Jeremías 49:16 - DIOSPA QHELQACHISQ

¹⁶ Qan mayta runaykachasqaykiwan q'otiyachikorqanki, imaraykuchus tukuyta manchachej kanki. Qanqa chhanka k'ajllukunallapi tiyakoj kanki, orqokunamanta ch'ipasqa. Anka jina may altopi thapachakunki chaypis, chaymantapacha urmaykuchimusqayki. Noqa Tata Diosmin chayta nini.

Qheshwa Biblia DC

¹⁶ Qan mayta runaykachasqaykirayku ch'aukiyachikorqanki, imaraykuchus mancharikuyllata chimpachej kanki. Qanqa chhanka k'ajllusllapi kausakoj kanki, orqoj puntasninmanta jap'ikuspa. Anka jinapis may altopi thapachakuy, chaymantapis uraykuchimusqayki. Noqa Señor chayta nini.

DIOSPA QHELQACHISQAN DEUTEROCANONICAL

¹⁶ Qan mayta runaykachasqaykiwan q'otiyachikorqanki, imaraykuchus tukuyta manchachej kanki. Qanqa chhanka k'ajllukunallapi tiyakoj kanki, orqokunamanta ch'ipasqa. Anka jina may altopi thapachakunki chaypis, chaymantapacha urmaykuchimusqayki. Noqa Tata Diosmin chayta nini.

Jeremías 49:16 ပူးပေါင်းရင်းမြစ်များ

2 Reyes 14:7

Jinallataj Amasiasqa Kachi valle nisqapi, Edom llajtayojkunamanta chunka waranqata wañuykucherqa, maqanakupi atipaspataj Sela llajtata jap'erqa. Suticharqataj “Yoctel”, nispa. Kunankama chay llajtaqa chay sutiwan rejsisqa kashan.

Job 39:27

Qanchu ankata phawaspa may jina patata oqharikunanta kamacherqanki, millay chhanka patapitaj thapachakunanta?

Proverbios 16:18

Jatunchakuypa qhepanta mana allinpi kay jamun, runaykachaypa qhepantataj llakiylla.

Proverbios 18:21

Runaj parlasqanqa atiyniyoj, runata kawsachinapaj manachayrí wañuchinapaj. Tukuy anchata parlajkunaqa uma nanayta tarikonqanku.

Proverbios 29:23

Umata oqharej runataqa machu machu kaynin k'umuykuchenqa, llamp'u sonqoyojtajrí jatunchasqa kanqa.

TAKIYKUNA 2:14

Urpilitáy, qaqa jusk'upi manchachikuna chhankapi pakakusqaykimanta uyaykita rikurichikuway ari. Parlarisqaykita uyarichiway á. Parlasqaykeqa sonqoyta t'ikarichiwan, uyaykitaj may k'achitumin.

Isaías 10:14

Tukuy llajtaj kapuyninkuta jap'ikaporqani. Imaynatachus uj runa saqerpayasqa thapamanta runtuta pallan, ajinata chay tukuynin jallp'akunata jap'ikaporqani. Mana pipis karqachu lijranta kuyuchej, nitaj siminta kicharispa, chhur nejllapis.

Isaías 2:21

Paykuna qaqa jusk'ukunaman, chhanka jusk'ukunaman ima sat'ikonqanku, Tata Diospa k'araj phiñakuyninmanta, jatun kayninpa lliphipiyninmanta ima pakakuspa, maypachachus Tata Dios kay pachata jasut'ej jamonqa, chaypacha.

Isaías 49:25

Tata Diostajrí ninpuni: Presochasqa runaqa kallpayoj soldadoj makinmanta qhechusqa kanqa, presochasqa runapis millay runaj makinmanta kacharichisqallataj kanqa. Qanwan churanakojkunawan noqa churanakusaj, noqa kikiytaj wawaykikunata kacharichisaj.

Jeremías 48:14

Mayta jatunchakuspa, Moabqa nej: May wapu kayku, maqanakupaj sumaj wapu soldadokuna, nispa.

Jeremías 49:15

Tata Diosqa Edomta nin: Noqa tukuy suyumanta aswan juch'uy kanaykipaj ruwasqayki, jinallataj runakuna ukhupi pisipaj qhawasqa kanki.

Jeremías 50:29

Arcowan tukuy flechajkunata tantamuychej, Babiloniaj contranta maqanakoj rinankupaj. Llajtaj tukuy muyuyninpi jarakuychej, ama pipis ayqenanpaj. Ruwasqanman jina kutichiychej. Imaynatachus waj suyukunawan ruwarqa, ajinallatataj paywan ruwaychej, imaraykuchus payqa Israelpa May Llimphu Kaj Diosnin, noqa Tata Diospa contraypi sayaykorqa.

Jeremías 51:53

Babilonia janajmanpis wicharichun aswan pataman atiyninta churananpaj, jaqaykamapis awqankunata kachasaj chay atiyninta phirinankupaj. Noqa Tata Diosmin chayta nini.

Amós 9:2

Jallp'aj sonqonpipis pakakuchunku, chaymanta paykunata orqhomusaj. Janaj pachamanpis wicharichunku, chaymanta paykunata urayk'uchimusaj.

Habacuc 2:9

Ay, imarajchus kanqa qanpaj, imaraykuchus suwasqaykiwan wasiykiman junt'acherqanki, ama ima llakiyta rikunaykipaj.

Malaquías 1:3

Esautatajrí noqa qhesacharqani, paypa chayaqen orqorara jallp'antataj ch'in orqoman tukucherqani. Sumaj jallp'antapis k'ita alqokunallaña kawsanankupaj jina ruwarqani.