Jeremías 48:15 - DIOSPA QHELQACHISQ

¹⁵ Kunantajrí Moab phirisqa kanqa, llajtankunataj ch'inyachisqa. Sumaj waynakunapis wañurachisqa kanqanku. Ajinata noqa Tukuyta Kamachej, Tukuy Atiyniyoj Tata Dios nini.

Qheshwa Biblia DC

¹⁵ Chayamushanña Moabta, llajtasnintapis phirejqa; aswan allin wayna runasnimpis wañuranqanku. Chay reyqa nin, sutenqa Tukuy Atiyniyoj Señor.

DIOSPA QHELQACHISQAN DEUTEROCANONICAL

¹⁵ Kunantajrí Moab phirisqa kanqa, llajtankunataj ch'inyachisqa. Sumaj waynakunapis wañurachisqa kanqanku. Ajinata noqa Tukuyta Kamachej, Tukuy Atiyniyoj Tata Dios nini.

Jeremías 48:15 ပူးပေါင်းရင်းမြစ်များ

Salmos 47:2

2 (3) Patapi Kaj Tata Diosqa may jina manchachikunapaj jina, paytaj tukuy kay pachapi Kuraj Kamachej kashan.

Jeremías 46:18

Tukuy Atiyniyoj Tata Dios sutiyoj Tukuyta Kamachejrí nin: Sutiyrayku tiluspa, nini: Tabor orqo jina, tukuy orqokunamanta aswan jatun kaj, Carmelo orqo jinataj mama qocha kantupi may pataman oqharisqa, ajinamin, pichus jamushan, chay awqaqa.

Jeremías 48:4

Moab suyu raqayllaña, nanaywan qhaparisqankutaj Sóar llajtakama uyarikun.

Jeremías 50:27

Tukuy wapu soldadonkunata wañuchiychej, ñak'ana cheqaman paykunata apaychej. Ay, paykunamanta, imaraykuchus wañunanku p'unchay chayamun, jasut'isqa kananku p'unchaytaj.

Jeremías 50:34

Jinapis preciota pagaspa kacharichejninkoqa may kallpasapamin, sutintaj Tukuy Atiyniyoj Tata Dios. Paymin paykunarayku justiciata ruwanqa, allin kawsaytataj suyunkuman apamonqa. Babiloniapi tiyakojkunamanrí jatun manchachikuyta kachaykonqa, nispa.

Jeremías 51:40

Chaymanta camalman paykunata qhatisaj, imaynatachus corderokunata, chivokunata, mochokunatapis apankichej, ajinata, nispa.

Jeremías 51:57

Tukuy Atiyniyoj Tata Dios sutiyoj Tukuyta Kamachej nin: Babiloniamanta kurajkunata machaykuchisaj. Jinallataj yachayniyoj runakunata, kamachina wasipi kamachejkunata, kuraj kamachejta yanapajkunata, chantá soldadonkunata ima machaykuchillasajtaj. Paykunaqa wiñaypaj puñukaponqanku mana rijch'arimuyniyojta.

Daniel (hebreo) 4:37

37 (34) Chayrayku noqa Nabucodonosorqa janaj pachapi Kuraj Kamachej Diosta yupaychani. Sutinta pataman oqharini, jatunchanitaj, imaraykuchus tukuy ruwasqanqa cheqapuni, cheqantaj. Chantá pay jatunchakojkunatapis k'umuykuchiyta atillantaj.

Amós 4:10

Imaynatachus Egiptoman millay onqoykunata kachaykamorqani, ajinallatataj onqoykunata kachaykamorqaykichej. Saqerqani waynaykichejkuna maqanakupi wañuchisqa kanankuta, saqellarqanitaj awqaykichej caballoykichejkunata qhechusunaykichejta. Wañojniykichejpa asnasqankuta jaraykichejpi muskhicherqaykichej. Chaywanpis qankuna manapuni noqaman kutirikamuwarqankichejchu. Noqa Tata Diosmin chayta nini.

Zacarías 14:9

Chay p'unchayqa Tata Dioslla tukuy kay pachata kamachenqa. Chaypacha uj k'ata Tata Dioslla kanqa, uj k'atallataj sutinpis kanqa.

Malaquías 1:14

Maldicisqa kachun, pichus sumajnin kaj uywata qonawanta nishaspa onqosqa kajta jaywawajqa, imaraykuchus noqa Kuraj Kamachejninku kani. Waj suyukunapitaj runakuna may jatun respetowan qhawawanku. Noqa Tukuy Atiyniyoj Tata Dios chayta nini.

Santiago 5:4

Chantá qankuna chajraykichejta oqharejkunaman ch'awkiyaspa mana pagarqankichejchu, chay mana pagasqaykichej qolqetaj contraykichejta qhaparishan. Arí, chajraykichejta oqharejkunaj qhaparisqankoqa Tukuy Atiyniyoj Diospa ninrinkama chayan.

Apocalipsis 19:16

P'achanpitaj, moqon patanejpitaj kay suti qhelqasqa karqa: Kamachejkunaj Kuraj Kamachejninku, Wiraqochikunaj Kamachejnintaj, nispa.