Jeremías 48:40 - DIOSPA QHELQACHISQ

⁴⁰ Tata Dios nillantaj: Moabpa awqanqa anka jina paypa contranpi phawan.

Qheshwa Biblia DC

⁴⁰ Señorqa nerqa: Moab runaspa enemigon anka jina lijrasnin kicharisqa paypa contrampi kachaykukun.

DIOSPA QHELQACHISQAN DEUTEROCANONICAL

⁴⁰ Tata Dios nillantaj: Moabpa awqanqa anka jina paypa contranpi phawan.

Jeremías 48:40 ပူးပေါင်းရင်းမြစ်များ

Proverbios 30:19

Janajpi imaynatachus ankaj phawasqan, qaqapi katarej suchusqan, mama qochapi barcoj purisqan, qhari warminman imaynatachus chayasqan ima.

Isaías 11:14

Iskayninku ujllata kallpakuspa, inti yaykuynejman kachaykukonqanku, filisteokunamantaj wasallankumanta phinkiykonqanku. Jinallataj inti llojsimuynejpi tiyakojkunamanta tukuy imankuta qhechumonqanku. Edom suyu, Moab suyu ima israelitakunaj kamachiyninpi ruwanayoj kanqanku, jinallataj Amón suyupi kajkunapis israelitakunaj kamachiyninpi kanqanku.

Isaías 8:8

Chayqa Judá suyuman junt'aykonqa, kunkankamataj chayanqa. Emanuel, tukuynin suyuyki ankaj lijranwan jina qhataykusqa kanqa.

Jeremías 4:13

Chantá israelitakuna nenqanku: Qhawariychej, awqanchejkuna phuyu jina jamurishanku. Carretankupis sinch'i muyoj wayraman rijch'akunku, caballonkutaj ankakunamantapis aswan usqhayta phawanku. Ay, noqanchejqa imallapichus tukukusunchejpis, nispa.

Jeremías 49:22

Bosraj contranpi awqanqa oqharikonqa, imaynatachus uj anka oqharikuspa phawan, ajinata. Chay p'unchaypi Edompa soldadonkunaqa kharkatitenqanku, imaynatachus paqarichikoj warmi kharkatitin, ajinata, nispa.

Lamentaciones 4:19

Qhatiykachawajniykoqa ankamantapis aswan sinch'i phawajkuna kanku. Tukuy orqokunapi qhatiykachawayku, jap'inawaykupajtaj tukuy ch'innejpi suyaykuwayku tojllata churaspa.

Ezequiel 17:3

Paykunata niy: Tukuyta Kamachej Tata Dios kayta nisunkichej: Uj manchay jatun anka Libanoman chayamusqa. Lijrankunaqa manchay jatuchaj kasqa, tukuy imaymana color phuruyojtaj. Chantá pino sach'aj thansanta jap'ispa,

Daniel (hebreo) 7:4

Ñawpaj kaj leonman rijch'akusqa chaypis, anka lijrayoj kasqa. Qhawashajtillay, lijrankunata sik'iraspa, pampapi runata jina iskay chakimanta sayarichisqanku. Chaymantataj runaj yuyayninta payman qollasqankutaj.

Oseas 8:1

Waqachiychej cornetata runakuna wakichikunankupaj. Aylluypa awqan anka jina jamurishan, imaraykuchus aylloyqa yachachisqayta mana kasuspa, tratoyta p'akisqanku.

Habacuc 1:8

Caballonkoqa tigremantapis astawan sinch'ita t'ijurin, ch'innejpi k'ita alqokuna jinataj manchachikunapaj kanku. Caballopi soldadonkukunapis wayra jina phawarispa, karumantapacha maqanakoj chayarparimunku, imaynatachus anka mikhunanta jap'ej phawaykun, jinata.

Deuteronomio 28:49

Qanpa contraykita Tata Diosqa karumanta, kay pachaj k'uchunmantapacha waj llajtayojkunata kachaykamusonqa. Chay karu llajtayojkunaj parlasqankuta mana entiendeyta atinkichu. Paykuna anka jina usqhayllata phawamuspa, chayamusonqanku.