Jeremías 49:3 - DIOSPA QHELQACHISQ

³ Jesbón llajta, waqay, imaraykuchus Hai llajta phirisqaña kashan. Rabamanta warmikuna, sinch'ita waqaychej. Llakiy p'achawan p'achallikuychej, qhasqoykichejtataj takakuychej. Uman t'ojpisqa runa jina kayman jaqayman phinkiykachaychej, ukhuykichejtataj k'irirakuychej, imaraykuchus Milcón diosniykichej waj suyuman apasqa kashan. Jinallataj tukuy sacerdotenkunapis, kurajkuna ima apasqallataj kashanku.

Qheshwa Biblia DC

³ Hesbón llajta waqay, Hai llajtaqa phirisqaña kashan. Rabamanta warmis, sinch'ita waqaraychej. Llakiy p'achawan p'achallikuychej, pechoykichejta takakuychej. Locas jina correykachaychej, ukhuykichejta nanarachikuychej. Milcom nisqa dios waj llajtaman wijch'usqa kashan, tukuy sacerdotesnintin, jinataj allichaj runasnintin.

DIOSPA QHELQACHISQAN DEUTEROCANONICAL

³ Jesbón llajta, waqay, imaraykuchus Hai llajta phirisqaña kashan. Rabamanta warmikuna, sinch'ita waqaychej. Llakiy p'achawan p'achallikuychej, qhasqoykichejtataj takakuychej. Uman t'ojpisqa runa jina kayman jaqayman phinkiykachaychej, ukhuykichejtataj k'irirakuychej, imaraykuchus Milcón diosniykichej waj suyuman apasqa kashan. Jinallataj tukuy sacerdotenkunapis, kurajkuna ima apasqallataj kashanku.

Jeremías 49:3 ပူးပေါင်းရင်းမြစ်များ

2 Samuel 11:1

Chay qhepan wata paray mit'a kashajtin, kuraj kamachejkuna maqanakuman llojsej kanku, chaypacha, Davidqa maqanakuman kacharqa Joabta, yanapajninkunata, chantá tukuy soldadontawan. Paykunaqa amonitakunata maqanakupi atipaykorqanku, Rabá llajtatataj jap'inankupaj muyuykorqanku. Davidtajrí Jerusalenllapi qhepakorqa.

1 Reyes 11:33

Chayta ruwasaj, imaraykuchus Salomonqa noqata saqerpariwaspa, yupaychan sidonioj diosninku Astoretta, Moabpa diosnin Quemosta, amonitakunaj diosninku Moloctawan ima. Paypa ruwasqanqa mana sonqoypa munasqanman jinachu, kamachisqayta mana kasuwarqachu, nitaj nisqayta cheqanta ruwarqachu, imaynatachus tatan David junt'arqa, jinataqa.

1 Reyes 11:5

Salomonqa sidoniokunaj diosninku Astoretta, amonitakunaj chay millay lantinku Milcontawan yupaycharqa.

2 Reyes 23:13

Ajinallatataj kuraj kamachej Josiasqa Jerusalén llajtaj chimpanpi orqo patapi altarkunatapis millachikunaman tukuchillarqataj. Chantá Olivoyoj orqoj pañannejpi kaj altarkunapis millachikunaman tukuchillarqataj. Chay altarkunata Israelta kuraj kamachej Salomonqa millay lantikunata yupaychanapaj ruwachisqa, sidoniokunaj lantinku Astoretpaj, moabitakunaj lantinku Quemospaj, chantá amonitakunaj lantinku Milconpajwan ima.

Esdras 2:28

Betel, Hai llajtayojkunamanta 223 qharikuna karqanku.

Isaías 13:6

Qhaparispa waqaychej, imaraykuchus Tata Diospa p'unchaynenqa qayllapiña kashan. Chay p'unchay chayamojtin, Tukuy Atiyniyoj Tata Dios tukuyta phirenqa.

Isaías 14:31

Filisteapi llajtakuna, aullakuychej, nanaywantaj qhapariychej. Manchariywan kharkatitiychej, imaraykuchus wichaynejmanta soldadokuna manchay yana q'oshñi jina jamusunkichej, manataj ni ujpis paykunamanta qhepakunchu.

Isaías 15:2

Dibón llajtamanta kajkunaqa loma patapi diosninkuta yupaychana wasikunaman waqaj wicharerqanku. Moabmanta runakunataj Nebo llajtarayku, Medeba llajtaraykutaj waqarikunku. Chayrayku runakunaj chujchanku, sunkhankuwan ima ruthusqa kashan.

Isaías 16:7

Chayrayku Moabpi tiyakojkunaqa suyunkumanta waqanku, may llakisqataj Quir Jaréset llajtapi uva k'isa mana kasqanmanta waqarikunku.

