Jeremías 5:3 - DIOSPA QHELQACHISQ

³ Noqataj kuticherqani: Tata Dios, qan cheqanta ruwaj runata mask'ashanki. Qanqa paykunata jasut'erqanki, jinapis paykunata mana nanaykorqachu. Paykunata t'unaykorqanki, manataj cheqan ñanman kutiriyta munarqankuchu. Ancha k'ullu kanku, rumimantapis aswan chuki, manapunitaj allin ñanman kutirikuyta munarqankuchu.

Qheshwa Biblia DC

³ Señor, qanqa cheqan runasta mask'ashanki. Jasut'erqanki, manataj nanachikorqankuchu; t'unaykorqankipis, manataj yachayta munarqankuchu. Ancha k'ullukojkunas kanku, rumismanta aswan sinch'istaj, manapuni allin ñanman kutirimuyta munarqankuchu.

DIOSPA QHELQACHISQAN DEUTEROCANONICAL

³ Noqataj kuticherqani: Tata Dios, qan cheqanta ruwaj runata mask'ashanki. Qanqa paykunata jasut'erqanki, jinapis paykunata mana nanaykorqachu. Paykunata t'unaykorqanki, manataj cheqan ñanman kutiriyta munarqankuchu. Ancha k'ullu kanku, rumimantapis aswan chuki, manapunitaj allin ñanman kutirikuyta munarqankuchu.

Jeremías 5:3 ပူးပေါင်းရင်းမြစ်များ

Génesis 19:34

Q'ayantintaj kuraj kajqa sullk'anta nerqa: Ch'isi tatanchejwan puñuykorqani. Kunan ch'isitawan tatanchejta machaykuchinallataj, chantá qanñataj paywan puñuykunki, ajinamanta iskayninchej wawayoj kananchejpaj, nispa.

1 Reyes 13:33

Chay tukuywanpis Jeroboanqa mana allin ruwanata mana saqerqachu. Astawanpis watejmanta mana levitakunallamanta sacerdotekunata churallarqataj. Chay loma pata altarkunapaj, pitachus munasqallanta sacerdote kanankupaj churarqa.

2 Reyes 1:13

Chaymanta kuraj kamachej ujtawan phishqa chunka soldadokunata, capitannintawan ima kachallarqataj. Kaytawanqa kinsa kutitaña kacharqa. Chay capitanrí Eliaspaman chayaspa, qonqoriykukuytawan mañakorqa: Diosmanta sut'inchaj, mañakuyki, noqata chantá kay phishqa chunka soldadoykunatawan ima ama wañuchinawaykuta.

2 Crónicas 16:9

Tata Diosqa tukuy kay pachata qhawamushan, tukuy sonqo payllapi atinikunku, chaykunata kallpachananpaj. Ben Adadwan trato ruwaspa wampu runa jina ruwanki. Chayrayku kunanmanta ñawpajmanqa maqanaku kallanqapuni, nispa.

2 Crónicas 28:22

Chay jina llakiywan ñit'isqa kashaspapis, Ajazqa Tata Diosta wasancharqa, contranpitaj juchallillarqapuni.

Salmos 51:6

6 (8) Cheqatapuni qanqa cheqan sonqoyoj runata munakunki, sonqoypitaj yachayniyoj kayta yachachiwarqanki.

Salmos 51:8

8 (10) Tata Dios, jatun kusikuywan junt'achiway. Mayta ñak'arichiwarqanki chaypis, kunan watej kusichiway.

Salmos 55:20

20 (21) Kawsaqenkoj contranta makinkuta oqharinku. Allillanta kawsakusun, nispa nisqankuta mana junt'ankuchu.

Proverbios 21:29

Millayta ruwaj runaqa imatapis allinta ruwanman jina purin. Cheqanta ruwaj runarí imatapis ruwananpaj ñawpajta allintaraj unancharin.

Proverbios 22:12

Tata Diosqa yachayniyoj runata sumajta waqaychan, llullakuspa parlajtarí p'enqaypi rikhurichin.

Proverbios 23:35

Chantá ninki: Wajtawanku, nitaj nanachiwankuchu. Jasut'iwanku, nitaj yuyakunichu. Yuyayniyman kutiriytawanpis, vinota astawan mask'amusaj, nispa.

