Jeremías 48:2 - DIOSPA QHELQACHISQ

² Moab suyoj runaykachaynin tukukonqa, imaraykuchus Jesbón llajtapi awqankuna umachakuspa, wakichikunku Moabta imaynamantachus chinkarparichinankupaj. Qan, Madmena, phirisqallataj kanki, maqanakupis qhepallaykitapuni jamonqa.

Qheshwa Biblia DC

² Moab llajtaj runaykachaynenqa tukukunña. Hesbón llajtapi enemigosnenqa umachakuspa wakichikunku, Moabta imaynamantachus chinkachinankuta. Qampis, Madmén phirisqallataj kanki, maqanakupis qhepallaykitapuni jamonqa.

DIOSPA QHELQACHISQAN DEUTEROCANONICAL

² Moab suyoj runaykachaynin tukukonqa, imaraykuchus Jesbón llajtapi awqankuna umachakuspa, wakichikunku Moabta imaynamantachus chinkarparichinankupaj. Qan, Madmena, phirisqallataj kanki, maqanakupis qhepallaykitapuni jamonqa.

Jeremías 48:2 ပူးပေါင်းရင်းမြစ်များ

Isaías 15:1

Moab suyoj contranta Isaías kay jinata sut'incharqa: Uj ch'isilla Moab suyupi Ar llajta chinkachisqa kanqa, jinallataj Quir llajtapis laqayaman tukuchisqa kanqa.

Isaías 15:5

Moab suyurayku mayta llakikuni, runankunaqa Soarkama chantá Eglat Selisiyakama ayqekunku. Luhit wichaynejta waqarikuspa wicharinku, Joronayinman rina ñanpitaj may jina llakiyta qhaparikunku chinkachisqa kasqankumanta.

Isaías 16:14

Kunantajrí Tata Dios kay jinata nin: Imaynatachus kamachi runa parlasqan p'unchaykamalla imachus ruwananta ruwan, ajinallatataj kinsa wataman Moabpa may uyarisqa atiynenqa phirisqa kanqa. Ashkha runayoj kasqanmantataj pisillaña puchonqanku, nitaj imatapis ruwayta atenqankuchu, nispa.

Isaías 25:10

Tata Dios makinwan Sión orqota waqaychanqa, Moab suyutatajrí pachanpi sarurparenqa, imaynatachus pajata q'opata jich'anapi sarunku, ajinata.

Jeremías 25:15

Israelpa Diosnin Tata Dios niwarqa: Qhawariy: Kay vasoqa vinowan jina phiñakuyniywan junt'a kashan. Chayta makiymanta jap'ispa, ujyachimuy maymanchus kachasqayki, chay tukuy suyukunaman.

Jeremías 25:17

Chantá noqa chay vasota Tata Diospa makinmanta jap'iytawan, tukuy suyukunaman ujyacherqani, mayqenkunamanchus Tata Dios kachawarqa, chaykunaman.

Jeremías 31:36

Sichus chay ruwasqay imakuna kamachisqayman jina manaña purinkumanchu chayqa, ichapis chay p'unchaymantapacha Israel manaña aylluychu kanman. Ajinata noqa Tata Dios nini.

Jeremías 33:24

Manachu reparanki imatachus runakuna nishasqankuta? Paykuna nishanku: Tata Diosqa chay iskaynin ajllakusqan aylluta qhesachan, nispa. Chayrayku pisipaj qhawaspa, aylluytaqa manaña suyupaj jinachu qhawashanku, nispa.

Jeremías 46:28

Noqa Tata Diosmin kayta nini: Ama manchachikuychu, Jacobpa ayllun, imaraykuchus noqa qanwan kashani. Maykunamanchus ch'eqeracherqayki, chay tukuy suyukunata phirisaj. Jinapis qantaqa mana chinkachisqaykichu, manachayqa mana allinta ruwasqaykiman jina jasut'ispa, cheqan ñanman churasqayki. Qanqa jasut'isqapuni kanayki tiyan. Noqa Tata Diosmin chayta nini.

Jeremías 48:17

Moabpa muyuyninpi kajkuna, paymanta waqaychej. Manchay uyarisqa kasqanta yachajkunapis niychej: Qhawaychej imaynachus kamachiynin phirisqa kasqanta. Chay kamachiynenqa may k'achitu, sumaj atiyniyojtaj karqa, nispa.

Jeremías 48:42

Moabqa chinkachisqa kanqa manaña suyu kananpaj, imaraykuchus Tata Diospa contranpi oqharikorqa.

Jeremías 48:45

Kallpanku llawch'iyasqa ayqekojkunaqa Jesbón llajtapi pakakuyta mask'anqanku. Jinallapi Jesbonmanta kuraj kamachej Sijonpa llajtanmanta nina llojsimonqa. Chayqa Moabmanta ayqejkunata ruphaykonqa, chay ch'ajwa mask'aj runakunata.

Jeremías 49:3

Jesbón llajta, waqay, imaraykuchus Hai llajta phirisqaña kashan. Rabamanta warmikuna, sinch'ita waqaychej. Llakiy p'achawan p'achallikuychej, qhasqoykichejtataj takakuychej. Uman t'ojpisqa runa jina kayman jaqayman phinkiykachaychej, ukhuykichejtataj k'irirakuychej, imaraykuchus Milcón diosniykichej waj suyuman apasqa kashan. Jinallataj tukuy sacerdotenkunapis, kurajkuna ima apasqallataj kashanku.

Jeremías 49:37

Noqaqa Elammanta kaj runakunata awqankoj ñawpaqenkupi phirisaj, pikunachus paykunata wañuchiyta munajkunaj ñawpaqenkupi. May ñak'ariykunata, may k'araj phiñakuyniytawan paykunaj patankuman kachaykusaj. Maqanakuta kachaykullasajtaj tukuy paykunata chinkachinaykama. Noqa Tata Diosmin chayta nini.

Números 32:37

Rubén jatun ayllumanta kajkunapis kay llajtakunata watej sayarichillarqankutaj: Jesbonta, Elealeta, Quiriatayinta,