Jeremías 49:13 - DIOSPA QHELQACHISQ

¹³ Noqa Tata Dios sutiyrayku tiluni: Bosra llajtaqa thuñisqa, ch'inpacha qhepakonqa, k'umuykachachisqataj, maldicisqataj kanqa. Wajkuna chayta rikuspa, manchachikonqanku. Chay waj llajtankunataj wiñaypaj raqayllaña kanqanku, nispa.

Qheshwa Biblia DC

¹³ Noqa Señor sutiyrayku juraykichej: Bosra llajtaqa ch'impacha qhepakonqa, wajkuna manchachikunankupaj k'umuykachachisqa, jinataj maldicisqa kanqa. Chay waj llajtastaj wiñaypaj raqaykunasllaña qhepakonqanku.

DIOSPA QHELQACHISQAN DEUTEROCANONICAL

¹³ Noqa Tata Dios sutiyrayku tiluni: Bosra llajtaqa thuñisqa, ch'inpacha qhepakonqa, k'umuykachachisqataj, maldicisqataj kanqa. Wajkuna chayta rikuspa, manchachikonqanku. Chay waj llajtankunataj wiñaypaj raqayllaña kanqanku, nispa.

Jeremías 49:13 ပူးပေါင်းရင်းမြစ်များ

Génesis 22:16

Tata Dios nisunki: Munasqa churiykita qonawaykipaj mana mich'akuwasqaykimanta, noqa kikiyrayku tiluspa, niyki:

Génesis 36:33

Bela wañupojtintaj, Zerajpa churin Jobab kamacherqa. Payqa Bosra llajtamanta karqa.

1 Crónicas 1:44

Bela wañupojtintaj, cuentanmanta kamacherqa Zerajpa churin Jobab. Payqa Bosra llajtamanta karqa.

Isaías 34:6

Tata Diospa espadanqa sumaj yawarchasqa, wirawan qhoshqorishajtaj kashan. Chayqa ovejakunaj, cabrakunajpata yawarninku, chay wirataj carnerokunaj lurunninpa wiran. Tata Diosqa uywa ñak'asqa jaywanakunata Bosra llajtapi ruwan, Edom suyupitaj may chhika runakunata wañurachin.

Isaías 45:23

Noqaj kawsayniyrayku tiluni, simiytaj cheqanta parlan. Kay nisqayqa junt'akonqapuni. Chaytaj kay jina kanqa: Noqaman tukuy runakuna qonqorikuwanqanku, sutiypitaj tilonqanku.

Isaías 63:1

Pitaj Edom suyumanta jamushanri? Pitaj Bosra llajtamanta jamushan puka p'achayojri? Pitaj sumaj p'achallisqa atiyniyoj thaskejri? Chaymin noqa Tata Dios kani, pichus qhespichinapaj atiyniyoj kaspa, atipanaytapuni willani, chay.

Jeremías 18:16

Ajinamanta paykuna suyunkuta ch'inman tukucherqanku, wiñaypaj runaj asikunan kananpaj. Tukuy chayninta purejkuna t'ukuspataj, umankuta khiwirenqanku.

Jeremías 19:8

Kay llajtata ch'in raqayman tukuchisaj, tukuy t'ukunankupaj jina. Chantá tukuy chayninta purejkuna t'ukushaj qhepakonqanku, chay jina phirisqa kasqanta rikuspa.

Jeremías 44:26

Chaywanpis Egiptopi tiyakoj Judamanta kajkuna, tukuyniykichej noqa Tata Diospa nisqayta uyariychej: Jatun sutiyrayku kayta tiluni: Judamanta Egiptopi tiyakojkuna manaña ujtawan sutiyta oqharenqankuchu, Diosninkupaj rejsikapuwaspa, nitaj tilonqankuchu: Tukuyta Kamachej Tata Diospa sutinrayku tiluni, nispaqa.

Jeremías 48:24

Queriotman, Bosraman ima. Jinataj Moabpa qaylla kaj llajtankunaman, chantá karupi kaj llajtankunamanpis chayallarqataj, nispa. Ajinata Tata Dios nin.

Jeremías 49:22

Bosraj contranpi awqanqa oqharikonqa, imaynatachus uj anka oqharikuspa phawan, ajinata. Chay p'unchaypi Edompa soldadonkunaqa kharkatitenqanku, imaynatachus paqarichikoj warmi kharkatitin, ajinata, nispa.

Jeremías 51:14

Tukuy Atiyniyoj Tata Dios sutinrayku tilun: Llajtaykita awqaykikunawan phinki phinkikunawan jina junt'aykuchisaj, paykunataj qanta atipaykususqankurayku, kusiymanta takirikonqanku, nispa.

Joel 3:19

19 (4.19) Egipto suyurí laqayallaña kanqa, Edom suyutaj ch'inman tukuchisqa kanqa, imaraykuchus paykunaqa Judapi tiyakojkunawan maqanakoj yaykorqanku, jallp'ankupitaj mana juchayojta wañucherqanku.

Amós 1:12

Chayrayku Temán llajtata ninawan jap'iykuchisaj, chay ninataj Bosrapi kaj pukarankukunata ruphaykonqa, nispa.

Amós 6:8

Tukuy Atiyniyoj Tata Dios sutinpi tiluspa nin: Israelitakunaj wapuykachasqankuta chejnini, kamachinanku wasikunatataj mana rikuyta atinichu. Kay llajtata awqankuman jaywasaj, imankunachá tiyan, chaytawan, nispa.

Abdías 1:18

Jacobpata, jinataj Josejpata ayllunkuna nina lawraj jina kanqanku. Esaujpa ayllunmanta kajkunatajrí ch'aki qhora jina chay ninawan ruphachisqa kanqanku. Ni pi Esaujpa ayllunmanta kawsashaj qhepakonqachu. Noqa Tata Diosmin chayta nini.