Jeremías 5:17 - DIOSPA QHELQACHISQ

¹⁷ Chay runakuna poqochisqaykita, mikhunaykitapis tukuykonqanku, jinallataj qhari wawaykikunata, warmi wawaykikunatapis wañuchenqanku. Chantá ovejaykikunata, wakaykikunatapis mikhuykakaponqanku. Uva huertaykita, higo sach'aykitapis llant'aykonqanku. Mayqenkunapichus atinikoj kanki, chay jatuchaj perqawan jark'achasqa llajtaykikunatapis phirenqanku, nispa.

Qheshwa Biblia DC

¹⁷ Poqochisqasniykita, t'antaykitapis mikhukaponqanku, chantapis qhari wawasniykita, warmi wawasniykitapis oqoykonqanku. Ovejasniykita, wakasniykitapis mikhullanqankutaj, uvas poqoykunasniykita, higos poqoykunasniykita ima. Chay armasninkuwan, chay atienekoj kanki chay ruwasqa llajtasniykita phirenqanku.

DIOSPA QHELQACHISQAN DEUTEROCANONICAL

¹⁷ Chay runakuna poqochisqaykita, mikhunaykitapis tukuykonqanku, jinallataj qhari wawaykikunata, warmi wawaykikunatapis wañuchenqanku. Chantá ovejaykikunata, wakaykikunatapis mikhuykakaponqanku. Uva huertaykita, higo sach'aykitapis llant'aykonqanku. Mayqenkunapichus atinikoj kanki, chay jatuchaj perqawan jark'achasqa llajtaykikunatapis phirenqanku, nispa.

Jeremías 5:17 ပူးပေါင်းရင်းမြစ်များ

Isaías 62:8

Tata Dios paña makinta oqharispa, tilorqa: Manaña jayk'ajpis awqaykikunaman trigoykita mikhunankupaj qosajchu, nitaj waj llajtayojkunapis vinota ruwasqaykimanta ujyanqankuchu, mayqentachus sinch'ita kallpakuspa ruwarqanki, chayta.

Isaías 62:9

Manachayqa qankuna pikunachá chay poqoyta oqharejkunalla mikhunkichej, Tata Diostataj yupaychankichej. Qankuna pallajkunapis uvata ch'irwaspa, vinota ujyankichej ajllakusqay Temploj pationpi, nispa.

Isaías 65:22

Wasikunata ruwakojtinku, mana wajkunachu chaypi tiyakaponqanku. Jinallataj uva huertata mallkikojtinku, mana wajkunachu poqosqanta mikhukaponqanku. Aylloyqa sach'a jina unayta kawsanqa. Jinamanta ajllakusqaypis makinkoj tarpusqanta mikhurikonqanku.

Jeremías 1:15

Noqa Tata Diospuni kayta nini: Wichaynejmanta tukuy suyuta wajyamusaj. Kuraj kamachejninkuna jamuspataj, Jerusalenman yaykuna punkunpi kamachinanku tiyanata churanqanku. Jinallataj jatuchaj perqankuna chaypi, chantá Judáj tukuynin llajtanpipis toldonkuta sayachenqanku.

Jeremías 25:37

Tata Diosqa k'arajta phiñakuspa, pastoyoj tukuy pampata chinkarqaricherqa.

Jeremías 4:26

Qhawarispa, sumaj poqoj jallp'akunapis ch'inman tukuchisqa kasqankuta rikorqani, tukuy llajtankunataj raqayllaña kasqankuta. Tata Diosmin k'araj phiñakuyninpi chay tukuyta ruwarqa.

Jeremías 4:7

Leonqa jusk'umanta llojsimunña. Suyukunata chinkarachejqa puririmunña, tukuy llajtaykita ch'inyachinanpaj, raqaykunallataña saqenanpaj ima.

Jeremías 5:18

Tata Dios nillantaj: Chaywanpis chaypacha mana chinkachisqatachu chinkachisqaykichej.

Jeremías 50:17

Israel aylloqa chinkasqa oveja jina, leonkunaj qhatiykachasqan. Ñawpajta Asiriata kuraj kamachejraj oqoykorqa. Chaymantataj Babiloniata kuraj kamachej Nabucodonosorñataj tullunta phiriykorqa.

Jeremías 50:7

Pikunachus paykunata tarejkunaqa oqoykorqanku, awqankutaj nerqanku: Noqaykoqa mana juchayojchu kayku, imaraykuchus paykuna Tata Diospa contranpi juchallikorqanku. Paypimin ñawpa tatankukuna atinikorqanku, jinataj paykunaj samarikunanku karqa, nispa.

