayta willamuychej. Wiphalata señalta jina sayarichiychej, ama uj chhikanta pakarispataj, kay jinata niychej: Babiloniata atipaspa jap'enqanku. Bel diosninkoqa p'enqaypi rikhurichisqa kanqa. Merodac diosninkupis manchariywan junt'a kanqa. Lantinkukunataj phirisqa kanqanku.

Qheshwa Biblia DC

² Tukuy naciones ukhupi chayta willaramuychej yachanankupaj. Uj wiphaylata oqhariychej señalta jina, ama uj chhikanta pakarispa. Kay jinata niychej: Babiloniata jap'ikapunku. Bel nisqa diosninku p'enqaypi rikhurichisqa karqa. Marduc nisqa diosninku manchariywan junt'a kashan. Chay lantisninku, mana kaj dioskunasninku p'enqaypi rikhurichisqas karqanku, mancharikuywan junt'astaj.

DIOSPA QHELQACHISQAN DEUTEROCANONICAL

² Tukuy suyupi tiyakojkunapis yachanankupaj kayta willamuychej. Wiphalata señalta jina sayarichiychej, ama uj chhikanta pakarispataj, kay jinata niychej: Babiloniata atipaspa jap'enqanku. Bel diosninkoqa p'enqaypi rikhurichisqa kanqa. Merodac diosninkupis manchariywan junt'a kanqa. Lantinkukunataj phirisqa kanqanku.

Jeremías 50:2 ပူးပေါင်းရင်းမြစ်များ

Salmos 64:9

9 (10) Chaypacha tukuy runakuna manchachikonqanku, Diospa ruwasqanmantataj parlanqanku, chantá ruwasqanpi unanchanqanku.

Salmos 96:3

Jatun kayninmanta tukuyman willaychej, t'ukuna ruwasqanmantataj tukuyman parlaychej.

Salmos 97:7

Lantikunata yupaychajkuna p'enqaypi rikhurichunku, pikunachus lantinkurayku runaykachanku, chaykuna. Tukuy dioskunapis Tata Diospa ñawpaqenman k'umuykullachunkutaj.

Isaías 12:4

Chaypacha ninkichej: Tata Diosman pachis nispa, sutinta yupaychaychej. Imatachus ruwasqanta tukuy runaman willamuychej, jinallataj Tukuy Atiyniyoj kasqanmantapis willallaychejtaj.

Isaías 13:2

Uj q'ara orqo puntapi maqanakuna wiphalata sayachiychej, chaypitaj maqanakuman yaykunapaj jatunmanta qhapariychej. Makiykichejwan soldadokunata wajyaychej, kurajkunaj punkunkuta yaykunankupaj.

Isaías 21:9

Kunantajrí uj carretata iskay caballokuna qhatatamushajta rikuni, nispa. Chaymantataj waj runa nerqa: Babilonia urmanña, urmanña, jinallataj lantinkunapis pampapi p'akirasqa rikhurinku, nispa.

Isaías 37:19

Chay suyukunaj diosninkukunata ninaman enqhaykorqanku, imaraykuchus chaykuna mana dioskunachu kanku, manachayqa k'ullumanta rumimanta ima, runaj ruwasqallan kanku. Chayrayku chaykunata phiriyta aterqanku.

Isaías 39:1

Chaypacha Baladanpa churin Merodac Baladán Babiloniamanta kuraj kamachej karqa. Jinapi kuraj kamachej Ezequías onqoyninmanta qhaliyasqanta yachaspa, kachakunawan cartata, waqetawan kuraj kamachej Ezequiasman apacherqa.

Isaías 46:1

Bel diosqa k'umpuykukun. Nebo diospis pampaman wijch'ukun. Chay lantikunaqa burropi chajnasqa rinku, llasa q'epita apajkunataj kharkatitinku llasa kasqankurayku.

Isaías 48:20

Chaywanpis kunan Babiloniamanta llojsiychej, caldeokunamantataj ayqekuychej. Kay imakunamanta kusiywan willamuychej, kay pachaj k'uchunkamataj uyarichiychej. Chaypacha niychej: Tata Dios pagota qospa kamachin Jacobta kacharichin, nispa.

Isaías 48:6

Chay nisqayta uyarerqankichej, junt'akusqantataj rikorqankichej. Yachankichej nisqayman jinapuni kasqanta. Kunantajrí mosoj imakunamanta uyarichisqaykichej, mana yachasqaykichejtataj sut'inchasqaykichej.

Jeremías 10:11

Israelitakuna, lantikunata yupaychajkunaman niychej: Janajta, kay pachatapis chay lantikuna mana ruwarqankuchu. Chayrayku kay pachamanta chinkachisqa kanqanku, nitaj ujllapis kay pachapi qhepakonqachu, nispa.

Jeremías 10:15

Chaykunaqa qhasi manakaj asikunapaj jina kanku. Juicio p'unchaypitaj chinkachisqa kanqanku.

Jeremías 31:10

Suyukuna, Tata Diospa nisqanta uyariychej. Mama qochaj karu kantunkunapi kayta willaramuychej: Tata Diosqa Israel ayllunta ch'eqeracherqa. Jinapis payllataj paykunata tantaykamonqa, waqaychanqataj. Imaynatachus michej ovejankunata michin, ajinata paykunata waqaychanqa, nispa.

