Jeremías 50:19 - DIOSPA QHELQACHISQ

¹⁹ Israel aylluytarí tiyakunanku llajtaman kutichimusaj, chaypitaj ovejakuna jina sumaj pastota mikhonqanku Carmelopi, Basanpi, Efrainpa orqonpi, Galaadpi ima, nispa.

Qheshwa Biblia DC

¹⁹ Israel aylluy jallp'anman kutipunanta saqesaj, imaynatachus ovejapaj ashkha pastos tiyan ajina, Carmelopi, Basami, Efraimpa orqosnimpi, Galaadpi ima.

DIOSPA QHELQACHISQAN DEUTEROCANONICAL

¹⁹ Israel aylluytarí tiyakunanku llajtaman kutichimusaj, chaypitaj ovejakuna jina sumaj pastota mikhonqanku Carmelopi, Basanpi, Efrainpa orqonpi, Galaadpi ima, nispa.

Jeremías 50:19 ပူးပေါင်းရင်းမြစ်များ

Esdras 2:1

Kaykuna kanku Judamanta Babiloniaman apasqa kajkunamanta pikunachus Judaman kutipojkuna. Paykunaqa kuraj kamachej Nabucodonosorpa kamachisqanman jina Judá jallp'amanta Babiloniaman apasqa kasqanku. Paykuna Judá suyuman kutiporqanku, wakinkuna Jerusalenman, wakinkunataj maymantachus karqanku, chay waj llajtankuman.

TAKIYKUNA 6:5

Amaña qhawawaychu ari, ñawisituykeqa sonqoyta suwawanña. Chujchaykeqa Galaad kinraypi cabrakuna phinkiririspa urayk'amushankuman jina.

Isaías 33:9

Israel suyu llakisqa, onqosqataj kashan, Libanopis may p'enqaywan qawisqa kashan. Sarón vallepis q'ara pampaman tukupun, Basán jallp'awan, Carmelo jallp'awanqa t'ojrapacha kashan.

Isaías 35:2

Chay ch'in pampaqa qhallallarispa t'ikanqa, mayta kusikuspataj takenqa. Tata Diosqa Libanota jina may k'achituta ruwanqa, Carmelo orqo jina, Sarón valle jinataj sumaj poqoj jallp'a kanqa. Ajinamanta paykunaqa Tata Diospa jatun kayninpa lliphipiyninta rikonqanku, Diosninchejpa kuraj kamachej jina kayninta.

Jeremías 23:3

Tata Dios nillantaj: Noqa kikin puchoj ovejaykunata tantasaj, maymanchus wijch'orqani, chay suyumantapacha kanchankuman kutichimpusaj, chaypitaj mayta miranqanku.

Jeremías 3:18

Chay p'unchay chayamojtin, Judá aylloqa Israel aylluwan khuska tantakonqa. Iskayninkutaj wichaynej suyumanta kutimonqanku, ñawpa tataykichejkunaman chayaqepaj qorqani, chay jallp'aman.

Jeremías 30:10

Noqa Tata Dios nillanitaj: Kamachiy Jacobpa ayllun, ama manchachikuychejchu. Israel, ama mancharikuychu. Noqa qankunata, wawaykichejkunatapis karu llajtamanta kacharichimusaj, maymanchus apasqa karqankichej, chaymanta. Watej allin kawsaypi tiyakunkichej, ni pejpa ima nisqan, ni imata manchachikuspataj.

Jeremías 30:18

Tata Dios nillantaj: Jacobta waj suyuman apasqa kasqanmanta kutichimusaj, suyunmantataj khuyakusaj. Llajtanqa raqaykuna patallapitaj watej sayarichisqa kanqa. Kamachina wasikunapis, maypichus karqanku, chayllapitaj sayarichisqa kanqanku.

Jeremías 30:7

Sinch'i ñak'arina p'unchay qayllamushan, chay p'unchay jinaqa mana jayk'ajpis karqachu. Jatun llakiy p'unchay Jacobpa mirayninpaj kanqa. Chaywanpis noqa chaymanta paykunata kacharichisaj.

Jeremías 31:14

Sacerdotekunamanpis allin mikhunata mikhuchisaj, aylluytataj chhika patapi kawsarichisaj, ashkha allin imakunata qosqaywan. Ajinata noqa Tata Dios nini.

Jeremías 31:25

Yarqhasqa kajkunaman mikhuchisaj, yakumanta ch'akisqakunamantaj yakuta ujyachisaj, nispa.

