Jeremías 48:37 - DIOSPA QHELQACHISQ

³⁷ Tukuyninku umankuta ruthukunku, tukuypa sunkhankupis ruthusqallataj. Tukuyninku makinkuta khuchurakunku, qhashqa p'achawantaj p'achallikunku.

Qheshwa Biblia DC

³⁷ Tukuyninku umasninkuta ruthukunku, tukuypa sunkhasninkupis q'arasllataj; tukuyninku makisninkuta khuchurakunku, qhasqa p'achaswantaj p'achallikunku.

DIOSPA QHELQACHISQAN DEUTEROCANONICAL

³⁷ Tukuyninku umankuta ruthukunku, tukuypa sunkhankupis ruthusqallataj. Tukuyninku makinkuta khuchurakunku, qhashqa p'achawantaj p'achallikunku.

Jeremías 48:37 ပူးပေါင်းရင်းမြစ်များ

Génesis 37:29

Chaymanta mana unayninmanchu Rubenqa pujyuman kutispa, Joseta manaña rikorqachu. Chayrayku llakikuspa, p'achanta llik'ikorqa.

Génesis 37:34

Jinapi Jacob p'achanta llik'irakuspa, qhashqa p'achata churaykukorqa. Jinaspataj, unayta churinmanta llakikuspa, waqarqa.

1 Reyes 18:28

Paykunataj aswan jatunmanta qhaparerqanku, usunkuman jinataj cuchillokunawan, lanzakunawan, yawar pukalla kanankukama khuchurakorqanku.

1 Reyes 21:27

Kuraj kamachej Ajabrí Diosmanta sut'inchajpa nisqanta jap'ikorqa. Chayrayku sinch'i llakisqa kasqanmanta yachayta qospa, p'achanta llik'ikorqa, qhashqa p'achata churakuspataj, mana imatapis mikhorqachu. Ajina qhashqa p'achayoj puñorqa, phutisqataj purerqa.

2 Reyes 6:30

Chantá kuraj kamachej chay warmej nisqanta uyariytawan, p'achanta llik'irakorqa. Perqa patanejta pasashajtintaj, runakuna rikorqanku kuraj kamachejqa ukhunpi qhashqa p'acha churaykusqa kashasqanta.

1 Crónicas 19:4

Chantá Janunqa Davidpa kachamusqan runakunata jap'inankuta kamacherqa, chantá sunkhankuta raphanankuta, p'achankutataj chakankumanta uraman k'uturpanankuta. Jinaytawantaj, paykunata kachariporqa.

Isaías 20:2

Chaypacha Tata Diosqa Amozpa churin Isaiasta nerqa: Qhashqa p'achaykita lluch'ukuy, jinallataj chakiykimanta juk'utaykitapis, nispa. Isaías ajinata ruwaspa, mana juk'utayoj, ukhunchana p'achallayoj purerqa.

Isaías 3:24

Chaypacha ima munayta q'apaj jawinaj cuentanmanta millay asnaylla kanqa. Chumpiwan watakunankumantaqa waskhallawan watakonqanku, sumaj simp'asqa kanankumantaqa q'ara umalla purenqanku. Chantá sumaj p'achata churakunankumantaqa qhashqa p'achallata churakonqanku, k'achita kanankumantaqa millayman tukonqanku.

Isaías 37:1

Kuraj kamachej Ezequías chayta uyarispa, llakiywan p'achanta llik'irakorqa, qhashqa p'achata churaykukuytawantaj, Tata Diospa Templonman rerqa.

Jeremías 16:6

Kay jallp'api atiyniyoj kajkuna, jinallataj mana kasu ruwana kajkunapis wañuchisqa kanqanku, manataj pipis paykunata p'ampaj kanqachu, nitaj waqanqankuchu. Kawsaqenkunaqa chaymanta llakisqa kasqankuta mana rikuchenqankuchu, ukhunkuta q'allurakuspa, chayrí chujchankuta ruthurakuspa ima.

