Jeremías 5:8 - DIOSPA QHELQACHISQ

⁸ Sebasqa qachilu caballokuna jina phawanku runa masinkoj warminpa qhepanta.

Qheshwa Biblia DC

⁸ Chay qachilo caballos jina sink'urispa rinku, runa masinkoj warmimpa qhepanta.

DIOSPA QHELQACHISQAN DEUTEROCANONICAL

⁸ Sebasqa qachilu caballokuna jina phawanku runa masinkoj warminpa qhepanta.

Jeremías 5:8 ပူးပေါင်းရင်းမြစ်များ

Génesis 39:9

Kay wasipi mana pipis noqamanta aswan atiyniyoj kanchu, patronniytaj tukuy imata makiyman saqewan. Qanllata mana saqewanchu, imajtinchus qanqa warmin kanki. Ajinaqa, imaynatataj chay jina millayta ruwaspa, Diospa contranpi juchalliymanri? nispa.

Job 31:9

Sichus wajpa warminwan sonqoyta suwachikorqani chayqa, chayrí qayllaypi tiyakojpa warmintachus wateqarqani chayqa,

Éxodo 20:14

Ama warmiykita nitaj qosaykita wasanchankichu.

Éxodo 20:17

Ama runa masiykej wasinta, ni warminta, ni qhari kamachinta, ni warmi kamachinta munapayankichu, jinallataj ni wakanta, ni burronta, nitaj ni iman kajtapis munapayankichu, nispa.

Proverbios 6:29

Wajpa warminwan puñuykojpajpis ajinallataj kanqa. Mana juchachasqa kanamanta ayqenqachu.

Jeremías 13:27

Khuchichakuypi purisqaykita rikuni, q'oñiriyniyki jap'isojtin, mana p'enqakuspa, phisu warmi jina purisqaykita. Orqokunapi, jinallataj pampapipis wasanchasqaykita rikullanitaj. Ay, Jerusalén, qanmanta imachus kanqa. Mayk'ajkamataj chay jina ch'ichipaj qhawasqa kallankipuniri? nispa.

Jeremías 23:10

Kay suyoqa khuchichakuspa millayta ruwanawan junt'a kashan. Kawsayninkoqa millay puriylla, atiyninkutataj mana allin ruwanapaj apaykachanku. Chayrayku Tata Dios kay jallp'ata maldicerqa. Jallp'aqa ch'akiporqa, ch'innejpi kaj pastopis ch'akipullarqataj, nispa.

Jeremías 29:23

Paykunaqa millay mana ruwanata Israelpi ruwarqanku. Runa masinkoj warminwan khuchichakorqanku, sutiypitaj llullakuspa parlarqanku, mana noqa kamachisqallayta. Chayta noqa yachani, rikunitaj. Noqa Tata Diosmin chayta nini.

Jeremías 50:11

Qankuna caldeokuna, aylluymanta suwaspa kusikorqankichej, asirikorqankichejtaj. Qankunaqa, imaynatachus vakilla pasto patapi sink'urin, ajinata sink'urerqankichej, caballo jinataj qhaparerqankichej.

Jeremías 9:2

2 (1) Imaynapichus ch'innejpi uj ch'ujllallapis noqajta tiyapuwanman, llajtaymanta karunchakunaypaj, imaraykuchus tukuyninku khuchichakojkuna, puraj uyataj kanku.

Ezequiel 22:11

Wakinkunataj runa masinkoj warminwan khuchichakunku, chayrí ñojch'anwan, manachayrí tatanpa ususinta alqochanku.

Deuteronomio 5:18

Ama casarasqaykita wajwan wasanchaspa, khuchichakunkichu.

Deuteronomio 5:21

Ama runa masiykej warminta munapayankichu. Nillataj wasinta, ni jallp'anta, ni qhari kamachinta, ni warmi kamachinta, ni wakanta, ni burronta, nitaj iman kajtapis munapayankichu, nispa.