Jeremías 5:12 - DIOSPA QHELQACHISQ

¹² Paykuna Tata Diosmanta parlaspa, kay jinata llullakunku: Diosqa mana kanchu. Mana ima mana allin kajpis qhatiriwasunchu, manataj maqanakupis, nitaj yarqhaykunapis kanqachu, nispa.

Qheshwa Biblia DC

¹² Israelwan Judawanqa Señorqa qhesachanku, kay jinata nispa: Payqa mana kanchu. Mana ima sajraspis qhatiriwasunchu, mana kanqachu maqanakuykuna, nitaj yarqhaykunapis, nispa.

DIOSPA QHELQACHISQAN DEUTEROCANONICAL

¹² Paykuna Tata Diosmanta parlaspa, kay jinata llullakunku: Diosqa mana kanchu. Mana ima mana allin kajpis qhatiriwasunchu, manataj maqanakupis, nitaj yarqhaykunapis kanqachu, nispa.

Jeremías 5:12 ပူးပေါင်းရင်းမြစ်များ

2 Crónicas 36:16

Jinapis paykunaqa Tata Diospa kachamusqan willarajninkunamanta asiykukorqanku, nisqankutataj qhesacharqanku. Diosmanta sut'inchajkunamanta ajinata alqochakuspa, Tata Diosta sinch'ita phiñacherqanku. Chayrayku Tata Diospa phiñakuynin chay runakunaj contranpi k'ajarerqa, jinataj manaña pipis imatapis ruwayta aterqachu Diospa sonqonta tiyaykuchinapaj.

Salmos 10:6

Sonqonpi nin: Noqaqa mana jayk'aj urmasajchu, llakiypis mana jayk'aj chayamuwanqachu, nispa.

Salmos 14:1

(1b) Wampukunaqa sonqonkupi ninku: Mana Dios kanchu, nispa. Tukuyninku millayta purinaman qokunku, ruwasqankutaj mayta millachikunapaj jina. Allinta ruwajqa mana pipis kanchu.

Proverbios 30:9

Sichus ashkha imayoj kayman chayqa, qanmanta qonqapuspa, niyman: Pitaj Tata Dios kasqari? nispa. Sichus pisichikuyman chayrí, suwamanñataj qokuyman. Ajinamanta sutiykita p'enqaypi rikhurichiyman.

Jeremías 14:22

Lantikunamanta mayqenpis parachimunmanchu? Janajmanta paraqa payllamantachu paramun? Mana, Diosniyku Tata Dios, qanllamin parachimojqa kanki. Qanllamin kay tukuy imata ruwanki. Chayrayku qanllapi atinikuspa suyakuyku, nispa.

Jeremías 2:6

Judapi tiyakojkunaqa manaña noqamanta tapukunkuchu: Maypitaj kashan Tata Dios, pichus Egipto suyumanta orqhomuspa, ch'inkunanejta, may wayq'orara ch'in jallp'anejta orqhomuwarqanchej, chay Diosrí? Pay pusamuwarqanchej mana yakuyoj jallp'anejta, mana pejpa purisqan, nitaj tiyakusqan, may manchachikuna jallp'anejta, nispa.

Jeremías 28:4

Jinallataj Joacinpa churin Judata kuraj kamachej Jeconiastapis kayman kutichimponqa, pikunachus Judamanta Babiloniaman apasqa karqanku, chaykunatawan. Arí, noqaqa Babiloniaj kuraj kamachejninpa atiyninta p'akisaj. Ajinata Tata Dios nin, nispa Jananías nerqa.

Jeremías 4:10

Chantá noqa Jeremías nerqani: Ay, Tukuyta Kamachej Tata Dios, imaraykutaj Jerusalenpi tiyakojkunata q'otiyankiri? Allin kawsayta qosqaykichej, nispa nerqanki. Kunantajrí kunkankupi espada churasqa kashan, nispa.

Jeremías 43:1

Ajinata Jeremiasqa Tata Dios imatachus nisqanta llajta masinkunaman willayta tukorqa.

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Jeremías 6:14

Aylluypa k'irisqanta tumpallata jampiykurinku. Paykunaqa tukuy imapis allillan kashasqanta ninku. Jinapis manapuni imapis allinchu kashan.

Ezequiel 13:6

Mosqoypi jina rikusqankoqa qhasi manakajlla, sut'inchasqankutaj llullalla. Tata Diosmanta sut'inchasqankuta ninku, noqatajrí paykunata mana kachamorqanichu. Chaywanpis imatachus sut'inchasqanku junt'akunanta suyanku.

Miqueas 2:11

Sichus pi ch'awkiyaspa, llullakuspataj nisunkichej: Tata Diosqa vinotawan, licortawan qosonqachej nispa, chayqa, chay runamari qankunapaj sumaj sut'inchaj kanman.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

Deuteronomio 29:19

19 (18) Ichá pipis tiluspa kay trato ruwasqapi imatachus nisqanta uyarishaspa, sonqonpi ninman: Mana kasukuspa sonqoypa munasqanta ruwasaj chaypis, allillanpuni riwanqa, nispa chayqa, chay runarayku tukuyniykichejta mana allinchu risonqachej.

1 Juan 5:10

Tukuy pichus Diospa Churinpi atinikojqa tukuy sonqo yachan, Tata Diospa Churinmanta sut'inchasqanqa cheqapuni kasqanta. Pichus Tata Diospa sut'inchasqanta mana tukuy sonqo jap'ikojrí Diosta llullata jina rikhurichin, Churinmanta Tata Diospa sut'inchasqanta mana jap'ikusqanrayku.

1 Samuel 6:9

Chantá sumajta qhawankichej: Sichus carreta Bet Semes llajtaman rej ñanta riponqa chayqa, yachasun Israelpa Tata Diosnin kay jina llakiyman churawasqanchejta. Mana jina kajtinrí, yachasun mana paychu ñak'arichiwasqanchejta, manachayqa kay ch'upu onqoy kaymanta jinalla rikhurisqanta, nispa.