Jeremías 8:13

Tata Dios nillantaj: Aylluytaqa trigota jina ruthusaj. Mana uvapis huertapi kanqachu, nitaj higopis sach'api puchonqachu. Manachayqa ch'aki laqhellaña qhepakonqa. Imatachus paykunaman qorqani, chayta qhechukapullasajpuni, nispa.

Jeremías 8:16

Awqakuna jamushankuña. Caballokunaj samaqesqankupis Danmantapachaña uyarikun. Caballokuna qhaparejtinku, tukuy jallp'a kharkatitin. Kay jallp'api tukuy ima kajta chinkarparichej jamushanku. Tukuy llajtata, chaypi tiyakojkunatawan ima chinkarparichenqanku, nispa.

Lamentaciones 2:12

Wawakunaqa mamankuman ninku: Maytaj t'antawan vinowanri? nispa. Llajta ñankunapi k'irisqapis kankuman jina wijch'ukunku, mamankoj arphinpitaj yarqhaywan wañurapunku.

Lamentaciones 2:2

Tata Dios mana khuyakuspa, tukuy imata pampata ruwan. Phiñakuyninwan Tata Diosqa Jacobpa tukuy wasinkunata thuñiran. Judá llajtaj jark'achasqa perqantapis tukuyninta pampachan. Kuraj kamachejta, kurajkunatawan maytapuni k'umuykuchin.

Ezequiel 36:4

Chayrayku Israelpa orqonkuna, Tukuyta Kamachej Tata Diospa nisqanta uyariychej. Tukuyta Kamachej Tata Dios kay jinata nin Israelpa lomankunaman, orqonkunaman, wayq'onkunaman, vallenkunaman, ch'in raqaykuna saqerasqa llajtankunaman ima. Qayllanpi kaj suyukuna israelitakunamanta chaykunata suwarqanku, paykunamantataj alqochakorqanku.

Oseas 2:12

12 (14) Uva sach'anta, higo sach'antapis chaqorachisaj, mayqenmantachus pay nirej: Kaykunataqa waynaykuna qowarqanku, nispa, chayta. Aswanpis chay tukuyta ch'umiman tukuchisaj, k'ita animalkuna mikhukapunankupaj.

Oseas 8:14

Israelqa kamachina wasikunata ruwarin, ruwajnin Diosmantatajrí qonqakapuwan. Judapis ashkha sumaj perqasqa llajtakunata oqharin. Noqatajrí, chay llajtakunaman ninata jap'iykuchisaj, tukuy jatuchaj wasinkuna ruphananpaj.

Joel 2:3

Chaykuna, imaynatachus nina tukuy ima tarisqanta ruphaykun, ajinata ruwanku. Manaraj chay p'unchay chayamushajtin, jallp'aqa Edén huerta jina karqa. Ripojtinkurí, ch'in q'ara pampaman tukun. Paykunaj makinkumantaqa mana imapis llusp'inchu.

Levítico 26:16

noqapis qankunawan kay jinata ruwasaj: Manchachikuspalla kawsayta kachaykamusqaykichej, wañuchej onqoyta, k'aja onqoyta, ñawi onqoyta, chantá llawch'iyay onqoytawan ima kachaykamullasqaykichejtaj. Qankunaqa qhasillata tarpunkichej, imaraykuchus poqochisqaykichejta awqaykichej mikhukaponqanku.

Sofonías 3:6

Tata Dios nin: Suyukunata phiriykuni. Jark'achasqa torrenkukuna pampachasqa kanku, callenkukunatataj ch'inpachata saqerparini. Chaypi mana uj runapis purinchu. Saqerasqa ch'usaj llajtankupi mana uj runallapis tiyakoj kanchu.

Malaquías 1:4

Esaúj mirayninmanta kajkuna ninkuman: Phirisqa karqanchej. Chaywanpis watej llajtanchejkunata sayachinallataj, nispa. Tukuy Atiyniyoj Tata Diosrí nenqa: Watej llajtankukunata sayarichinkuman chaypis, ujtawan phirillasajtaj. Chay edomitakunaj suyunkutaqa runakuna sutichanqanku: “Millayta ruwaj suyu”, chantá “Tata Diospa wiñaypaj chejnisqan runakuna”, nispa.

Deuteronomio 28:33

Jallp'aykipi poqochisqaykita, chantá llank'aspa imatachus tarisqaykitawan mana rejsisqayki runakuna mikhukaponqanku. Jinallataj sapa kuti sarusqa, chantá k'umuykachachisqa ima kanki.