Jeremías 46:7 - DIOSPA QHELQACHISQ

⁷ Pitaj Nilo mayu jina wiñaykamuspa wasaykunri, sinch'i llump'irishaj mayu jinari?

Qheshwa Biblia DC

⁷ Pitaj chay wiñay Nilo mayu jinari, sinch'i correj yakusniyoj jinari?

DIOSPA QHELQACHISQAN DEUTEROCANONICAL

⁷ Pitaj Nilo mayu jina wiñaykamuspa wasaykunri, sinch'i llump'irishaj mayu jinari?

Jeremías 46:7 ပူးပေါင်းရင်းမြစ်များ

TAKIYKUNA 3:6

Imataj jaqayri, ch'innejmanta q'oshñi jina rikhurimushan chayri? Imataj mirrawan, inciensowan, tukuy ima sumaj q'apaykunawan q'aparishaj jamushanri?

TAKIYKUNA 8:5

Pitaj jaqay warmi ch'innejmanta jamushanri, munasqanpa lijranman atiykukuspari? Manzana sach'a urapi rijch'aricherqayki, maypichus mamayki nanaywan jap'ichikorqa, maynejpichus qanta paqarichikusorqa, chaypi.

Isaías 63:1

Pitaj Edom suyumanta jamushanri? Pitaj Bosra llajtamanta jamushan puka p'achayojri? Pitaj sumaj p'achallisqa atiyniyoj thaskejri? Chaymin noqa Tata Dios kani, pichus qhespichinapaj atiyniyoj kaspa, atipanaytapuni willani, chay.

Jeremías 47:2

Tata Dios kay jinata nin: Wichaynejmanta yaku jina junt'aykamonqa. Imaynatachus mayoqa wasaykuspa tukuynin jallp'ata, chaypi kaj llajtakunata, runantinta ima p'ampaykun, ajinata p'ampaykonqa. Tukuy chaynejpi tiyakojkunaqa qhaparenqanku. Tukuy runapis nanaywan waqanqanku.

Ezequiel 32:2

Runaj churin, Egiptoj kuraj kamachejninpaj kay jina yarawita takipuy: Qanqa suyukuna ukhupi leonman rijch'akunki. Mama qochapi tiyakoj sierpemanpis rijch'akullankitaj. Mayuykipi qhoshpanki, yakutapis chakiykiwan qonchuyachinki, jinallataj wayq'opi yakutapis ch'akichinki.

Daniel (hebreo) 11:10

Chaywanpis wichaynejmanta kuraj kamachejpa churinkuna maqanakupaj wakichikonqanku, ashkha soldadotataj tantaykonqanku. Paykunamanta ujnintaj soldadonkunawan khuska uray kaj suyuman yaykonqa, mayuta wasaykoj yaku jina tukuyninta phiriykuspa. Chay suyupi sinch'ita maqanakuspataj, kamachina wasikama chayanqanku.

Daniel (hebreo) 11:22

Contranpi sayaykoj soldadokunata tukuyninkuta chinkachenqa, jinallatataj tratota ruwajtapis wañuchillanqataj.

Daniel (hebreo) 9:26

Chay sojta chunka iskayniyoj semana qhepata Diospaj Ajllasqan Kuraj Kamachejta wañuchenqanku. Chantá waj kuraj kamachej jamuspa, Jerusalén llajtata, jinallataj Templotapis soldadonkunawan thuñiykuchenqa. Tukuy imaj tukukuynenqa jatun mayu jina ujllata chayamonqa. Chay tukukuykamarí Dios kamachisqanman jina maqanakuy, llakiykuna ima kallanqapuni.

Amós 8:8

Chay jina millay ruwasqankumanta kay suyoqa kharkatitenqa. Jinallatataj chay suyupi tukuy tiyakojkuna waqanqanku. Chaypacha jallp'a pachallanmanta kuyurenqa, tiyaykonqataj, imaynatachus Nilo mayupi yaku ashkhayantaj pisiyantaj, jinata, nispa.

Apocalipsis 12:15

Chantá sierpeqa warmej qhepanta siminmanta ashkha yakuta phullchichimorqa, chay warmita yaku apananpaj.