Jeremías 50:11 - DIOSPA QHELQACHISQ

¹¹ Qankuna caldeokuna, aylluymanta suwaspa kusikorqankichej, asirikorqankichejtaj. Qankunaqa, imaynatachus vakilla pasto patapi sink'urin, ajinata sink'urerqankichej, caballo jinataj qhaparerqankichej.

Qheshwa Biblia DC

¹¹ Qankuna caldeos, aylluyta ch'uskirarqankichej chaykuna kusikuychej, asirikuychejtaj. Waka uña jina q'omer pampaspi sink'uriychej. Caballos jinataj qhapariychej.

DIOSPA QHELQACHISQAN DEUTEROCANONICAL

¹¹ Qankuna caldeokuna, aylluymanta suwaspa kusikorqankichej, asirikorqankichejtaj. Qankunaqa, imaynatachus vakilla pasto patapi sink'urin, ajinata sink'urerqankichej, caballo jinataj qhaparerqankichej.

Jeremías 50:11 ပူးပေါင်းရင်းမြစ်များ

Salmos 22:12

12 (13) Awqaykuna ashkha torokuna jina muyuykuwanku, Basanmanta phiña torokuna jina kallparara kanku.

Proverbios 17:5

Pichus wajcha runamanta alqochakojqa ruwajnin Diosta phiñachin. Pichus wajcha runata kusipayajqa jasut'isqapuni kanqa.

Isaías 47:6

Noqaqa Israel aylluypaj mayta phiñakorqani. Chayrayku ajllakusqay Israelta mana allinpajchu qhawarqani, makiykimantaj paykunata jaywaykorqani. Qantajrí mana khuyaspa, paykunata anchatañataj ñak'aricherqanki. Allin machu runakunatapis anchata ñak'arichillarqankitaj.

Isaías 47:8

Chayrayku, kunanqa kayta uyariy, k'anchilla warmi: Kunan kamachinayki tiyanapi sumajta tiyarishanki, ni imamanta llakikuspa. Sonqoykipitaj nishanki: Noqa jinaqa ni pi kanchu. Noqamanta jawaqa waj mana kanchu. Manataj warmisapa jina qhepakusajchu, nitaj wawaykunapis wañonqankuchu, nispa.

Jeremías 12:14

Tata Dios ajinata nillantaj: Israel suyoj muyuyninpi tiyakoj millay runakunamanta, pikunachus Israelman qosqay jallp'ata jap'ikapunku, chaykunamanta nini: Noqaqa paykunata suyunkumanta t'irasaj, Judatataj paykunaj chawpinkumanta orqhomusaj.

Jeremías 46:20

Egiptoqa ima munay terneraman rijch'akun. Wichaynejmantatajrí uj jatun khanikoj ch'uspi jamuspa, payta khanenqa.

Jeremías 46:21

Mink'asqa soldadonkunapis waka uña jina wirayasqa kanku, paykunapis usqhay usqhayllata mana sayarispa ayqenqanku. Atipasqa kanankoqa chayamunña, chay p'unchaypitaj jasut'isqa kanqanku.

Jeremías 5:28

Paykunaqa sumaj wira llusq'olla karishanku. Chay millay ruwasqankoqa yupay mana atina. Mana piniyoj wajcha wawakunata mana qhawarinkuchu, nitaj wajcha runakunaman sayakunkuchu justiciata ruwanankupaj.

Jeremías 5:8

Sebasqa qachilu caballokuna jina phawanku runa masinkoj warminpa qhepanta.

Jeremías 50:17

Israel aylloqa chinkasqa oveja jina, leonkunaj qhatiykachasqan. Ñawpajta Asiriata kuraj kamachejraj oqoykorqa. Chaymantataj Babiloniata kuraj kamachej Nabucodonosorñataj tullunta phiriykorqa.

Jeremías 50:27

Tukuy wapu soldadonkunata wañuchiychej, ñak'ana cheqaman paykunata apaychej. Ay, paykunamanta, imaraykuchus wañunanku p'unchay chayamun, jasut'isqa kananku p'unchaytaj.

Lamentaciones 1:21

Waqashajta uyariwanku, manataj pipis sonqochaykuriwaj kanchu. Tukuy awqaykuna mana allinpi kasqayta yachanku, maytataj kusikunku kay jinata ñak'arichiwasqaykimanta. Paykunamanpis jasut'isaj, nispa nisqaykita apachimullayña, paykunapis noqa jina ñak'arinankupaj.

Ezequiel 35:15

Israel suyu phirisqa rikhurejtin, qan kusikorqanki. Chayrayku chay jinallatataj qanta ruwasqayki. Seir orqo, Edom suyu phirisqa, ch'inmantaj tukuchisqa kanki. Chaypachataj qan yachanki noqa Tata Dios kasqayta, nispa.

Ezequiel 36:5

Tukuyta Kamachej Tata Diosrí kay jinata nin: Noqaqa waj suyukunaj contrankuta may k'araj phiñakuyniypi parlani. Astawanqa tukuynin Edom suyoj contranta ajinata parlani, imaraykuchus paykuna tukuy sonqonkuwan kusikuspa, jallp'ayta jap'ikaporqanku, aylluyta pisipaj qhawaspataj, kapuyninta suwakaporqanku, nispa.

Oseas 10:11

Efrainqa mansuyachisqa vakilla jina erapi trillaspa misk'irichikun. Noqatajrí llosq'o kunkitanman llasa yugota watani carretata aysananpaj. Judaqa llank'anqa, Jacobtaj rastranqa.

Amós 4:1

Samariamanta warmikuna, uyariychej kay nisqayta: Qankunaqa Basanmanta kaj wira waka jina kankichej. Qankuna wajchakunata ñak'arichinkichej, pisichikojkunatataj waqachinkichej. Qosaykichejtataj kamachinkichej: Apamuy vinota machanaykupaj, nispa.

Abdías 1:12

Wawqeyki llakiypi kashajta rikuspa, mana kusikunaykichu karqa. Manallataj kusikunaykichu karqa Judá ñak'arishajta rikuspa, nillataj asikunaykichu karqa llakiypi kashajtinku.

Habacuc 1:15

Chayrayku Babiloniamanta kajkunaqa waj suyukunata anzuelowan jina jap'inku, imaynatachus challwata jap'ej runaqa challwata jap'in, ajinata. Anzuelowan, ch'ipawantaj jap'ej rinku, chantá challwata qotullata rikuspa, mayta kusikunku.

Zacarías 14:12

Chay suyukunarí, mayqenkunachus Jerusalenpa contranta maqanakorqanku, chaykunata Tata Dios jasut'enqa millay onqoywan. Kawsashajtillankuraj, aychanku laq'akonqa, ñawinkupis ñawi t'oqollankupi ismuykaponqa, qallunkupis siminku ukhullapi q'etayaykaponqa.

Deuteronomio 32:15

Chaywanpis Israelqa manchayta qhapajyarqa, ruwajnin Diosmantataj qonqaporqa. Llosq'olla kanankukama wirayarqanku. Ruwajninku Diostataj qonqaporqanku, jark'akoj, qhespichejninkutataj pisipaj qhawarqanku.