Jeremías 5:6 - DIOSPA QHELQACHISQ

⁶ Chayraykumin montemanta leonkuna llojsimuspa, paykunata wañurachenqanku. Ch'innejmanta onzakuna, k'ita alqokunapis paykunata t'isaranqanku, tigrekunapis llajtakuna qayllapi suyaykonqanku. Llajtankumanta runakuna llojsejtinkutaj, paykunata t'isarallanqankutaj, imaraykuchus ashkha kutita Diospa contranta oqharikorqanku, ashkha kutitataj payta wasancharqanku.

Qheshwa Biblia DC

⁶ Chayraykumin montemanta leones llojsimuspa wañurachenqanku, chay ch'in pampamanta atojkunataj t'isaranqanku, onzaspis llajtasninku qayllapi qhatiykachanqanku. Llajtasninkumanta llojsejtinkutaj paykunata t'isaranqanku, imaraykuchus ashkha kutista juchallerqanku, ashkha kutistataj wasanchararqanku.

DIOSPA QHELQACHISQAN DEUTEROCANONICAL

⁶ Chayraykumin montemanta leonkuna llojsimuspa, paykunata wañurachenqanku. Ch'innejmanta onzakuna, k'ita alqokunapis paykunata t'isaranqanku, tigrekunapis llajtakuna qayllapi suyaykonqanku. Llajtankumanta runakuna llojsejtinkutaj, paykunata t'isarallanqankutaj, imaraykuchus ashkha kutita Diospa contranta oqharikorqanku, ashkha kutitataj payta wasancharqanku.

Jeremías 5:6 ပူးပေါင်းရင်းမြစ်များ

2 Crónicas 36:14

Jinallatataj tukuy runa, sacerdotekunaj kurajninkukunapis astawan juchata yapaykukorqanku, chay waj suyukunaj millay jucha ruwasqankuta ruwaspa. Jinallataj Jerusalenpi Tata Diospaj t'aqasqan Templontapis qhenchacharqanku, mayqentachus Tata Dios ajllakusqa sutin yupaychasqa kananpaj, chay Templota.

Esdras 10:10

Chaypachataj sacerdote Esdrasqa sayarikuspa, nerqa: Qankunaqa Diosta wasanchaspa, waj llajtayoj warmikunawan casaraykorqankichej, ajinamanta Israel suyoj juchanman yapaykuspa.

Esdras 9:6

Diosníy, Diosníy. May p'enqasqa kashani, uma muyusqa jinataj. Mana yachanichu imaynatachus qanman qayllaykamusuyta. Pantasqaykoqa may jatunpuni, juchaykutaj janaj pachakama chayan.

Job 10:16

Sichus umayta oqharini chayqa, qanqa león jina qhatiykachawanki, chinkachinawaykiraykutaj t'ukunata ruwanki.

Salmos 104:20

Qanqa laqhata churanki tuta kananpaj, chay laqhapitaj k'ita animalkuna purinku.

Salmos 80:13

13 (14) Monte khuchikunaqa uva huertata chaqoykunku, k'ita animalkunataj q'arallata ruwanku.

Isaías 1:23

Kamachisojkunaqa contraypi oqharikunku, suwajkunaj kawsaqenkutaj kanku. Tukuyninku qolqewan lluk'ichikunku, jinallataj t'inkata qochikuyta mask'anku. Wajcha wawapaj mana justiciata ruwankuchu, nitaj warmisapaj qhaparikusqantapis uyarinkuchu.

Isaías 59:12

Juchanchejqa Tata Diospa ñawpaqenpi manchay ashkha, juchallanchejtaj mana allin kasqanchejmantata ch'ataykuwanchej. Mana allin kajta ruwasqanchejqa qhatiykachawanchej, yachanchejtaj juchayojpuni kasqanchejta.

Jeremías 14:7

Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

Jeremías 2:15

Imaraykutaj waj runakuna leonkuna jina sinch'ita qhaparispa, israelitakunaman phinkiykunkuri? Jallp'ankuta ch'inpachata saqerparinku. Llajtankutapis ninawan ruphaykuchispa, mana runayojta saqerparinku.

Jeremías 2:17

Chay tukuy ima qanta qhatirisorqa, noqa Tata Diosniykita saqerparisqaykirayku, qanta cheqan ñanta pusashasojtiy.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Jeremías 2:31

Qankuna israelitakuna, noqa Tata Diospa nisqayta allinta uyariychej: Israel, noqa qanpaj sansarej ch'in q'ara pampa jinachu karqaniri? Chayrí, manchachikuna jallp'a jinachu karqani? Ayllúy, imajtintaj ninkichej: Munasqaykuman jina kawsakusqayku, ni jayk'aj qanman kutimusqaykuñachu, nispari?

Jeremías 25:38

Imaynatachus uj león jusk'unmanta llojsin, ajinata llojserqa. Llajtankoqa raqayllamanña tukuchisqa kanqa, imaraykuchus Tata Dios sinch'ita phiñakuspa, sinch'i maqanakuta paykunaman kachaykonqa, nispa.

