Jeremías 5:2 - DIOSPA QHELQACHISQ

² Paykuna llullakuspa, tilunku: Tata Diospa sutinrayku tiluni, nispa, nitaj nisqankuta junt'ankuchu, nispa.

Qheshwa Biblia DC

² Señorpa kausayninrayku jurajkunapis, llullakuspa juranku.

DIOSPA QHELQACHISQAN DEUTEROCANONICAL

² Paykuna llullakuspa, tilunku: Tata Diospa sutinrayku tiluni, nispa, nitaj nisqankuta junt'ankuchu, nispa.

Jeremías 5:2 ပူးပေါင်းရင်းမြစ်များ

Isaías 48:1

Jacobpa ayllun, kayta uyariychej, qankunaqa Israel sutiwan sutichasqa kankichej. Qankuna Judajpa miraynin kankichej, Tata Diospa sutinpitaj tilunkichej. Jinallataj Israelpa Diosninmanta mañakunkichej. Chaywanpis, mana cheqanta ruwankichejchu, nitaj cheqan sonqowanchu mañakunkichej.

Jeremías 4:2

Chantá cheqan sonqowan cheqanta ruwaspa, jinallataj wajkunapaj allinta ruwaspa ima sutiypi tiluyta atinki. Ajinatachus ruwanki chayqa, tukuy suyukuna sutiynejta saminchasqa kanqanku, paykunataj yupaychawanqanku, nispa.

Jeremías 44:26

Chaywanpis Egiptopi tiyakoj Judamanta kajkuna, tukuyniykichej noqa Tata Diospa nisqayta uyariychej: Jatun sutiyrayku kayta tiluni: Judamanta Egiptopi tiyakojkuna manaña ujtawan sutiyta oqharenqankuchu, Diosninkupaj rejsikapuwaspa, nitaj tilonqankuchu: Tukuyta Kamachej Tata Diospa sutinrayku tiluni, nispaqa.

Jeremías 7:9

Chantá qankuna suwankichej, runatataj wañuchinkichej, khuchichakunkichej, qhasillata tilunkichej, Baal lantiman inciensota q'oshñichinkichej, mana rejsisqa lantikunatapis yupaychallankichejtaj.

Jeremías 9:2

2 (1) Imaynapichus ch'innejpi uj ch'ujllallapis noqajta tiyapuwanman, llajtaymanta karunchakunaypaj, imaraykuchus tukuyninku khuchichakojkuna, puraj uyataj kanku.

Oseas 10:4

Paykuna parlallanku, yanqhallata imatapis ninku, tiluspa trato ruwasqankutapis p'akillanku. Chayrayku paykunapaj Diospa justician surk'u chawpipi wiñaj jaya qhora jina kanqa.

Oseas 4:15

Israel, sichus qan phisu warmi jina wajkunaman jaywakunki chayqa, Judallapis ama kikillantataj juchallichunchu. Judá, ama Gilgalman riychejchu, nitaj Bet Avenmanpis wichariychejchu lantikunata yupaychaj. Amallataj Tata Diospa sutinpi tiluychejchu.

Levítico 19:12

Amamin sutiypi tiluspa llullakunkichejchu, imaraykuchus Diosniykichejpa sutinta pisipaj qhawawajchej. Noqamin Tata Dios kani.

Sofonías 1:5

Chantá pikunachus wasi patapi kaj patioman wicharispa ch'askakunata yupaychajkunata chinkachisaj. Jinallataj pikunachus ujllapi noqaj sutiypi, jinataj Milcón diosninkoj sutinpipis qonqorikuspa tilojkunatapis chinkachillasajtaj.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

1 Timoteo 1:10

Jinallataj Diospa kamachisqan churasqa karqa: Khuchichakuspa purejkunapaj, qharipura khuchichakojkunapaj, runata suwajkunapaj, llullakojkunapaj, Diospa sutinta qhasita oqharejkunapaj, jinallataj cheqan yachachiypa contranpi sayaykojkunapaj ima.

2 Timoteo 3:5

Chay runakunaqa Diosta munakusqankuta nenqanku, chantá may jatun respetowan payta qhawasqankuta ima. Chaywanpis Diospa atiyninta qhesachanqanku, mayqenchus paykunata Diosta kasukuyta yanapayta atinman, chayta. Chay jina runakunawanqa ama ni ima ruwanayki kachunchu.

Tito 1:16

Paykuna Diosta qhatikusqankuta ninku, ruwasqankuwantajrí mana jinachu kasqanmanta yachayta qonku. Chay jina runakunaqa millay kanku, mana kasukojkuna, nitaj ima allin kajtapis ruwanankupaj jinachu.