Jeremías 5:24 - DIOSPA QHELQACHISQ

²⁴ Mana unancharerqankichejchu, nitaj nerqankichejchu: Diosninchej Tata Diosta kasunachej. Payqa maychus tiemponpi paratapis apachimuwanchej, ñawpaj parata, qhepa paratapis, poqoyta oqharinapajtaj tiempota wakichipuwanchej, nispa.

Qheshwa Biblia DC

²⁴ Mana unancharerqankichejchu, nitaj nerqankichejchu: Señor Diosninchejta manchachikunachej, payqa maychus tiempompi paratapis apachimuwanchej, ñaupaj parasta, qhepa parastapis. Cosechata oqharinapajtaj uj tiempota wakichipuwanchej.

DIOSPA QHELQACHISQAN DEUTEROCANONICAL

²⁴ Mana unancharerqankichejchu, nitaj nerqankichejchu: Diosninchej Tata Diosta kasunachej. Payqa maychus tiemponpi paratapis apachimuwanchej, ñawpaj parata, qhepa paratapis, poqoyta oqharinapajtaj tiempota wakichipuwanchej, nispa.

Jeremías 5:24 ပူးပေါင်းရင်းမြစ်များ

Génesis 8:22

Kay pacha kanankamaqa chajra tarpuna, chajra poqoyta oqharina kallanqapuni. Kallanqataj q'oñi mit'a, chiri mit'a, q'omer mit'a, ch'aki mit'a, chantá p'unchay, tutapis, nispa. Ajinata Tata Dios nerqa.

1 Reyes 17:1

Diosmanta sut'inchaj Eliasqa Galaad jap'iypi Tisbé llajtayoj karqa. Uj kuti payqa kuraj kamachej Ajabta nimorqa: Israelpa Tata Diosninpa sutinpi, pejpa kamachinpichus noqa kashani, chaypa sutinpi niyki: Mana kay jamoj watakunapi paramonqachu nitaj chhullamonqachu, noqa ujtawan ninaykama, nispa.

Job 29:23

Paykunaqa imatachus parlanayta imata jina suyaj kanku, imaynatachus q'oñi tiempopi parananta runakuna suyanku, ajinata.

Job 38:37

Pitaj chay jina yachayniyoj kanman phuyuta yupananpajri? Pitaj paramunanpaj phuyumanta yakuta jich'amunman,

Job 5:10

Diosqa parata kay jallp'a pataman parachimun, chaywantaj tukuy jallp'ata qarpan.

Salmos 147:8

Payqa janajta phuyuwan qhataykun, jinallataj jallp'apaj parata wakichin, orqokunapipis qhorata wiñachin.

Salmos 65:9

9 (10) Qanqa kay pachamanta qhawanki, parachimuspataj, may jinata chajrata poqochinki. Mayuykita ashkha yakuwan junt'achinki, chajra ashkhata poqonanpaj. Ajinata tarpunapaj jallp'ata wakichinki.

Isaías 64:7

Noqayku ukhupi mana pipis kanchu sutiykita oqharispa Diosninpaj rejsikapusojqa, nitaj pipis qanpi atinikoj kanchu. Chayrayku qan uyaykita noqaykumanta pakanki, jinataj millay ruwasqaykuman urmaykojta saqellanki.

Jeremías 10:13

Jatunmanta sinch'ita qhaparejtin, janajpi yakupis tantakunku. Phuyukunata kay pachaj k'uchumanta jatarichimun. Parachispa, lliuj lliujkunata k'ancharichimun. Wayratapis maypichus waqaycharqa, chaymanta orqhomun.

Jeremías 14:22

Lantikunamanta mayqenpis parachimunmanchu? Janajmanta paraqa payllamantachu paramun? Mana, Diosniyku Tata Dios, qanllamin parachimojqa kanki. Qanllamin kay tukuy imata ruwanki. Chayrayku qanllapi atinikuspa suyakuyku, nispa.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Jeremías 3:3

Chayraykumin paraqa mana kanchu, qhepa kaj para, jinataj q'omer tiempo parapis. Qanqa mana p'enqarikunkichu, chayrayku phisu warmimantapis aswan millayraj kanki.