Proverbios 27:22

Wampu runamantaqa wampu kayninta mana orqhosunmanchu, maranpi kutin kutinta trigota jina kutashaspapis.

Isaías 26:11

Tata Dios, qanqa ñapis paykunata jasut'inaykipajña kashanki, paykunatajrí mana reparakunkuchu. Chay aylluykipaj munakuyniykita rikuspa, millayta ruwajkuna p'enqaypi rikhurichunku, k'araj phiñakuyniykej lawraynintaj awqaykikunata tukuchichun.

Isaías 42:25

Chayrayku, paykunaj patankuman Tata Dios k'araj phiñakuyninta jich'amorqa, maqanakupitaj tukuracherqa. Tukuyninkutataj ninawan jap'iykucherqa. Chaywanpis paykuna mana unancharqankuchu, chay jinata ruphachishajtinpis, mana kasorqankuchu.

Isaías 48:4

Chay ajina karqa k'ullu kasqaykichejta yachasqayrayku. Kunkaykichejqa fierro jina mana kuyurej, umaykichejpis bronce jina sinch'illataj.

Isaías 9:13

13 (12) Israelitakunarí chay jina jasut'isqa kashaspapis, Diosman manapuni kutirikorqankuchu, nillataj Tukuy Atiyniyoj Tata Diosta mask'arqankuchu.

Jeremías 15:7

Noqa llajtakunaj punkunpi qanta jorkawan jina wayrachispa wijch'usqayki. Mana wawayojta, phirisqatataj saqesqayki, imaraykuchus millay ruwasqaykita mana saqeyta munarqankichu.

Jeremías 17:23

Paykunatajrí mana uyariwarqankuchu, manachayqa k'ullukuspa, mana kasuwayta munarqankuchu, nitaj jasut'isqankuwan wanarqankuchu, nispa.

Jeremías 19:15

Israelpa Diosnin Tukuy Atiyniyoj Tata Dios nin: Kay llajtaman, jinataj muyuyninpi kaj llajtakunamanwan, ima jasut'ichus jamunanta nerqani, chayta kachaykamusajpuni, imaraykuchus sonqoykichejta rumiyacherqankichej, nisqayta ama uyarinawaykichejpaj, nispa.

Jeremías 2:30

Qhasillata wawaykichejta jasut'erqani, ni chaywanpis wanarqankuchu. Qankuna kikiykichej phiña leonkuna jina noqamanta sut'inchajkunata wañucherqankichej.

Jeremías 3:3

Chayraykumin paraqa mana kanchu, qhepa kaj para, jinataj q'omer tiempo parapis. Qanqa mana p'enqarikunkichu, chayrayku phisu warmimantapis aswan millayraj kanki.

Jeremías 32:19

Imatachus wakichisqayki jinataj ruwasqayki manchayta t'ukunapaj jina. Qanqa tukuy runaj ruwasqankuta rikunki, ruwasqankuman jinataj qopunki.

Jeremías 35:13

Noqa Israelpa Tukuy Atiyniyoj Tata Diosnin kamachiyki, rispa Judapi, Jerusalenpiwan kaj runakunaman sutiypi nimunaykita: Recabitakunaj ruwasqankumanta yachaqakuspa, kamachisqayta kasuychej. Noqa Tata Diosmin chayta nini.

Jeremías 44:10

Kunankama qankunaqa mana k'umuykunkichejchu, nitaj noqata may jatun respetowan qhawawankichejchu. Nillataj nisqayta, kamachisqayta ima junt'ankichejchu, mayqenkunatachus qankunaman, jinataj ñawpa tataykichejkunamanpis qorqani, chaykunata.

Jeremías 7:26

Chaywanpis qankunaqa manapuni kasuwarqankichejchu, manachayqa ñawpa tataykichejkunamantapis astawanraj rumi sonqo karqankichej.

Jeremías 7:28

Chayrayku paykunaman niy: Qankunamin Diosniykichej Tata Diosta mana uyarej suyu kankichej, nitaj k'amisqanta kasunkichejchu. Cheqanta parlanaqa simiykichejpi manaña kanchu, nispa.

