Jeremías 50:17 - DIOSPA QHELQACHISQ

¹⁷ Israel aylloqa chinkasqa oveja jina, leonkunaj qhatiykachasqan. Ñawpajta Asiriata kuraj kamachejraj oqoykorqa. Chaymantataj Babiloniata kuraj kamachej Nabucodonosorñataj tullunta phiriykorqa.

Qheshwa Biblia DC

¹⁷ Israelqa uj chinkasqa oveja jinamin, leonespa qhatiykachasqan. Ñaupajtaqa Asiriamanta reyraj mikhuykorqa. Chaymanta Babiloniamanta rey Nabucodonosorñataj tullusninta k'utuykorqa.

DIOSPA QHELQACHISQAN DEUTEROCANONICAL

¹⁷ Israel aylloqa chinkasqa oveja jina, leonkunaj qhatiykachasqan. Ñawpajta Asiriata kuraj kamachejraj oqoykorqa. Chaymantataj Babiloniata kuraj kamachej Nabucodonosorñataj tullunta phiriykorqa.

Jeremías 50:17 ပူးပေါင်းရင်းမြစ်များ

2 Reyes 15:19

Chaypachataj Asiria suyuta kuraj kamachej Pul sutiyojqa Israel suyuman yaykuykorqa. Israel suyuta kuraj kamachej Menajentaj Pulman 33.000 kilo qolqe metalta apacherqa, kuraj kamachej jina kamachiyninta sumajta sayachiyta yanapananpaj.

2 Reyes 15:29

Israel suyuta Pecaj kamachishajtin, Asiria suyuta kuraj kamachej Tiglat Piléser jamuspa, israelitakunamanta kay llajtakunata qhechorqa: Iyonta, Abel Betmacata, Yanojata, Cedesta, Jazorta, Galaadta, Galileata, chantá tukuynin Neftalí jatun aylloj jap'iynintawan ima jap'erqa. Chay llajtakunapi tiyakojkunatataj presota jina Asiriaman aparqa.

2 Reyes 24:1

Joacín kamachishajtin, Babilonia suyuta kuraj kamachej Nabucodonosor Judá suyoj contranpi maqanakoj jamuspa, Joacinta atipaykorqa. Jinataj Judá suyoqa kinsa watata kuraj kamachej Nabucodonosorpa makinpi karqa. Chay kinsa wata pasaytataj Joacín kuraj kamachej Nabucodonosorpa contranpi oqharikorqa.

2 Reyes 24:10

Pay kamachishajtin, Babilonia suyuta kuraj kamachej Nabucodonosorpa soldadonkuna Jerusalén llajtata jap'inankupaj muyuykorqanku.

2 Reyes 25:1

Sedequías jisq'on watataña kamachishajtin, chunka kaj killapi, chunka kaj p'unchaypi, Babilonia suyuta kuraj kamachej Nabucodonosor tukuy soldadonkunawan jamuspa, Jerusalenta jap'inanpaj muyuykorqa. Llajtaj muyuyninpitaj torrekunata ruwarqa.

2 Crónicas 28:20

Aswan qhepaman Asiria suyuta kuraj kamachej Tiglat Pileserqa Ajazman jamuspa, payta yanapanantaqa, aswan llakiyman churarqa.

2 Crónicas 33:11

Chayraykumá Tata Diosqa Asiria suyuta kuraj kamachejpa soldadonkunaj kamachejninkunata paykunaj contrankupi kachamorqa, chaykunataj Manasesta jap'ispa, presocharqanku. Chantá fierro ganchokunawan, broncemanta ruwasqa cadenakunawan payta wataykuspa, Babiloniaman apacherqanku.

Isaías 15:9

Dimón qayllapi yakupis yawarwan junt'a kashan. Chaywanpis aswan llakiytaraj Dimón llajtaman apachimusaj. Leonkunaqa Moabmanta ayqekushajkunata mikhonqanku, jinallataj chay suyupi qhepakojkunatapis.

Isaías 47:6

Noqaqa Israel aylluypaj mayta phiñakorqani. Chayrayku ajllakusqay Israelta mana allinpajchu qhawarqani, makiykimantaj paykunata jaywaykorqani. Qantajrí mana khuyaspa, paykunata anchatañataj ñak'aricherqanki. Allin machu runakunatapis anchata ñak'arichillarqankitaj.

Jeremías 10:25

Phiñakuyniykita kachaykuy, pikunachus mana rejsisunkuchu, chay suyukunaj patankuman, pikunachus sutiykita mana yupaychankuchu, chaykunaj patankuman. Ajinata ruway, imaraykuchus paykuna Jacobpa mirayninta tukucherqanku, suyunkutataj raqayllataña saqerparerqanku, nispa.