Jeremías 31:6

Uj p'unchay chayamonqa, chay p'unchaypitaj llajtata qhawajkuna Efrainpa orqonkunapi qhaparenqanku: Jamuychej, Sión orqoman jaku rinachej Tata Diosninchejta yupaychaj, nispa.

Jeremías 32:37

Kay llajtayojkunata tantaykusaj, maykunamanchus may sinch'i phiñakuyniypi paykunata ch'eqeracherqani, chay suyukunamanta. Chantá paykunata watej kay cheqaman kutirichimusaj, mana imamanta manchachikuspa kaypi tiyarikunankupaj

Jeremías 46:27

Kamachiy Jacob, ama mancharikuychu. Israelníy, ama llawch'iyaychu. Qanwan, wawaykikunawanpis karu suyuman apasqa karqankichej. Noqatajrí chaymanta pusakampusqaykichej. Watej ni pejpa mancharichisqan allinta kawsakunki.

Jeremías 50:6

Aylloyqa chinkasqa ovejakuna jina kanku. Michejninkukunataj mana allintachu paykunata micherqanku, manachayqa orqonejpi paykunata chinkaracherqanku. Ovejaykunaqa orqomanta orqo purerqanku, puñuna kanchankutapis qonqaporqanku.

Ezequiel 11:17

Noqaj sutiypi paykunaman nillaytaj: Kay jinata Tata Dios nin: Noqa Tukuyta Kamachej Tata Diosmin paykunata tantaykamusaj waj suyukunamanta, karu llajtakunamanta ima, maykunamanchá paykunata ch'eqeracherqani, chaykunamanta. Israelitakuna, qankunata tantaykamuspa, suyuykichejta kutichipusqaykichej.

Ezequiel 36:24

Qankunataqa noqa waj suyukunamanta orqhomusqaykichej, tukuy llajtakunamanta tantaykuspataj, suyuykichejman kutichimpusqaykichej.

Ezequiel 36:33

Tukuyta Kamachej Tata Dios kay jinata nillantaj: Maypachachus noqa tukuy juchaykichejmanta llimphuchasqaykichej chaypachaqa, llajtakunapi runakuna tiyakunankuta saqellasaj, raqayllaña wasikunataj ujtawan sayachisqa kanqanku.

Ezequiel 38:8

Kaymanta unay wataman, Israelwan maqanakunaykipaj kamachisqa kanki. Israel suyoj runankuna ashkha suyuman ch'eqerachisqa karqanku, wiñaypaj ch'inyachisqataj. Chaywanpis chaymanta kutimuspa, tukuy israelitakuna watej Israelpa orqonkunapi tantakonqanku, chaypitaj tukuyninku ni imamanta manchachikuspa tiyakushanqanku.

Ezequiel 47:18

Inti llojsimuynejman mojonqa kay jina kanqa: Jaurán jap'iynejta chantá Damasco jap'iy chawpinta llojsenqa. Galaad jap'iyta, Israel jap'iytawan Jordán mayu t'aqanqa, inti llojsimuynejpi Wañusqa Qochakama.

Miqueas 7:14

Tata Dios, Israel aylluykita waqaychay qanpa tropaykita jina, imaraykuchus montepi chinkasqa oveja jina kashanku. Paykunata sumachaj jallp'akunaman pusariy. Ñawpajta jina, Basanpi chantá Galaadpi pastoman pusay.

Miqueas 7:18

Qan jina Dios mana waj dios kanchu, imaraykuchus qanqa juchaykuta pampachanki, qonqayman churanki puchoj aylluykej juchankuta. Qanqa munakuwasqaykuta rejsichiwayku, nitaj wiñaypajchu phiñakunki.

Zacarías 10:10

Noqa paykunata Egiptomanta kutirichimusaj, Asiriamantapis pusakampusaj. Chantá paykunata Galaadman, Libanomanpis pusasaj. Jinapis ashkha kasqankurayku jallp'a mana paykunapaj wakenqachu.

Números 32:1

Rubén jatun ayllojta, Gad jatun ayllojtawan ima ashkha uywanku karqa. Chayrayku Jazerpi jallp'a, chantá Galaadpi jallp'awan uywata mirachinapaj sumaj kasqanta reparaspa,

Números 32:4

Tata Dios israelitakunapaj jap'isqan jallp'aqa uywata mirachinapaj manchay sumaj kashan. Noqaykojta ashkha uywayku tiyapuwayku.

Josué 17:15

Josuetaj kuticherqa: Sichus qankuna ashkha kankichej, jallp'aykichejtaj pisi chayqa, ferezeokunaj jap'iyninkuman chantá refaitakunaj jap'iyninkuman yaykuspa, monteta chaqomuychej ari, nispa.