Isaías 23:1

Tiro llajtaj contranpi Isaías kay jinata nerqa: Tarsismanta barcota purichejkuna, waqaychej, imaraykuchus Tiroj barco sayachina cheqawan, wasinkunawan ima thuñisqa kashanku. Chayrayku barcokuna ni mayman chayanankupaj kanchu. Quitín suyumantapacha chayta willamunku.

Isaías 23:6

Tarsiskama riychej. Mama qochaj kantunpi tiyakojkuna, waqarikuychej.

Jeremías 4:8

Chayrayku qhashqa p'achawan p'achallikuychej. Nanaywan qhaparqachaspa waqaychej, imaraykuchus Tata Diospa k'araj phiñakuynenqa manaraj noqanchejmanta t'aqakunchu, nispa.

Jeremías 46:25

Israelpa Tukuy Atiyniyoj Tata Diosnin nin: Tebaspa diosnin Amonta, Egiptojta tukuy dioskunantinta, kuraj kamachejninkunatapis jasut'isaj, jinallataj faraonta, paypi tukuy atinikojkunatapis.

Jeremías 48:2

Moab suyoj runaykachaynin tukukonqa, imaraykuchus Jesbón llajtapi awqankuna umachakuspa, wakichikunku Moabta imaynamantachus chinkarparichinankupaj. Qan, Madmena, phirisqallataj kanki, maqanakupis qhepallaykitapuni jamonqa.

Jeremías 48:20

Moabqa may p'enqaypi rikhurin phirisqa kasqanrayku. Paymanta waqaychej, qhapariychejtaj. Arnón mayupi Moabqa phirisqa kasqanta willamuychej.

Jeremías 48:37

Tukuyninku umankuta ruthukunku, tukuypa sunkhankupis ruthusqallataj. Tukuyninku makinkuta khuchurakunku, qhashqa p'achawantaj p'achallikunku.

Jeremías 48:7

Moab, qanqa kallpallaykipi atinikorqanki, jinataj qhapaj kasqaykipi. Chaywanpis qanta jap'isonqanku. Quemos diosniykeqa waj suyuman apasqa kanqa sacerdotenkunawan, kurajninkunawan ima.

Jeremías 49:1

Amón suyoj contranpi Tata Dios kay jinata nerqa: Manachu Israelqa wawakunayoj? Israelpataqa manachu pininpis tiyanri? Imaraykutaj Milcón lanteqa Gadpa jallp'anta jap'ikapun? Imaraykutaj amonitakuna Gadpa llajtankunapi tiyakushankuri?

Jeremías 51:8

Jinallaman Babiloniañataj ujllata urmaspa, phirikorqa. Paymanta waqaychej. K'irisqankunapaj jampita apamuychej, ichapis qhaliyapunman.

Jeremías 6:26

Ayllúy, qhashqa p'achata churakuy, ushphapitaj qhoshpaspa, llakiyniykita rikuchiy. Luto p'achata churakuspa, sonqo nanayta waqay, imaynatachus pipis uj k'ata wawan wañupojtin waqan, ajinata, imaraykuchus wañuchejkuna contraykipi ñapis jamonqankuña, nispa.

Amós 1:15

Chantá kuraj kamachejninku waj suyuman apasqa kanqa, tukuy kurajkunawan khuska, nispa. Tata Dios ajinata nin.

Sofonías 1:5

Chantá pikunachus wasi patapi kaj patioman wicharispa ch'askakunata yupaychajkunata chinkachisaj. Jinallataj pikunachus ujllapi noqaj sutiypi, jinataj Milcón diosninkoj sutinpipis qonqorikuspa tilojkunatapis chinkachillasajtaj.

Santiago 5:1

Qhapajkuna, kayta allinta uyariychej: Qhaparispa, sonqo nanayta waqaychej, qankunaman sinch'i llakiykuna chayamunanmanta.

Josué 7:2

Josueqa Jericomantapacha Hai llajtata qhawamunankupaj runakunata kacharqa. Chay llajtaqa Betelmanta inti llojsimuyninnejpi, Bet Avén qayllapi karqa. Chantá Josué paykunata nerqa: Rispa, chay cheqata qhawamuychej, nispa. Paykunataj rispa, Hai llajtata sumajta qhawamorqanku.

Josué 8:1

Chaymanta Tata Diosqa Josueta nerqa: Ama manchachikuychu, nitaj q'ewakuychu. Manachayqa tukuy soldadoykikunata pusariykukuspa, Hai llajtayojkunawan maqanakoj puririy, imaraykuchus noqa Hai llajtaj kuraj kamachejninta, runantintawan atipanaykipaj yanapasqayki. Chantá jallp'ankuta, llajtankuta ima jap'ikapunkichej.

Josué 8:28

Josuetaj Hai llajtata ruphaykuchispa, wiñaypaj thuñisqata saqerparerqa. Kunankamataj ajina kashan.