Jeremías 41:5

pusaj chunka runakuna Sichemmanta, Silomanta, Samariamantawan chayamorqanku. Paykuna sunkhanku q'arasqa, p'achanku llik'isqa, chantá ukhunkupis khuchurasqa jamorqanku. Chayta paykuna kikinku khuchurakusqanku. Jinallatataj chajra poqoykunata jaywanankupaj, inciensota ima Tata Diospa Templonpi q'oshñichinankupaj apamusharqanku.

Jeremías 47:5

Chantá Gaza llajtayojkunaqa p'enqachisqa kaspa, chujchankuta ruthukonqanku. Ascalón llajtapis ch'inpacha qhepakonqa. Qankuna jatunkaray ñawpa runakunamanta puchojkuna, mayk'ajkamataj llakisqa kasqaykichejta rikuchispa ukhuykichejta q'allurakunkichejri? nispa.

Jeremías 49:3

Jesbón llajta, waqay, imaraykuchus Hai llajta phirisqaña kashan. Rabamanta warmikuna, sinch'ita waqaychej. Llakiy p'achawan p'achallikuychej, qhasqoykichejtataj takakuychej. Uman t'ojpisqa runa jina kayman jaqayman phinkiykachaychej, ukhuykichejtataj k'irirakuychej, imaraykuchus Milcón diosniykichej waj suyuman apasqa kashan. Jinallataj tukuy sacerdotenkunapis, kurajkuna ima apasqallataj kashanku.

Ezequiel 27:31

Qannejta umankutapis t'ojluchikonqanku, qhashqa p'achatapis churakonqanku. Sonqo nanaytataj jatunmanta qhaparispa, waqanqanku.

Ezequiel 29:18

Runaj churin, Babiloniaj kuraj kamachejnin Nabucodonosor soldadonkunata Tiro suyoj contranta kachaykorqa. Maqanakorqankutaj uma q'arakuyta, wasa llik'ikuyta ima. Chaywanpis ajina sinch'ita Tiro llajtayojkunawan maqanakusqankumanta Nabucodonosor nitaj soldadonkunapis ima pagotapis jap'erqankuchu.

Ezequiel 7:18

Llakiyninkuta rikuchispa, qhashqa p'achata churakonqanku, manchariywantaj kharkatitirenqanku. Tukuyninkojta umanku raphasqa kanqa, uyankupis p'enqaywan pukayarenqanku.

Levítico 19:28

Wañojkunamanta yuyarikunaykichejpaj ama ukhuykichejta q'allurakunkichejchu. Nillataj ukhuykichejpi ima marcatapis ruwakunkichejchu. Noqamin Tata Dios kani.

Amós 8:10

Raymiykichejta waqanaman tukuchisaj, takisqaykichejtapis llakiy yarawiman. Lutochisqaykichej, umaykichejtataj t'ojluchisqaykichej, sinch'i llakisqa kasqaykichej yachakunanpaj. Waqankichej, imaynatachus uj runa waqan k'ata wawan wañupojtin, jinata. Tukuy imataj may llakiyman tukonqa, nispa.

Miqueas 1:16

Sión llajtapi tiyakojkuna, munasqa wawaykichejkunarayku may llakisqa kasqaykichejta rikuchispa, sunkhaykichejta raphakuychej. Suweq'araj umanman rijch'akunankama umaykichejta ruthukuychej, imaraykuchus wawaykichejkunaqa mana munashajpis waj suyuman apasqa kanqanku.

Marcos 5:5

Payqa tuta p'unchay qhaparispallapuni panteonpi, chayrí orqokunapi ima puriykachaj, rumiwantaj takarakoj.

Apocalipsis 11:3

Noqatajrí iskay testigokunata kachamusaj, qhashqa p'achawan p'achallisqata. Paykunataj 1.260 p'unchayta sut'inchanqanku.