Jeremías 48:44 - DIOSPA QHELQACHISQ

⁴⁴ Pichus chay jatun manchariymanta ayqejqa t'oqoman urmaykonqa. Pichus t'oqomanta llojsimojtaj tojllapiñataj jarap'asqa kanqa, imaraykuchus noqaqa Moabpa patanman chay jasut'ina p'unchayta kachaykamusaj. Noqa Tata Diosmin chayta nini.

Qheshwa Biblia DC

⁴⁴ Pichus chay jap'ejkunamanta ayqekojqa t'oqoman urmaykonqa, pichus t'oqomanta llojsimojrí tojllamanñataj urmaykonqa, imaraykuchus noqa Moabpa patanman chay jasut'ikunan tiempota apachimusaj.

DIOSPA QHELQACHISQAN DEUTEROCANONICAL

⁴⁴ Pichus chay jatun manchariymanta ayqejqa t'oqoman urmaykonqa. Pichus t'oqomanta llojsimojtaj tojllapiñataj jarap'asqa kanqa, imaraykuchus noqaqa Moabpa patanman chay jasut'ina p'unchayta kachaykamusaj. Noqa Tata Diosmin chayta nini.

Jeremías 48:44 ပူးပေါင်းရင်းမြစ်များ

1 Reyes 19:17

Pichus Jazaelpa wañuchinanmanta ayqekojtaqa Jehú wañuchenqa, Jehúj wañuchinanmanta ayqekojtataj Eliseo wañuchenqa.

1 Reyes 20:30

Wakin soldadokunataj Afec llajtaman ayqekorqanku. Chantá chay llajtaj perqanqa 27.000 soldadokunaj patankuman urmaykorqa. Ben Adadpis chay llajtaman ayqellarqataj, wasimanta wasi pakakuspataj, purerqa.

Isaías 10:3

Imanankichejtaj jasut'ina p'unchaypiri? Piwantaj yanapachikunkichej karumanta jasut'iy jamusojtiykichejri? Maymantaj chay jina qhapaj kapuyniykichejta pakankichejri?

Isaías 24:17

Kay pachapi tiyakojkuna, qankunapaj manchachikuy wakichisqa kashan, t'oqoman urmaykuna, tojllapi jarap'asqa kay ima.

Isaías 24:18

Pichus manchachikuymanta ayqejqa t'oqoman urmaykonqa. T'oqomanta llojsimojtaj tojllapi jarap'asqa rikhurenqa. Janajmanta jatun para urmamonqa, kay pachaj sonqontaj ikhakonqa.

Jeremías 10:15

Chaykunaqa qhasi manakaj asikunapaj jina kanku. Juicio p'unchaypitaj chinkachisqa kanqanku.

Jeremías 11:23

Paykunamanta ni ujllapis kawsashaj qhepakonqachu, imaraykuchus jasut'inay watapi patankuman ñak'ariykunata kachaykamusaj, nispa.

Jeremías 16:16

Kunanrí ashkha runata kachasaj challwata jina qankunata jap'inankupaj. Chantá k'ita animalta jap'ejkunata kachallasajtaj tukuy orqokunapi, lomakunapi, jinataj chhanka k'ajllukunapipis qankunata jap'inankupaj.

Jeremías 23:12

Chayrayku imaynatachus ruwasqankoqa laqhapi llusk'anallankupaj kanqa. Chayman tanqasqa kanqanku, chaypitaj urmanqanku. Maypachachus paykunamanta cuentata mañasaj chaypacha, paykunaj patankuman may ñak'ariyta kachaykamusaj. Noqa Tata Diosmin chayta nini.

Jeremías 46:21

Mink'asqa soldadonkunapis waka uña jina wirayasqa kanku, paykunapis usqhay usqhayllata mana sayarispa ayqenqanku. Atipasqa kanankoqa chayamunña, chay p'unchaypitaj jasut'isqa kanqanku.

Jeremías 49:8

Dedanpi tiyakojkuna, kutirikuspa ayqeychej, sumajtataj pakakamuychej, imaraykuchus noqaqa Esaúj ayllunta chinkachisaj, jasut'inay p'unchay chayamojtin.

Jeremías 50:24

Babilonia suyu, urmanaykipaj noqa tojllata churarqani, mana reparaspataj, chayman urmaykorqanki. Chaypi jap'ichikuspa, presochasqa rikhurerqanki, noqa Tata Diospa contrayta sayaykusqaykirayku.

Jeremías 50:27

Tukuy wapu soldadonkunata wañuchiychej, ñak'ana cheqaman paykunata apaychej. Ay, paykunamanta, imaraykuchus wañunanku p'unchay chayamun, jasut'isqa kananku p'unchaytaj.

Jeremías 51:18

Chaykunaqa mana imapaj walejchu kanku, asikunapaj jina. Tata Dios juicio p'unchaypi chaykunata chinkarparichenqa.

Jeremías 8:12

Paykunaqa millachikunapaj jina ruwasqankumanta p'enqakorqankuchu? Mana, manapuni p'enqakorqankuchu, nitaj p'enqakuy imachus kasqanta yachankuchu. Chayrayku maypachachus noqa paykunata jasut'isaj, chaypacharajmá misk'anqanku, chay ujkuna jinataj urmachisqa kanqanku. Ajinata noqa Tata Dios nini.

Lamentaciones 3:47

Manchachikuy misk'ana, jatun llakiy, pampachasqa kaypis noqaykuman chayawarqayku.

Oseas 9:7

Jasut'ina p'unchay chayamunña. Ña chayamunña ruwasqankuman jina pagana p'unchay. Israelpis yachanqa chay p'unchay chayamusqanta. Qankuna ninkichej: Diosmanta sut'inchajqa wampu, yuyaychaj runapis mana yuyayniyoj, nispa. Chayta ninkichej ruwasqaykichej chay jina millay kasqanrayku, jinataj chejnikuywan junt'a kasqaykichejrayku.

Amós 5:19

Chay p'unchay kanqa, imaynachus runa leonmanta ayqekushaspa, jukumariwanñataj tinkuykun, ajina. Chayrí runa wasinman ayqespa perqaman atiykurikojtin, katariñataj khanirparin, ajina.

Miqueas 7:4

Paykuna ukhumanta sumaj runaqa khishkamantapis astawan millayraj, cheqanta ruwaj runapis t'ankar jina. Chaywanpis jasut'isqa kananku p'unchay chayamushanña, Diosmanta sut'inchajkuna willasqankuman jina. Chaypacha paykuna imatachus ruwanankuta mana yachanqankuchu.