Jeremías 46:2 - DIOSPA QHELQACHISQ

² Judata kuraj kamachej Josiaspa churin Joacín tawa watataña kamachishajtin, Éufrates mayu qayllapi Carquemis llajtapi Babiloniata kuraj kamachej Nabucodonosorqa Egiptota kuraj kamachej Necaojpa soldadonkunata atiparqa. Chaypacha Tata Diosqa Egiptomanta kayta nerqa:

Qheshwa Biblia DC

² Kaymin karqa Egiptoman chay willayqa, astawanqa Egiptomanta rey faraón Necaopa soldadosninman jina, chaypacha Eufrates mayu qayllapi kasharqanku chay Carquemis llajtapi, paytamari Babiloniamanta rey Nabucodonosorqa atipaykorqa Josiaspa wawan Judamanta rey Joacim tawa watastaña kamachishajtin.

DIOSPA QHELQACHISQAN DEUTEROCANONICAL

² Judata kuraj kamachej Josiaspa churin Joacín tawa watataña kamachishajtin, Éufrates mayu qayllapi Carquemis llajtapi Babiloniata kuraj kamachej Nabucodonosorqa Egiptota kuraj kamachej Necaojpa soldadonkunata atiparqa. Chaypacha Tata Diosqa Egiptomanta kayta nerqa:

Jeremías 46:2 ပူးပေါင်းရင်းမြစ်များ

2 Reyes 18:21

Qanqa Egipto yanapananpi atinikushanki. Egiptorí p'akisqa soqoso jina, pichus chaypi atikojtaqa makinta t'ojsispa pasarparenqa. Egipto suyuta kuraj kamachej faraonqa ajinamin paymanta jap'ikojkunapajqa.

2 Reyes 23:29

Josías kamachishajtin chaypachataj, Egipto suyuta kuraj kamachej faraón Necao Éufrates mayu qayllaman llojsimorqa Asiria suyuta kuraj kamachejta yanapananpaj. Kuraj kamachej Josiastajrí paywan maqanakoj Meguidoman rerqa. Necaotaj Josiaswan tinkuytawankama, wañucherqa.

2 Reyes 23:33

Chantá faraón Necao Jamat jap'iypi, Ribla llajtapi Joacazta presocharqa, amaña Jerusalenpi kamachinanpaj. Faraón Necao kamachillarqataj Judá suyumanta kajkuna impuestota payman paganankuta, 3.300 kilo qolqe metalta, kinsa chunka kinsayoj kilo qorita ima.

2 Reyes 24:7

Chaymantapacha faraonqa Egiptomanta manaña ujtawan llojsimorqachu, imaraykuchus Babiloniata kuraj kamachejqa faraonpa jallp'anta Egipto mayumantapacha Éufrates mayukama jap'ikapusqa.

Isaías 10:9

Calno llajtata phirerqanchej, imaynatachus ñawpajta Carquemista ruwarqanchej, ajinallatataj. Jamat llajtatapis jap'ikapullanchejtaj Arfad llajtata jina. Chantá Samaria llajtatapis phirillarqanchejtaj Damasco llajtata jina.

Isaías 19:1

Isaías Egipto suyoj contranpi sut'inchaspa, kay jinata nerqa: Qhawariychej, Tata Diosqa Egiptoman phuyu patapi usqhayta jamushan. Chantá Egiptopi kaj lantikuna payta rikuytawan, kharkatitenqanku, Egiptomanta runakunataj maytapuni mancharikonqanku.

Isaías 19:19

Chaypacha kikin Egipto suyu chawpipi Tata Diospaj uj altar kanqa, chay jallp'aj mojonninpitaj Tata Diospa sutinpi uj rumita sayachenqanku.

Jeremías 25:1

Josiaspa churin Joacín tawa watataña Judapi kamachishajtin, Tata Diosqa Jeremiasman willarqa Judá suyuman imachus jamunanta. Chay karqa Babiloniapi kuraj kamachej Nabucodonosor uj watallataraj kamachishajtin.

Jeremías 25:19

Egiptota kuraj kamachej faraonmanpis ujyachillarqanitaj, jinallataj kamachinkunaman, kurajninkunaman, tukuy runankunamanpis.

Jeremías 25:9

Chayrayku wichaynejmanta tukuy soldadokunata wajyasaj, jinallataj Babiloniamanta kamachiy Nabucodonosortapis. Chantá paykuna kay suyuman yaykumuspa, tukuy kaypi tiyakojkunawan maqanakonqanku, jinallataj chay qaylla suyukunawanpis. Ajinata qankunata kantumanta tukuchisqaykichej. Llajtaykichejkunata raqaykunallaña kanankupaj ruwasaj, jinallataj mancharikunapaj, asikunapaj jina ruwasaj.

Jeremías 36:1

Josiaspa churin Joacín Judá suyuta tawa watataña kamachishajtin, Tata Diosqa Jeremiasta nerqa:

Jeremías 43:11

Chantá pay Egipto suyuta phirita ruwanqa. Pikunachus wañunankupaj churasqa kashanku, chaykuna wañonqanku. Jinallataj pikunachus llajtankumanta waj suyuman apasqa kanankupaj churasqa kashanku, chaykuna apasqapuni kanqanku. Pikunatajchus maqanakupi wañuchisqa kanankupaj churasqa kashanku, chaykunapis maqanakupi wañullanqankutaj.

Jeremías 45:1

Josiaspa churin Joacín Judá suyupi tawa watataña kamachishajtin, Neriaspa churin Baruc Diosmanta sut'inchaj Jeremiaspa parlasqanta qhelqarqa. Chaypacha Jeremiasqa Baructa nerqa:

Jeremías 46:14

Egipto suyupi Migdol llajtapi, Menfis llajtapipis, chantá Tafnes llajtapipis kayta willaychej: Soldadokuna, maqanakupaj wakichikuychej, imaraykuchus espadaqa muyuyniykichejpi t'ustita ruwanqa.