Jeremías 50:14 - DIOSPA QHELQACHISQ

¹⁴ Arcowan kacharichinapaj flechayoj kajkuna, wakichikuychej Babilonia llajtata muyuykunaykichejpaj. Babiloniaj contranta mana sayk'uspa, arcowan flechaykichejta kachariychej, imaraykuchus paykunaqa noqa Tata Diospa contraypi juchallerqanku.

Qheshwa Biblia DC

¹⁴ Wach'inasniyoj kajkuna wakichikuychej, Babilonia llajtata muyuykuychej. Babiloniaspa contrampi wach'inasniykichejta kachaykuychej, imaraykuchus noqaj contraypi juchallikorqanku.

DIOSPA QHELQACHISQAN DEUTEROCANONICAL

¹⁴ Arcowan kacharichinapaj flechayoj kajkuna, wakichikuychej Babilonia llajtata muyuykunaykichejpaj. Babiloniaj contranta mana sayk'uspa, arcowan flechaykichejta kachariychej, imaraykuchus paykunaqa noqa Tata Diospa contraypi juchallerqanku.

Jeremías 50:14 ပူးပေါင်းရင်းမြစ်များ

2 Samuel 10:9

Joabqa maypachachus ñawpajmanta jinataj qhepamantapis maqanakunankupaj muyuykusqankuta yachaspa, israelitakunamanta aswan sumachaj kaj soldadokunata ajllarqa, arameokunawan maqanakunanpajtaj wakichikorqa.

Salmos 51:4

4 (6) Noqaqa contraykita, qanpa contrallaykita juchallikorqani, imatachus millachikusqaykita ruwaspa. Chayrayku nisqaykeqa cheqan, juchachawaspataj, mana pantankichu.

Isaías 13:4

Orqokunapi ashkha runaj ch'ajwasqan jina uyarikun. May chhika soldadokunaj purisqanpis, suyukunaj purisqanku, ch'ajwasqanku ima uyarikullantaj. Tukuy Atiyniyoj Tata Dios soldadonkunata maqanakupaj tantaykun.

Isaías 5:28

Flechankoqa sumaj filochasqa kanqa, arconkutaj sumaj mat'isqa. Caballonkoj chaki sillunkunapis rumi jina kanku, carretankoj ruedankutaj muyoj wayraman rijch'akun.

Jeremías 46:9

Caballopi soldadokuna, maqanakoj phinkiykuychej. Carretapi kajkunataj, phawaykuychej. Soldadokuna, maqanakoj puririllaychejña. Etiopiamanta, Libiamantawan escudokunata oqharisqa soldadokuna, Lidiamanta kaj soldadokuna, arcowan sumajta flechayta yachajkunapis, jamuychej maqanakoj.

Jeremías 49:14

Tata Diosmanta uj willay chayamuwan. Waj suyukuna ukhupi uj kacha kay jinata qhaparishan: Tantaykukuspa, Edompa contranpi puririychej, maqanakupi tinkumunapaj wakichikuychej, nispa.

Jeremías 49:35

Noqa Tukuy Atiyniyoj Tata Dios nini: Elammanta arcowan flechajkunata noqa tukuchisaj, imaraykuchus chaypimin paykuna astawan atinikunku.

Jeremías 50:11

Qankuna caldeokuna, aylluymanta suwaspa kusikorqankichej, asirikorqankichejtaj. Qankunaqa, imaynatachus vakilla pasto patapi sink'urin, ajinata sink'urerqankichej, caballo jinataj qhaparerqankichej.

Jeremías 50:29

Arcowan tukuy flechajkunata tantamuychej, Babiloniaj contranta maqanakoj rinankupaj. Llajtaj tukuy muyuyninpi jarakuychej, ama pipis ayqenanpaj. Ruwasqanman jina kutichiychej. Imaynatachus waj suyukunawan ruwarqa, ajinallatataj paywan ruwaychej, imaraykuchus payqa Israelpa May Llimphu Kaj Diosnin, noqa Tata Diospa contraypi sayaykorqa.