Jeremías 30:14

Tukuy waynaykikuna qankunamanta qonqapusonqanku, manañataj pipis qankunamanta yuyarikonqankuchu. Noqa qankunata k'irerqaykichej awqaykichejpis kayman jina. May chhika millay ruwasqaykichejmanta manchay sinch'ita jasut'erqaykichej, mana yupay atina juchaykichejmanta ima.

Jeremías 30:15

Imaraykutaj k'irisqa kasqaykichejmanta qhaparqachankichejri? Chay nanayniykichejqa mana jampiy atina. Ashkha millay ruwasqaykichejmanta, mana yupay atina juchaykichejmanta ima ajinata ñak'arichiykichej.

Jeremías 30:24

Tata Diospa k'araj phiñakuynenqa mana thasnukonqachu imatachus pay munasqanta junt'anankama. Qankunataj qhepanejman chaymanta sut'ita yachankichej.

Jeremías 4:7

Leonqa jusk'umanta llojsimunña. Suyukunata chinkarachejqa puririmunña, tukuy llajtaykita ch'inyachinanpaj, raqaykunallataña saqenanpaj ima.

Jeremías 49:19

Mana yuyasqaykichej p'unchaypi noqaqa jamusaj, imaynatachus Jordán mayu kantupi ch'umimanta león imata jina llojsimun sumaj wira uywakunata jap'inanpaj, ajinata. Edommanta kajkunatataj chaymanta ayqechisaj. Chantá pitachus noqa ajllasaj, chayta kamachinanpaj churasaj. Pitaj noqa jina kanmanri? Pitaj noqaman sayaykuwayta atinmanri? Mayqen michejtaj ñawpaqeyman churanakoj jamuwanmanri?

Jeremías 8:5

Chantá qan Israel, imaraykutaj wasanchawarqankiri? Jerusalén, imaraykutaj noqaman mana kutirimuyta munankichuri? Imaraykutaj kasuyta mana munankichuri?

Jeremías 8:7

Patata phawaj pariwanakuna mayk'ajchus kutimpunankuta yachanku. Urpikuna, para p'isqokuna, chakisapa yaku pilikuna ima mayk'ajchus wajnejman rinankuta yachanku. Noqaj aylluyrí, kamachisqayta mana yachankuchu.

Lamentaciones 1:5

Awqankunaqa mayta qhapajyarinku, paykunaj makinkupitaj kashan. Jerusalentaqa Tata Diospuni chay jinata llakichin, may chhikata juchallikusqanrayku. Wawankukunapis waj suyukunaman chayarqanku awqankoj apasqanrayku.

Ezequiel 16:25

Llajtaman yaykuna sapa ñanllapi lantikunapaj uj cheqata ruwakorqanki. Ajinamanta k'acha kayniykita millayman tukucherqanki. Tukuy chaynejta pasajkunaman ukhuykita jaywarqanki, sapa kutitaj khuchichakorqanki.

Ezequiel 22:27

Kay llajtapi kurajkunaqa atojkuna jina jap'isqankuta mithanku, runakunatataj wañuchinku kapuyninkuta suwaspa qhapajyanankupaj.

Ezequiel 23:19

Chaywanpis pay astawan, astawan khuchichakullarqapuni, Egipto suyupi sipasllaraj kashaspa, phisu kawsaypi purisqanta yuyarikuspa.

Daniel (hebreo) 7:4

Ñawpaj kaj leonman rijch'akusqa chaypis, anka lijrayoj kasqa. Qhawashajtillay, lijrankunata sik'iraspa, pampapi runata jina iskay chakimanta sayarichisqanku. Chaymantataj runaj yuyayninta payman qollasqankutaj.

Daniel (hebreo) 7:6

Kinsa kaj animalqa ch'ejchi leonman rijch'akusqa, wasanpitaj tawa lijrayoj kasqa. Chantapis tawa umayojllataj kasqa, paymantaj runakunata kamachinapaj atiyta qosqanku.

Oseas 5:14

Imaynatachus león uywata jap'inanpaj phawaykun, ajinata noqapis Efrainta, Judatawan ruwasaj. Noqapuni chhikan chhikanta t'isarpariytawan, ripusaj. Noqa jap'ejtiytaj, mana pipis qhechuwayta atenqachu.

Habacuc 1:8

Caballonkoqa tigremantapis astawan sinch'ita t'ijurin, ch'innejpi k'ita alqokuna jinataj manchachikunapaj kanku. Caballopi soldadonkukunapis wayra jina phawarispa, karumantapacha maqanakoj chayarparimunku, imaynatachus anka mikhunanta jap'ej phawaykun, jinata.

Sofonías 3:3

Kamachejninkukunaqa león jina qhaparirinku. Juezninkukunapis phiña k'ita alqo jina kanku, mayqenchus q'ayantinpaj ni uj tullullatapis puchuchinkuchu, ajina.

Números 32:14

Kunanqa qankunañataj Tata Diosta israelitakunaj contranta phiñachiyta munaspa, juchasapa tataykichej jina ruwayta munashankichej.

Apocalipsis 13:2

Chay waj sierpe rikusqayqa ch'ejchi leonman rijch'akorqa, chakenqa jukumarejta jina karqa, simintaj leonpa simin jina. Chantá puka sierpe atiyninta, kamachina tiyanata, chantá kamachinanpaj atiyniyoj kayta ima chay waj sierpeman qorqa.