Jeremías 5:22

Noqa Tata Diosmin kayta nini: Manachu qankuna manchachikuwankichej? Nillatajchu ñawpaqeypi kharkatitinkichej? Noqaqa mama qochaj kantunta jark'achata jina churarqani, chaymanta aswan jaqayman mama qocha mana wasaykunanpaj. Mama qochaj qhollchoqeyasqan astawan, astawan manchayta sonarispa oqharikun. Chaywanpis mana wasaykuyta atinchu.

Jeremías 50:5

Sión orqoman rina ñanmanta tapukonqanku, chaymantataj nenqanku: Jakuchej, Tata Dioswan wiñay mana jayk'aj qonqana tratota ruwasunchej, nispa.

Oseas 3:5

Chaymanta qhepamanrí israelitakuna kutimuspa, Tata Diosninkuta mask'anqanku, jinallataj kuraj kamachej Davidpa kamachiyninpi kawsanqanku. Qhepa p'unchaykunapitaj tukuy sonqo Tata Diosta may jatunpaj qhawaspa, t'ukurenqanku pay may k'acha kasqanrayku.

Oseas 6:1

Jamuychej, Tata Diosman kutirikunachej. Paymin mitharpariwarqanchej, jinapis payllataj jampikapuwasunchej. Pay k'iriwarqanchej chaypis, payllataj qhaliyachiwasun.

Joel 2:23

Sionpi tiyakojkuna, mayta kusikuychej. Kusikuychej Tata Diosniykichejpi. Paymin maychus tiemponpi parachimusonqachej. Paymin ñawpaj kaj parata, qhepa kaj paratapis parachimusonqachej, ñawpaj tiempopi jina.

Amós 4:7

Poqoyta oqharinapaj kinsa killaraj kashajtin, mana parachimorqanichu. Uj llajtaman parachimorqani, ujmantaj mana. Wakin chajrakunapaj paracherqani, wakintaj paramanta jina ch'akiporqanku.

Zacarías 10:1

Tata Diosmanta mañakuychej ñawpaj parata, lliuj lliujkunata ruwaj Tata Diostaj ashkhata parachimusonqachej. Campopipis tukuypaj qhorakunata wiñachipusonqachej.

San Mateo 5:45

Ajinamanta, janaj pachapi kashaj Tata Diosniykichejpa wawankuna kasqaykichejmanta yachayta qoshankichej. Payqa millayta ruwaj runakunapaj, k'acha runakunapajpis intinta llojsichimun. Jinallataj tukuypaj parachimun, cheqanta ruwajkunapaj, mana cheqanta ruwajkunapajpis.

Hechos 14:17

Chaywanpis pay sut'ita rejsichikorqa k'acha Dios kasqanta allin imakunata ruwaspa. Payqa parata apachimusunkichej, chajraykichejta tiemponpi poqochin, mikhuna patapitaj uywakusunkichej, sonqoykichejtataj kusiywan junt'achin, icharí?

Deuteronomio 28:12

Tata Diosqa qhapaj kayninta phaskaspa, janaj pachamanta maychus kananpi jallp'aykiman parachimonqa, tukuy ruwasqaykitataj saminchanqa. Qanqa waj suyukunaman manuyta atinki, qantajrí ni pimanta manukunkichu.

Santiago 5:7

Qankuna wawqe panaykunarí, Tukuyta Kamachej Jesús jamunankama pacienciakuychej. Qhawaychej: Chajrata poqochej runaqa pacienciawan suyan tarpusqanpa poqosqanta oqharinanpaj. Jinallataj ñawpaj parata, qhepa paratapis pacienciawan suyallantaj.

Apocalipsis 11:6

Jinallataj chay testigokuna mana parachimunankupaj atiyniyoj kanku, paykuna sut'inchayta tukunankukama. Paykuna atiyniyojllataj kanku yakuta yawarman tukuchinankupaj, kay pachapi kajkunatapis mashkha kutitachá munasqankuta tukuy imaymana onqoywan ñak'arichinankupaj ima.