Jeremías 4:16

Suyukunaman, chantá Jerusalenmanpis willaychej karu llajtamanta awqankuna kachaykakamusqankuta. Tukuy Judá suyupi llajtakunaj contranta maqanakunapaj qhaparishanku.

Jeremías 4:6

Tata Dios nillarqataj: Wiphalata Sionnejman sayaykuchiychej. Sumaj jark'achasqa cheqaman ayqeychej, amataj qhepakuychejchu, imaraykuchus wichaynejmanta jatun ñak'ariyta, wañuytawan apachimusaj.

Jeremías 46:14

Egipto suyupi Migdol llajtapi, Menfis llajtapipis, chantá Tafnes llajtapipis kayta willaychej: Soldadokuna, maqanakupaj wakichikuychej, imaraykuchus espadaqa muyuyniykichejpi t'ustita ruwanqa.

Jeremías 50:46

Babilonia suyoj urmasqanqa kay pachata kuyurichenqa, urmasqanmanta qhaparqachasqankutaj tukuy kay pachapi uyarikonqa, nispa.

Jeremías 51:12

Wiphalata pataman oqhariychej, Babiloniaj perqankunata thuñej jamunankupaj. Llajta qhawaj soldadokunata ashkhata churaychej. Pakakuspa phinkiykoj soldadokunatapis churallaychejtaj. Tata Diosqa Babiloniaj contranta imatachus ruwananta ruwanqapuni.

Jeremías 51:27

Chay suyupi wiphalata pataman oqhariychej maqanakuman yaykunapaj. Trompetata waqachiychej, runatataj tantaychej, Babiloniaj contranta maqanakoj yaykunapaj. Paypa contranpi Araratmanta, Minimanta, Askenazmantawan runata tantaychej. Chantá uj kamachejta churaychej, tukuy rejkunata maqanakuman pusananpaj. Caballopi rejkunata kachaykuychej, may chhika phinki phinkikuna jina.

Jeremías 51:31

Qhepan qhepanta kachakuna Babiloniamanta kuraj kamachejman willamoj rinku, tukuynin llajtata jap'isqankuta willanankupaj.

Jeremías 51:44

Noqataj Babiloniaj diosnin Belta jasut'isaj, imatachus oqoykusqantataj lansachisaj. Manañataj waj suyukunapis payman jamonqankuchu. Babiloniaj perqankunapis thuñisqa kanqa.

Jeremías 51:47

Babiloniaj lantinkunata jasut'inay p'unchay chayamonqapuni. Chay suyoqa k'umuykachachisqa qhepakonqa, ayakunawan junt'ataj.

Jeremías 51:52

Tata Diostajrí nin: Babiloniaj lantinkunata jasut'inay p'unchay jamushan, tukuy chay suyupi parti wañusqa kajkunataj khuyayta ayqonqanku.

Jeremías 51:8

Jinallaman Babiloniañataj ujllata urmaspa, phirikorqa. Paymanta waqaychej. K'irisqankunapaj jampita apamuychej, ichapis qhaliyapunman.

Jeremías 52:31

Judamanta kuraj kamachej Joaquín apasqa kasqanmanta kinsa chunka qanchisniyoj watanman, chunka iskayniyoj killamanta iskay chunka phishqayoj kaj p'unchayninpitaj kuraj kamachej Evil Merodac Babiloniapi kamachiyta qallarerqa. Payqa Judata kuraj kamachej Joaquinwan k'acha karqa. Chayrayku carcelmanta orqhochimorqa.

Jeremías 6:18

Chayraykumin Tata Dios nillantaj: Suyukuna, uyariychej, yachaychejtaj imatachus kay aylluywan ruwanayta.

Daniel (hebreo) 1:2

Chantá Tukuyta Kamachej Dios nerqa Nabucodonosor Judá suyuta kuraj kamachej Joacinta jap'inanta, jinataj Diospa Templonpi kaj imakunamanta wakinta apakapunanta. Nabucodonosortaj Diospa Templonmanta imakunata Babiloniaman apaspa, lantinta yupaychana wasipi, lantinpa tiyapuyninta waqaychana wasiman churarqa.

Daniel (hebreo) 3:14

Nabucodonosor paykunata taporqa: Cheqachu qankuna diosniykunata mana jatunchankichejchu, nitaj qorimanta ruwachisqay lantitapis yupaychankichejchu?

Sofonías 2:11

Kay pachapi tukuynin lantikunata chinkachispa, Tata Dios chay runakunata manchayta mancharichenqa. Chaymantataj tukuynejpi paylla yupaychasqa kanqa. Mama qocha churukunapi tiyakojkunapis payta yupaychanqanku.

Apocalipsis 18:2

Paytaj jatunmanta qhaparerqa: Urmanña, Babilonia jatun llajta urmanña. Chay llajtaqa supaykunaj wasinman tukun, tukuy millay espiritukunaj pakakunanman, chantá tukuy imaymana millay ch'ichipaj qhawasqa phawajkunaj thapanman ima.