Jeremías 2:15

Imaraykutaj waj runakuna leonkuna jina sinch'ita qhaparispa, israelitakunaman phinkiykunkuri? Jallp'ankuta ch'inpachata saqerparinku. Llajtankutapis ninawan ruphaykuchispa, mana runayojta saqerparinku.

Jeremías 21:7

Chaymanta Judata kuraj kamachej Sedequiasta, kamachinkunata, llajtapi tiyakojkunatawan ima, pikunachus onqoywan, maqanakupi, yarqhaywan wañunankumanta puchojkunata jaywaykusaj Babiloniata kamachej Nabucodonosorman, waj awqankunaman ima. Paykunataj mana khuyakuspa nitaj sonqonta nanachikuspa espadawan wañuchenqanku. Noqa Tata Diosmin chaytaqa nini.

Jeremías 4:7

Leonqa jusk'umanta llojsimunña. Suyukunata chinkarachejqa puririmunña, tukuy llajtaykita ch'inyachinanpaj, raqaykunallataña saqenanpaj ima.

Jeremías 49:19

Mana yuyasqaykichej p'unchaypi noqaqa jamusaj, imaynatachus Jordán mayu kantupi ch'umimanta león imata jina llojsimun sumaj wira uywakunata jap'inanpaj, ajinata. Edommanta kajkunatataj chaymanta ayqechisaj. Chantá pitachus noqa ajllasaj, chayta kamachinanpaj churasaj. Pitaj noqa jina kanmanri? Pitaj noqaman sayaykuwayta atinmanri? Mayqen michejtaj ñawpaqeyman churanakoj jamuwanmanri?

Jeremías 5:17

Chay runakuna poqochisqaykita, mikhunaykitapis tukuykonqanku, jinallataj qhari wawaykikunata, warmi wawaykikunatapis wañuchenqanku. Chantá ovejaykikunata, wakaykikunatapis mikhuykakaponqanku. Uva huertaykita, higo sach'aykitapis llant'aykonqanku. Mayqenkunapichus atinikoj kanki, chay jatuchaj perqawan jark'achasqa llajtaykikunatapis phirenqanku, nispa.

Jeremías 5:6

Chayraykumin montemanta leonkuna llojsimuspa, paykunata wañurachenqanku. Ch'innejmanta onzakuna, k'ita alqokunapis paykunata t'isaranqanku, tigrekunapis llajtakuna qayllapi suyaykonqanku. Llajtankumanta runakuna llojsejtinkutaj, paykunata t'isarallanqankutaj, imaraykuchus ashkha kutita Diospa contranta oqharikorqanku, ashkha kutitataj payta wasancharqanku.

Jeremías 50:6

Aylloyqa chinkasqa ovejakuna jina kanku. Michejninkukunataj mana allintachu paykunata micherqanku, manachayqa orqonejpi paykunata chinkaracherqanku. Ovejaykunaqa orqomanta orqo purerqanku, puñuna kanchankutapis qonqaporqanku.

Jeremías 51:38

Babilonia llajtayojkuna león jina qhaparenqanku, uña leonkuna jinataj phiñarikonqanku.

Jeremías 52:1

Sedequías kamachiyta qallarishaspa, iskay chunka ujniyoj watayojña karqa, chunka ujniyoj watatataj Jerusalenpi kamacherqa. Mamanpa sutin Jamutal karqa, paytaj Libnamanta waj Jeremiaspa ususin karqa.

Ezequiel 34:12

Imaynatachus ovejakunata michej ch'eqerasqa ovejankunata tantaykuspa michin, ajinata noqapis ovejaykunata michisaj. Maykunamanchus phuyusqa laqha p'unchaypi ch'eqerarqanku, chaykunamanta paykunata tarikampusaj.

Daniel (hebreo) 6:24

24 (25) Chaymantataj kuraj kamachejqa kamacherqa Danielpa contranta ch'ataykoj runakunata apamunankuta, warminkunatawan, wawankunatawan ima. Chantá paykunata leonkunaj t'oqonman wijch'uykurarqanku. Manaraj pampaman chayashajtinkutaj, leonkuna phinkimuytawan, paykunata mitharaspa, tukuy tullunkunata p'akiykorqanku.

Joel 3:2

2 (4.2) Chaypachallataj tukuy suyukunamanta kajkunata Josafatpa vallenman tantaykusaj. Chaypitaj paykunamanta cuentata mañasaj Israel aylluywan imatachus ruwasqankumanta, imaraykuchus paykuna israelitakunata tukuynejman ch'eqeracherqanku, jinaspataj, jallp'ayta rak'inakorqanku.

1 Pedro 2:25

Ñawpajta qankuna chinkasqa ovejakuna jina karqankichej. Kunantajrí Cristoman kutirikunkichejña, paytaj michej jina qankunamanta allinta qhawashan.