Jeremías 50:42

Paykunaqa flechanapaj arcoyoj, t'ojsina lanzayoj ima jamushanku. Jinallataj rumi sonqo mana uj chhikan khuyakuyniyoj kanku. Ch'ajwasqankoqa mama qochaj qhollchoqeyasqan jina sonarin, caballopitaj purinku. Ñapis Babiloniaj contranpi maqanakoj yaykunankupajña kashanku.

Jeremías 50:7

Pikunachus paykunata tarejkunaqa oqoykorqanku, awqankutaj nerqanku: Noqaykoqa mana juchayojchu kayku, imaraykuchus paykuna Tata Diospa contranpi juchallikorqanku. Paypimin ñawpa tatankukuna atinikorqanku, jinataj paykunaj samarikunanku karqa, nispa.

Jeremías 50:9

Noqa wichaynejmanta ashkha atiyniyoj suyukunata tantaykuspa, Babiloniaj contranta maqanakoj pusamusaj. Paykunataj sumajta wakichikonqanku maqanakunankupaj. Wichaynejmanta suyukunaqa Babiloniata atipaspa, jap'enqanku. Paykuna sumajta maqanakuyta yachajkuna kanku, flechankutataj arcowan kacharinku mana ujta pantarispa.

Jeremías 51:2

Babiloniaman awqankunata kachaykusaj, trigota jina paykunata wayrachinankupaj. Chay suyuta ch'inyachenqanku, imaraykuchus tukuynejmanta contranpi llojsiykamonqanku, ñak'arinanku p'unchay chayamojtin.

Jeremías 51:27

Chay suyupi wiphalata pataman oqhariychej maqanakuman yaykunapaj. Trompetata waqachiychej, runatataj tantaychej, Babiloniaj contranta maqanakoj yaykunapaj. Paypa contranpi Araratmanta, Minimanta, Askenazmantawan runata tantaychej. Chantá uj kamachejta churaychej, tukuy rejkunata maqanakuman pusananpaj. Caballopi rejkunata kachaykuychej, may chhika phinki phinkikuna jina.

Jeremías 51:3

Flechajkunaqa arconkuta ama mat'ichunkuchu, nitaj fierro pecherankutapis churakuchunkuchu. Babiloniamanta waynakunata ama khuyaychejchu. Soldadonkutapis ni uj puchuyojta tukuchiychej.

Habacuc 2:17

Qan imatachus Líbano orqota millayta ruwasqaykeqa pataykiman urmamonqa, mancharikunkitaj k'ita animalkunata wañuchisqaykimanta. Chay jasut'i chayamusonqa runakunata wañurachisqaykirayku, chay suyoj contranta, runakunaj contranta ima millayta ruwasqaykiraykutaj.

Habacuc 2:8

Contraykipi waj suyukuna tantaykukuspa, tukuy kapuyniykita qhechusonqanku, imaynatachus qanpis paykunamanta qhechorqanki, jinata. Chaypacha may chhika runakunata wañurachisqaykimanta pagachisonqanku, kallpaykiman atinikuspa kay suyupi, chantá llajtakunapi tiyakojkunawan imatachus ruwasqaykimanta.

Apocalipsis 17:5

Jinallataj chay warmej mat'inpi uj suti qhelqasqa karqa, watuy mana atina suti: Jatun Babilonia, phisu warmikunaj mamanku, chantá kay pachapi tukuy millay kajpa maman, nispa.

1 Samuel 17:20

Chay q'ayantintaj Davidqa tutamanta jatarikorqa, ovejankunata wajman mink'arikuspataj rerqa, tatan Yesé mikhunata wakichisqanta apaspa. Maqanaku jaraman chayashajtintaj, soldadokuna manchayta qhaparispa maqanakunankupaj wakichikusharqanku.