Jeremías 50:10 - DIOSPA QHELQACHISQ

¹⁰ Chaypacha paykunaqa caldeokunaj tukuy kapuyninkuta apakaponqanku manaña atinankukama. Noqa Tata Diosmin chayta nini.

Qheshwa Biblia DC

¹⁰ Caldeosta ch'uskiranqanku manaña atinankukama. Noqa Señor chayta nini.

DIOSPA QHELQACHISQAN DEUTEROCANONICAL

¹⁰ Chaypacha paykunaqa caldeokunaj tukuy kapuyninkuta apakaponqanku manaña atinankukama. Noqa Tata Diosmin chayta nini.

Jeremías 50:10 ပူးပေါင်းရင်းမြစ်များ

Isaías 33:23

Chay awqaj barconkunaj watananqa llawqheyanqanku. Jatun kaj k'aspintaj mana sumajtachu sayanqa, barcota wayrawan purichinan carpapis llawch'iyallanqataj. Chantá Diospa ayllonqa awqankumanta qhechusqa qhapaj kaynintapis rak'inakonqanku. Cojokunapis maqanakuspa qhechusqankuta jap'illanqankupuni.

Isaías 33:4

Imaynatachus phinki phinkikuna phuyu jina aywirimuspa, tukuy chajrata tukuykunku, ajinata asiriokunaj awqanku tukuy kapuyninkuta qhechonqa.

Isaías 45:3

Pakasqa valorniyoj imakunata noqa qosqayki, valorniyoj pakasqa kashan, chayta. Ajinamanta yachanki Israelpa Tata Diosnin noqa kasqayta, jinallataj sutiykimanta wajyasoj kasqaytawan.

Jeremías 25:12

Qanchis chunka wata junt'akojtin, Babiloniata kuraj kamachejta millay ruwasqanmanta jasut'isaj, jinallataj caldeokunatapis. Chay suyukunata wiñaypaj ch'inyachisaj. Noqa Tata Diosmin chayta nini.

Jeremías 27:7

Tukuy suyukuna Nabucodonosorpa, churinpa, chantá allchhinpa kamachiyninpi ima kanqanku. Chay kanqa kikin Babilonia suyu atipasqa kanan p'unchay chayamunankama. Chaypacha waj jatuchaj suyukuna, jinataj atiyniyoj kuraj kamachejkuna payta atipanqanku.

Jeremías 50:26

Chayrayku tukuynejmanta Babiloniaj contranpi maqanakoj jamuychej. Pirwankuta kichariychej. Tukuy wasinkuta, llajtaj perqantataj raqayman tukuchiychej. Amataj pitapis kawsashajta saqeychejchu.

Jeremías 50:37

Caballonkukuna wañuchunku, carretankunapis phirisqa kachunku. Mink'asqa soldadonkukunapis warmi jina pisi kallpaman tukuchunku. Babiloniajta qhapaj kayninta qhechuspataj, apakapuchunku.

Jeremías 51:24

Tata Dios nillantaj: Kunantajrí noqa rikunaykichejta Babiloniata, caldeokunatapis imatachus ruwasqankuman jina kutichisaj, Sión llajtata mana ima allinta ruwasqankurayku, nispa.

Jeremías 51:35

Noqaykuta ñak'arichiwasqaykoqa Babiloniaj patanman urmachun, nispa Sionpi tiyakojkuna nenqanku. Caldeokunaj patankuman yawarniyku jich'akuchun, nispa Jerusalenpi tiyakojkuna ninku.

Ezequiel 11:24

Chaymanta Diospa Espíritun oqhariwaspa, Babiloniaman kutirichiwarqa, maypichus Israelmanta apasqa kajkuna tiyakusharqayku, chayman. Chantá mosqoypi jina rikusqayqa chinkaporqa.

Habacuc 2:8

Contraykipi waj suyukuna tantaykukuspa, tukuy kapuyniykita qhechusonqanku, imaynatachus qanpis paykunamanta qhechorqanki, jinata. Chaypacha may chhika runakunata wañurachisqaykimanta pagachisonqanku, kallpaykiman atinikuspa kay suyupi, chantá llajtakunapi tiyakojkunawan imatachus ruwasqaykimanta.

Apocalipsis 17:16

Puka sierpe, jinallataj chunka wajrankuna ima phisu warmita chejnenqanku. Chayrayku tukuy imanta qhechuspa, q'alallata saqerpayanqanku. Chantá aychanta mikhonqanku, puchojtataj ninaman choqaykuspa, ruphaykuchenqanku.