Jeremías 48:14 - DIOSPA QHELQACHISQ

¹⁴ Mayta jatunchakuspa, Moabqa nej: May wapu kayku, maqanakupaj sumaj wapu soldadokuna, nispa.

Qheshwa Biblia DC

¹⁴ Moabqa ama nichunchu, may wapus kayku, kallpasapas, maqanakojkunastaj kayku, nispaqa.

DIOSPA QHELQACHISQAN DEUTEROCANONICAL

¹⁴ Mayta jatunchakuspa, Moabqa nej: May wapu kayku, maqanakupaj sumaj wapu soldadokuna, nispa.

Jeremías 48:14 ပူးပေါင်းရင်းမြစ်များ

Salmos 11:1

(1b) Noqaqa Tata Diospi atinikuni. Imaraykutaj niwanku: Orqoman p'isqo jina ayqey, nispari?

Salmos 33:16

Ni mayqen kuraj kamachejqa ashkha soldadoyoj kashaspapis payllamanta kacharichikuyta atenqachu, nitaj wapu runapis kallpallanwanqa.

Eclesiastés 9:11

Chay jawa ujtawan qhawaspa, kaytapis rikullarqanitaj: Kay pachapi mana usqhayta t'ijojkunachu sapa kuti atipanku, maqanakupitaj mana kallpayojkunachu. Yachajniyojkunapis wakin kuti mana mikhunayoj rikhurinku, nitaj allin yuyayniyojkunapis qhapajchu kanku, nitaj yachajkunapis sapa kuti jatunpaj qhawasqachu kanku. Manachayqa tiempo chayamojtin, wakinpaj allin tiempo chayamun, wakinpajtaj mana.

Isaías 10:13

Asiriata kuraj kamachej nin: Kaytaqa kallpaywan ruwani, yachayniywan ruwani yuyayniyoj kasqayrayku. Tukuy suyukunaj jallp'ankuman yaykuykuspa jap'ikapuni, tukuy kapuyninkutataj qhechumuni. Kuraj kamachejninkutapis may wapu kayniywan atiparparini.

Isaías 10:16

Chayrayku Tukuy Atiyniyoj Tata Diosqa runaykachaj Asiriaman llawch'iyay onqoyta apachimonqa, Asiriata kuraj kamachejpa jatun kaynintataj ninawan jap'iykuchenqa llant'ata jina.

Isaías 16:6

Moabmanta runakunaj mayta wapuykachasqankumanta uyarinchej, mayta runaykachasqankumanta, machu machu kasqankumantapis. Chaywanpis may kasqankumanta parlasqankoqa yanqhalla.

Jeremías 49:16

Qan mayta runaykachasqaykiwan q'otiyachikorqanki, imaraykuchus tukuyta manchachej kanki. Qanqa chhanka k'ajllukunallapi tiyakoj kanki, orqokunamanta ch'ipasqa. Anka jina may altopi thapachakunki chaypis, chaymantapacha urmaykuchimusqayki. Noqa Tata Diosmin chayta nini.

Jeremías 8:8

Imaynatataj qankuna niwajchej: Yachayniyoj kayku, imaraykuchus Tata Diospa kamachisqankuna qhelqasqa tiyapuwayku, nispari? Chay kamachisqakunata yachachejkuna yapaykuspa qhelqanku, manataj maychus kajta yachachinkuchu.

Jeremías 9:23

23 (22) Tata Dios nillantaj: Yachayniyoj runa yachayniyoj kasqanmanta ama runaykachachunchu, nitaj atiyniyojpis atiyninmanta, nillataj qhapajpis kapuyninmanta umata oqharichunchu.

Ezequiel 30:6

Tata Dios kay jinata nillantaj: Egiptota maqanakupi yanapajkunapis wañuchisqallataj kanqanku. Atiyniyoj kasqanmanta jatunchakusqanpis urmallanqataj. Migdol nisqa jap'iymanta Sevene nisqa jap'iykama maqanakupi wañuchisqa kanqanku. Noqa Tukuyta Kamachej Tata Dios ajinata nini.

Sofonías 2:10

Moab suyumanta kajkuna chay jina pagota jap'enqanku, jinallataj Amón suyupi tiyakojkunapis, Tata Diospa ayllunmanta alqochakusqankurayku, Tukuy Atiyniyoj Tata Diospa ayllunnejta qhapajyasqankurayku ima.