Jeremías 5:13 - DIOSPA QHELQACHISQ

¹³ Jinallataj Diosmanta sut'inchajkuna qhasi manakaj, wayra jinalla kanku, paykunataj mana Tata Diospa sutinpichu parlanku. Imatachus nisqankoqa paykunaj patankuman urmachun, nispa.

Qheshwa Biblia DC

¹³ Profetasqa qhasi wayralla kanku, Señorpa palabranqa mana paykunapichu kashan. Arí, walejpacha, kayta niwan Tukuy Atiyniyoj Señor.

DIOSPA QHELQACHISQAN DEUTEROCANONICAL

¹³ Jinallataj Diosmanta sut'inchajkuna qhasi manakaj, wayra jinalla kanku, paykunataj mana Tata Diospa sutinpichu parlanku. Imatachus nisqankoqa paykunaj patankuman urmachun, nispa.

Jeremías 5:13 ပူးပေါင်းရင်းမြစ်များ

2 Crónicas 36:16

Jinapis paykunaqa Tata Diospa kachamusqan willarajninkunamanta asiykukorqanku, nisqankutataj qhesacharqanku. Diosmanta sut'inchajkunamanta ajinata alqochakuspa, Tata Diosta sinch'ita phiñacherqanku. Chayrayku Tata Diospa phiñakuynin chay runakunaj contranpi k'ajarerqa, jinataj manaña pipis imatapis ruwayta aterqachu Diospa sonqonta tiyaykuchinapaj.

Job 6:26

Qankunaqa parlasqaymanta rimankichej, parlasqaytaqa wayralla apakapun.

Job 8:2

Mayk'ajkamataj chay jinata parlankiri? Parlasqaykeqa sinch'i muyoj wayraman rijch'akun.

Proverbios 25:14

Pichus: Qosqayki, nishaspa mana imatapis qonchu, chay runaqa rijch'akun wayraj apasqan phuyuman, mayqenchus mana paranchu, chayman.

Isaías 41:29

Tukuyninku qhasi manakaj kanku, manataj imatapis ruwayta atinkuchu. Jich'aspa ruwasqaykichej lantikunaqa qhasi manakaj kanku.

Jeremías 14:13

Noqataj kuticherqani: Tukuyta Kamachej Tata Dios, sut'inchajkuna aylluykiman ninku: Mana maqanaku kanqachu, nitaj yarqhaypis kanqachu. Tata Diosqa unaypaj allin kawsakuyta kay cheqaman apachimuwasunchej, nispa.

Jeremías 14:15

Chayrayku noqa Tata Diosmin chay sut'inchajkunamanta nini, pikunachus mana noqaj kachasqallay sutiypi parlanku, chaykunamanta: Paykuna ninku: Mana maqanaku kanqachu, nitaj yarqhaypis, nispa. Chay jinata sut'inchajkunaqa maqanakupi wañuchisqa kanqanku, chayrí yarqhaywan wañonqanku.

Jeremías 18:18

Chantá runakuna nerqanku: Jeremiaspa contranpi wakichikuna. Mana jayk'ajpis sacerdotekuna yachachinawanchejpaj pisiwasunchu, nitaj yachayniyojkunapis umachanawanchejpaj, nillataj Diosmanta sut'inchajkunapis Diospa nisqanta willanawanchejpaj. Jeremiaspa contranta rimakunachej, amataj ni ima niwasqanchejta kasunachejchu, nispa.

Jeremías 22:22

Kunantajrí tukuy kurajniykikunata wayralla apakaponqa, qanman sayasqa kajkunataj waj suyuman apasqa kanqanku. Chantá qan p'enqaypi k'umuykachashaj rikhurinki, chay tukuy millayta ruwasqaykirayku.

Jeremías 28:3

Chantá iskay watamanta kuraj kamachej Nabucodonosorqa Diospa Templonmanta Babiloniaman apasqan imakunata kayman kutichimponqa.

Jeremías 43:2

Chantá Osaiaspa churin Azarías, Careajpa churin Johananwan, waj wapuykachaj runakunapiwan Jeremiasta nerqanku: Imatachus nisqaykeqa llulla. Tata Diosniykoqa mana kachamusunkichu ninawaykupaj: Ama Egiptoman tiyakoj riychejchu, nispa.

Oseas 9:7

Jasut'ina p'unchay chayamunña. Ña chayamunña ruwasqankuman jina pagana p'unchay. Israelpis yachanqa chay p'unchay chayamusqanta. Qankuna ninkichej: Diosmanta sut'inchajqa wampu, yuyaychaj runapis mana yuyayniyoj, nispa. Chayta ninkichej ruwasqaykichej chay jina millay kasqanrayku, jinataj chejnikuywan junt'a kasqaykichejrayku.