Jeremías 5:31 - DIOSPA QHELQACHISQ

³¹ Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Qheshwa Biblia DC

³¹ Chay profetaspa sut'inchasqasninkoqa llullas kanku, sacerdotekunapis munasqankuman jinalla kamachinku. Aylloyqa ajinatapis munallan! Chaywampis, imanankichejtaj chay tukukuy p'unchay chayamojtinri?

DIOSPA QHELQACHISQAN DEUTEROCANONICAL

³¹ Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Jeremías 5:31 ပူးပေါင်းရင်းမြစ်များ

1 Reyes 22:6

Chantá Israelpa kuraj kamachejnenqa Diosmanta sut'inchajkunata tawa pachajta jina tantaykorqa, chantá paykunata taporqa: Galaadmanta Ramotpa contranpi maqanakoj risajchu, amachu? nispa. Paykunataj nerqanku: Rillay, imaraykuchus Tata Diosqa chay llajtata jap'inaykipaj yanapasonqa, nispa.

Proverbios 17:4

Millayta ruwajwan, llulla runawanqa millay parlajkunata kasunku.

Isaías 10:3

Imanankichejtaj jasut'ina p'unchaypiri? Piwantaj yanapachikunkichej karumanta jasut'iy jamusojtiykichejri? Maymantaj chay jina qhapaj kapuyniykichejta pakankichejri?

Isaías 20:6

Chaypacha mama qocha kantupi tiyakojkuna nenqanku: Qhawariychej atinikusqanchej suyu imapichus rikhurisqanta. Ima mana allin kajtinpis, payman qayllakoj kanchej, Asiriata kuraj kamachejmanta jark'akunawanchejpaj. Kunanrí imaynallatataj ayqekusunri? nispa.

Isaías 33:14

Juchasapakuna Sionpi mayta kharkatitinku, puraj uyakunatapis t'ukuylla jap'in. Noqanchejmanta pitaj kay q'olaj nina ukhupi kawsanmanri? Pitaj wiñaypaj nina lawraywan khuska tiyakunmanri?

Isaías 43:27

Ñawpa tatayki contraypi juchallerqa, yachachejniykikunapis contraypi oqharikorqanku.

Isaías 47:7

Qan nerqanki: Noqaqa qoya jina wiñaypaj kamachillasajpuni, nispa. Chaywanpis qanqa kay imakunamanta mana yuyarqankichu, manataj unancharqankichu imapichus tukukunaykita.

Jeremías 12:4

Mayk'ajkamataj jallp'a ch'akillapuni kanqari? Mayk'ajkamataj campopi qhorapis qawisqa kanqari? Uywakuna, p'isqokunapis wañurapushanku, kay suyupi tiyakojkunaj millay ruwasqanrayku. Paykunaqa imatachus ruwasqankuta qan mana rikusqaykita ninku, nispa.

Jeremías 14:14

Chantá Tata Dios ujtawan niwarqa: Paykunaqa llullakuspa sutiypi sut'inchashanku. Mana noqaqa chay sut'inchajkunata kachamunichu, nitaj kamachinichu. Paykunawanqa mana parlallanipischu. Imatachus sut'inchasqankoqa llulla, mosqoypi jina rikusqankutaj qhasi manakajlla. Paykunaqa sonqonkupi musphaspa, yuyasqankuman jinalla parlanku.

Jeremías 26:7

Chantá sacerdotekuna, Diosmanta sut'inchajkuna, tukuy llajtapi kaj runakuna ima Tata Diospa Templonpi Jeremiaspa nisqanta uyarerqanku.

Lamentaciones 1:9

P'achanqa millay ch'ichi kashan, manataj yuyarqachu imapichus rikhurinanta. Chayrayku payqa t'ukunata urmarqa, manataj pipis sonqochaykurej kanchu. Qhawariy ari, Tata Dios, llakiyniyta, awqaypis manchayta runaykachasqankuta.

Lamentaciones 2:14

Diosmanta sut'inchajkunaqa qhasi manakaj imakunata willasunku. Mana juchaykitapis rikuchisorqankuchu, chaynejta ama karu llajtaman apasqa kanaykipaj. Manachayqa llullallata willasunku, qhasi manakaj imakunata creechispa.

Lamentaciones 4:13

Chay jina jasut'i Diosmanta sut'inchajkuna juchallikusqankurayku karqa, sacerdotekuna millay juchata ruwasqankurayku ima. Paykunaqa chay llajtapi mana juchayoj runakunata wañucherqanku.

Lamentaciones 4:18

Purisqaykupis qhawasqalla karqa. Chaynejta jawamanpis mana llojsiyta aterqaykuchu. Wañoyqa patallaykupiña karqa. Chay phani chayamunña, tukukunayku p'unchayqa kayllapiña kashan.

Ezequiel 13:10

Tata Dios nillarqataj: Ajina kanqa, imaraykuchus paykuna aylluyta q'otiyaspa, nerqanku: Tukuy imapis allillan, nispa. Chaywanpis mana jinachu. Paykunaqa, pikunachus rumiwan ruwasqa perqata yesollawan llut'aykunku, chaykunaman rijch'akunku.

Ezequiel 13:6

Mosqoypi jina rikusqankoqa qhasi manakajlla, sut'inchasqankutaj llullalla. Tata Diosmanta sut'inchasqankuta ninku, noqatajrí paykunata mana kachamorqanichu. Chaywanpis imatachus sut'inchasqanku junt'akunanta suyanku.

Ezequiel 22:14

Maypachachus noqa contraykita jatarisaj chaypacha, churanakunawaykipaj kallpayki kanmanchu? Makiykipis kallpayojllapunichu kanqa? Noqa Tata Diosmin chayta nini, imatachus nisqaytataj junt'asajpuni.

Oseas 4:9

Noqatajrí aylluyta, jinataj sacerdoteykunatapis chay ruwasqankuman jina jasut'isaj.

Oseas 6:10

Noqatajrí Israel suyupi millay ruwasqankuta rikuni. Efrainqa ujwantaj ujwantaj khuchichakorqa, Israelpis chayllawantaj ch'ichichakorqa.

Oseas 9:5

Jatun raymi p'unchaypi, Tata Diospaj raymipi imatataj ruwankichejri?

Miqueas 2:11

Sichus pi ch'awkiyaspa, llullakuspataj nisunkichej: Tata Diosqa vinotawan, licortawan qosonqachej nispa, chayqa, chay runamari qankunapaj sumaj sut'inchaj kanman.

Miqueas 2:6

Chayta nejta uyariwajkuna kutichiwanku: Amapuni chay jinata sut'inchaychu, imaraykuchus mana ni ima llakiypis chayamuwasunchu, nispa.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

Sofonías 3:4

Diosmanta sut'inchajninkukunaqa jaramalla kanku, mana atinikunapaj jina. Sacerdotenkunapis Diospaj t'aqasqa imakunata pisipaj qhawanku, Tata Diospa kamachisqantataj p'akinku.

Deuteronomio 32:20

Nerqataj: Paykunata wasanchasaj, yachasajtaj imapichus tukukunankuta. Cheqamanta paykunaqa millayta ruwaspa purejkuna kanku, puraj uya wawakunataj kanku.

Deuteronomio 32:29

Sichus paykuna yuyayniyoj kankuman chayqa, reparakunkuman imapichus tukukunankuta.