Jeremías 48:38 - DIOSPA QHELQACHISQ

³⁸ Moabpi tukuy wasikunapi, tukuynin callekunapipis waqasqanku uyarikun, imaraykuchus noqaqa Moabta phiriykorqani, imaynatachus mana allin ruwasqa yuruta phirinku, ajinata. Noqa Tata Diosmin chayta nini.

Qheshwa Biblia DC

³⁸ Moab wasi pataspi, tukuynin callesnimpipis waqaykunallaña uyarikun. Noqa Moabta t'unata ruwarqani, imaynatachus mana walej yuruta t'unanku ajinata. Noqa Señor chayta nini.

DIOSPA QHELQACHISQAN DEUTEROCANONICAL

³⁸ Moabpi tukuy wasikunapi, tukuynin callekunapipis waqasqanku uyarikun, imaraykuchus noqaqa Moabta phiriykorqani, imaynatachus mana allin ruwasqa yuruta phirinku, ajinata. Noqa Tata Diosmin chayta nini.

Jeremías 48:38 ပူးပေါင်းရင်းမြစ်များ

Salmos 2:9

Chantá qan fierro varawan kay pachapi kamachejkunata chakiyki uraman churanki, t'uru mankata jinataj paykunata phiriranki, nispa.

Isaías 15:3

Runakunaqa qhashqa p'achayoj callekunapi purinku, wasi pataman, plazakunaman llojsinku paran paranta waqarikuspa.

Isaías 22:1

Isaías mosqoypi jina rikuna vallej contranta kay jinata nerqa: Imataj tiyan wasi pataman tukuyniykichej wicharinaykichejpajri?

Isaías 30:14

Qankuna t'unasqa k'analla jina kankichej. Chay jinatapuni kallpawan phirisqa kasqanrayku, mana uj chhikan k'anallallapis qhepakunchu, q'onchamanta ninata orqhonallapajpis, nitaj yakuta wisinallapajpis, nispa.

Jeremías 19:10

Chantá Tata Dios nillawarqataj: Chayta niytawankama, chay runakunaj ñawpaqenkupi p'uñuta p'akispa, niy:

Jeremías 19:11

Tukuy Atiyniyoj Tata Dios ajinata nin: Noqapis kay suyuta, kay llajtatapis p'akisaj, imaynatachus kay p'uñuta p'akikojta rikunkichej, ajinata, manañataj ujtawan ñawpaj karqankichej jina kankichejñachu. Runakunaqa wañusqankuta Tofetpi p'ampanqanku, imaraykuchus wajnejpi manaña ayata p'ampanankupaj campo kanqachu.

Jeremías 22:28

Coniasqa mana ni imapaj walej p'akisqa k'analla jina. Payqa mana rikuy atina lajrasqa yaku p'uñu jina. Imaraykutaj pay tukuy wawankunawan khuska mana rejsisqa suyuman wijch'usqa kanmanri?

Jeremías 25:34

Qhapariychej, michejkuna, nanaywan qhapariychej. Aylluyta pusajkuna, nanaywan pampapi sunt'iraychej, imaraykuchus wañuchisqa kanaykichej p'unchay chayamunña, qankunataj wira oveja jina ñak'asqa kankichej.

Oseas 8:8

Waj suyukuna Israelta oqokaponqanku, chay suyukunapitaj Israel lajrasqa t'uru manka jina ni imapaj walej kanqa.

San Mateo 10:27

Imatachus laqhapi nisqaykichej, chaytaqa qankuna sut'i p'unchaypi niychej. Pakaypi uyarisqaykichejtapis wasi patamanta qhaparispa willaychej.

Apocalipsis 2:27

imaynatachus Tatay noqamanpis kamachinaypaj atiyta qowarqa, ajinata. Paykunataj fierro varawan suyukunata kamachenqanku, t'uru mankata jinataj phiriranqanku.