Jeremías 48:41 - DIOSPA QHELQACHISQ

⁴¹ Llajtankuna, chantá sumaj jark'achasqa llajtankunapis awqankoj makinman urmanqanku. Chay p'unchaypi Moabpa soldadonkunaqa kharkatenqanku, imaynatachus paqarichikoj warmi nanaywan kharkatin, ajinata.

Qheshwa Biblia DC

⁴¹ Llajtas chantá pakakuna wasispis urmanqanku enemigospa makisninman. Chay p'unchaypi Moabpa maqanakojkunasnin kharkatenqanku, imaynatachus onqokoj warmi nanaywan kharkatin ajinata.

DIOSPA QHELQACHISQAN DEUTEROCANONICAL

⁴¹ Llajtankuna, chantá sumaj jark'achasqa llajtankunapis awqankoj makinman urmanqanku. Chay p'unchaypi Moabpa soldadonkunaqa kharkatenqanku, imaynatachus paqarichikoj warmi nanaywan kharkatin, ajinata.

Jeremías 48:41 ပူးပေါင်းရင်းမြစ်များ

Isaías 13:8

Manchachikuywan kharkatiylla junt'aykonqa. Phutiywan, nanaywan ima paykunata jap'enqa, imaynatachus wijsallisqa warmi nanaywan q'ewiykachakun, ajinata. Mancharisqa paykunapura qhawanakonqanku, imaraykuchus uyankupis p'enqaymanta pukayarenqa.

Isaías 21:3

Chayrayku tukuy ukhuy nanawan, paqarichikoj warmi imaynatachus nanaywan q'ewiykachakun, ajinata q'ewiykachakuni. Chay phutikusqayqa mana uyarejta saqewanchu, manchachikuywantaj mana rikuytapis atinichu.

Jeremías 30:6

Ujta tapurisqaykichej: Qhareqa atinmanchu wawata paqarichikuyta? Chayta nini, imaraykuchus qharikunata rikuni onqoj warmi jina nanaywan q'ewiykachakojta. Imaraykutaj aya uyapacha kashankuri?

Jeremías 4:31

Nanaywan qhaparisqankuta uyarini, imaynatachus uj warmi kuraj kaj wawanta paqarichikushaspa qhaparin, ajinata. Chayqa Sionpa nanaywan qhaparikusqan, makinta jaywarakuspataj, nin: Ay, noqamanta, kay runa wañuchejkuna wañuchiwanqankuña, nispa.

Jeremías 4:9

Tata Dios nillantaj: Chay p'unchay chayamojtenqa, kuraj kamachej, kurajkunantin ima manchachikuywan kharkatitenqanku. Sacerdotekunapis mayta mancharikonqanku, Diosmanta sut'inchajkunapis t'ukushaj qhepakonqanku, nispa.

Jeremías 48:24

Queriotman, Bosraman ima. Jinataj Moabpa qaylla kaj llajtankunaman, chantá karupi kaj llajtankunamanpis chayallarqataj, nispa. Ajinata Tata Dios nin.

Jeremías 49:22

Bosraj contranpi awqanqa oqharikonqa, imaynatachus uj anka oqharikuspa phawan, ajinata. Chay p'unchaypi Edompa soldadonkunaqa kharkatitenqanku, imaynatachus paqarichikoj warmi kharkatitin, ajinata, nispa.

Jeremías 49:24

Damascomanta runakunaqa manaña kallpayoj kaspa, ayqej churakunku. Sinch'i manchariywan atipachikunku ñak'ariywan, nanaywantaj, paqarichikoj warmej nanayninwan jina.

Jeremías 50:37

Caballonkukuna wañuchunku, carretankunapis phirisqa kachunku. Mink'asqa soldadonkukunapis warmi jina pisi kallpaman tukuchunku. Babiloniajta qhapaj kayninta qhechuspataj, apakapuchunku.

Jeremías 50:43

Babiloniamanta kuraj kamachejrí chayta yachaytawankama, mancharikuywan mana imanakuyta atinchu. Paqarichikoj warmi jina ñak'ariypi, nanaypitaj kashan, nispa.

Jeremías 51:30

Babiloniamanta wapu soldadokunajta manaña maqanakunankupaj kallpanku kanchu. Maqanakuyta saqerparispa, jark'achasqa pakakunallankupiña warmi jina pakaykunku, imaraykuchus wasinkoqa ruphaykuchisqa kashan, llajta punkunkunataj phirisqa.

Jeremías 6:24

Jerusalenpi tiyakojkuna ninku: Chaymanta parlajta uyarispa, manchachikuywan kallpaykupis llawch'iyan, onqokoj warmi jinataj ñak'ariypi, nanaypitaj kashayku.

Amós 2:2

Chayrayku noqaqa Moab suyuman ninata jap'iykuchisaj, chay ninataj Queriot llajtapi kamachinanku wasita ruphaykonqa. Sinch'i maqanaku kanqa, cornetakunatataj waqachenqanku, jinataj moabitakuna wañuchisqa kanqanku.

1 Tesalonicenses 5:3

Maypachachus runakuna nishanqanku: Tukuy imapis allillan, ni imamanta llakikuna kanchu, nispa chaypacha, ujllata paykuna tukuchisqa kanqanku, imaynatachus onqoj warmita wawanta paqarichikunanpaj nanaynin oqharin, ajinata. Chaypachataj paykuna mana ayqeyta atenqankuchu.