Jeremías 49:8 - DIOSPA QHELQACHISQ

⁸ Dedanpi tiyakojkuna, kutirikuspa ayqeychej, sumajtataj pakakamuychej, imaraykuchus noqaqa Esaúj ayllunta chinkachisaj, jasut'inay p'unchay chayamojtin.

Qheshwa Biblia DC

⁸ Dedampi tiyakojkuna usqhay usqhayta ayqeychej. Rispa sumajta pakakamuychej, imaraykuchus Esaój ayllunta chinkachisaj, jasut'inay p'unchayqa chayamunña.

DIOSPA QHELQACHISQAN DEUTEROCANONICAL

⁸ Dedanpi tiyakojkuna, kutirikuspa ayqeychej, sumajtataj pakakamuychej, imaraykuchus noqaqa Esaúj ayllunta chinkachisaj, jasut'inay p'unchay chayamojtin.

Jeremías 49:8 ပူးပေါင်းရင်းမြစ်များ

Isaías 2:21

Paykuna qaqa jusk'ukunaman, chhanka jusk'ukunaman ima sat'ikonqanku, Tata Diospa k'araj phiñakuyninmanta, jatun kayninpa lliphipiyninmanta ima pakakuspa, maypachachus Tata Dios kay pachata jasut'ej jamonqa, chaypacha.

Isaías 21:13

Arabiaj contranta kay jinata willay: Dedanmanta qhatuwan purejkuna, Arabia ch'innejpi pakakuychej.

Isaías 34:5

Janaj pachapi Tata Diospa espadanqa wakichisqa kashan. Chaytaj Edom suyupi tiyakojkunaman urmamonqa, wañunankupaj juchachasqa runakunaman.

Jeremías 25:23

Jinallataj Dedanman, Temaman, Buzmanpis, pikunachus chujchankuta ruthukunku, chay ayllumanpis ujyachillarqanitaj.

Jeremías 46:21

Mink'asqa soldadonkunapis waka uña jina wirayasqa kanku, paykunapis usqhay usqhayllata mana sayarispa ayqenqanku. Atipasqa kanankoqa chayamunña, chay p'unchaypitaj jasut'isqa kanqanku.

Jeremías 48:28

Moabpi tukuy tiyakojkuna, llajtaykichejta saqespa, chhanka jusk'uman tiyakoj ayqeychej, imaynatachus chhanka jusk'ukunapi urpikuna thapachakuspa tiyakunku, ajinata.

Jeremías 48:44

Pichus chay jatun manchariymanta ayqejqa t'oqoman urmaykonqa. Pichus t'oqomanta llojsimojtaj tojllapiñataj jarap'asqa kanqa, imaraykuchus noqaqa Moabpa patanman chay jasut'ina p'unchayta kachaykamusaj. Noqa Tata Diosmin chayta nini.

Jeremías 48:6

Ama wañunaykichejpaj ayqeychej. Ch'innejpi retama jina pakakuychej.

Jeremías 49:30

Jazorpi tiyakojkuna, usqhayta ayqeychej, jusk'upi pakakamuychej. Babiloniata kuraj kamachej Nabucodonosorqa qankunaj contraykichejpi imatachus ruwananta wakichikunña. Noqa Tata Diosmin chayta nini.

Jeremías 49:32

Camellonkukunata, tukuy uywankukunatapis apakapuychej. Noqamin paykunata tukuynejman ch'eqerachisaj kay pachaj k'uchunkama. Tukuynejmanta jatun ñak'ariyta paykunaman kachaykusaj. Noqa Tata Diosmin chayta nini.

Jeremías 50:27

Tukuy wapu soldadonkunata wañuchiychej, ñak'ana cheqaman paykunata apaychej. Ay, paykunamanta, imaraykuchus wañunanku p'unchay chayamun, jasut'isqa kananku p'unchaytaj.

Jeremías 6:1

Benjamín ayllumanta kajkuna, pakakunata mask'aychej, Jerusalenmantataj ayqeychej. Tecoapi trompetata waqachiychej. Señal kananpaj ninata jap'ichispa, q'oshñichiychej Bet Haquerenpi, imaraykuchus wichaynejmanta jatun llakiy, manchay ñak'ariytaj jamushan.

Ezequiel 25:13

Chayrayku Tukuyta Kamachej Tata Dios kay jinata nin: Noqa makiyta oqharispa, Edom suyuta jasut'isaj, jinataj runankunata, uywankunatawan wañurachisaj. Edomta ch'inman tukuchisaj. Temanmanta qallarispa, Dedankama tukuy runakuna espadawan wañurachisqa kanqanku.

Malaquías 1:3

Esautatajrí noqa qhesacharqani, paypa chayaqen orqorara jallp'antataj ch'in orqoman tukucherqani. Sumaj jallp'antapis k'ita alqokunallaña kawsanankupaj jina ruwarqani.

Malaquías 1:4

Esaúj mirayninmanta kajkuna ninkuman: Phirisqa karqanchej. Chaywanpis watej llajtanchejkunata sayachinallataj, nispa. Tukuy Atiyniyoj Tata Diosrí nenqa: Watej llajtankukunata sayarichinkuman chaypis, ujtawan phirillasajtaj. Chay edomitakunaj suyunkutaqa runakuna sutichanqanku: “Millayta ruwaj suyu”, chantá “Tata Diospa wiñaypaj chejnisqan runakuna”, nispa.

Apocalipsis 6:15

Jinaqa kay pachapi kuraj kamachejkuna, kurajkuna, soldadokunata kamachejkuna ima qaqa jusk'upi, chantá orqo jusk'upi ima pakaykukorqanku. Jinallataj qhapajkuna, atiyniyojkuna, wata runakuna, mana wata runakunapis pakaykukullarqankutaj.

Jueces 6:2

Madianitakunaqa sinch'itapuni israelitakunata ñak'aricherqanku. Israelitakunataj madianitakunata manchachikuspa, orqokunapi pakakunata ruwarakamorqanku, chhanka jusk'ukunapi, maymanchus runakuna mana yaykullankuchu, chaynejpi.

1 Samuel 13:6

Filisteokuna tukuynejmanta maqanakoj sayaykusqankurayku, israelitakuna imatachus ruwanankuta mana yachashaj rikhurerqanku. Chayraykutaj chhanka jusk'uman, t'oqoman, qaqa k'ajllukunaman, allasqa jusk'ukunaman chantá ch'aki pujyukunaman ima pakakamorqanku.