Jeremías 8:5

Chantá qan Israel, imaraykutaj wasanchawarqankiri? Jerusalén, imaraykutaj noqaman mana kutirimuyta munankichuri? Imaraykutaj kasuyta mana munankichuri?

Ezequiel 2:4

Noqaqa mana kasukoj rumi sonqo runakunaman kachashayki, qantaj kay jinata ninki: Tukuyta Kamachej Tata Dios ajinata nin, nispa.

Ezequiel 24:13

Jerusalén, khuchichakuspa purisqaykimanta llimphuchasuyta munarqani, qantajrí manapuni ch'ichiykimanta llimphuchakuyta munarqankichu. Kunantajrí manaraj llimphuchasqachu kanki noqa phiñakuyniyta qanpi thasnunaykama.

Daniel (hebreo) 9:13

Tukuy kay llakeyqa Moisespa kamachisqanpi qhelqasqa kasqanman jina qhatiriwayku. Noqaykurí, mana qanta mask'arqaykuchu, manataj sajra kawsayniykuta saqerqaykuchu, nillataj cheqan kajtapis qhaterqaykuchu.

Levítico 26:23

Chay tukuywanpis sichus manapuni kasuwaspa, noqaj contraypi sayaykuspallapuni kankichej chayqa,

Amós 4:10

Imaynatachus Egiptoman millay onqoykunata kachaykamorqani, ajinallatataj onqoykunata kachaykamorqaykichej. Saqerqani waynaykichejkuna maqanakupi wañuchisqa kanankuta, saqellarqanitaj awqaykichej caballoykichejkunata qhechusunaykichejta. Wañojniykichejpa asnasqankuta jaraykichejpi muskhicherqaykichej. Chaywanpis qankuna manapuni noqaman kutirikamuwarqankichejchu. Noqa Tata Diosmin chayta nini.

Amós 4:11

Sonqo nanayta phiriykorqaykichej, imaynatachus Sodomata, Gomorratawan ruwarqani, ajinata. Ninamanta orqhosqa nina k'aja jina karqankichej. Chaywanpis manapuni noqaman kutirikamuwarqankichejchu. Noqa Tata Diosmin chayta nini.

Amós 4:6

Noqaqa tukuy llajtaykichejkunapi yarqhaywan ñak'aricherqaykichej, tukuy juch'uy llajtakunapitaj mikhunamanta pisicherqaykichej. Chaywanpis qankuna mana noqaman kutirikamuwarqankichejchu. Noqa Tata Diosmin chayta nini.

Amós 4:8

Chantá runakuna llajtamanta llajta yakuta mask'aspa purerqanku, manataj ch'akiyninkuta thasnunankupaj tarerqankuchu. Chaywanpis qankuna manapuni noqaman kutirikamuwarqankichejchu. Noqa Tata Diosmin chayta nini.

Amós 4:9

Chantá ch'aki wayrawan jasut'erqaykichej, chajraykichejtapis khuruwan tukuykucherqani. Huertaykichejta ch'akicherqani, jinallataj uva sach'aykichejtapis. Phinki phinkikunawan higo sach'aykichejta, olivo sach'aykichejta ima tukuykucherqani. Qankunatajrí mana noqaman kutirikamuwarqankichejchu. Noqa Tata Diosmin chayta nini.

Sofonías 3:7

Jinapi noqa yuyarqani: Jerusalén llajtapi tiyakojkuna manchachikuwanqanku, k'amisqaytapis jap'ikonqanku. Jinamantataj mana paykunata jasut'isajchu, nitaj tiyakunanku wasikunata thuñirparichisajchu, nispa. Paykunatajrí usqhayllata tukuy imaymana millay ruwanaman qokorqanku.

Romanos 2:2

Aswanpis yachanchej Diospa juicionqa millayta ruwajkunaj contranpi cheqa kajman jina kananta.

Hebreos 12:9

Mana chayllachu, wawa kashajtinchej tata mamanchej cheqan ñanman churanawanchejpaj jasut'iwasqanchejrayku, noqanchej paykunata jatun respetowan qhawakoj kanchej. Jina chayqa, manachu astawanraj janaj pacha Tatanchejman k'umuykusunman wiñaypaj kawsananchejpaj?