Jeremías 45:5 - DIOSPA QHELQACHISQ

⁵ Qanqa jatunpaj qhawasqa kaytachu mask'akushanki? Chayta ama mask'aychu, imaraykuchus noqa tukuy runaj patankuman ñak'ariykunata kachaykamusaj. Chaywanpis mayman rejtiykipis, waqaychasqayki ama wañuchisqa kanaykipaj, nispa.

Qheshwa Biblia DC

⁵ Qampajqa may jatun k'acha imastachu mañakunki? Ama mañaychu. Noqa tukuy runaspa patanman ñak'ariykunasta apachimusaj, kausayniyoj qhepakunaykita saqesqayki maymampis risqaykipi. Noqa Señor chayta nini.

DIOSPA QHELQACHISQAN DEUTEROCANONICAL

⁵ Qanqa jatunpaj qhawasqa kaytachu mask'akushanki? Chayta ama mask'aychu, imaraykuchus noqa tukuy runaj patankuman ñak'ariykunata kachaykamusaj. Chaywanpis mayman rejtiykipis, waqaychasqayki ama wañuchisqa kanaykipaj, nispa.

Jeremías 45:5 ပူးပေါင်းရင်းမြစ်များ

Génesis 6:12

imajtinchus tukuy runakuna allintapuni millayta purinaman qokapusqanku. Kay pachapi millayta ruwaspa purina anchañapuni kasqanta Tata Dios rikorqa.

1 Reyes 3:11

Tata Diostaj nerqa: Qanqa mana mañakuwankichu unayta kawsayta, nitaj qhapaj kaytachu, nillataj awqaykikuna wañuchisqa kanankutachu. Manachayrí sumaj yachayniyoj kayta mañakuwanki, kay aylluyta sumajta kamachinaykipaj.

1 Reyes 3:9

Chayrayku jatun sonqota qoway, jatun yachaytawan, aylluykita allinta kamachinaypaj jina, sajra kajta, allin kajtapis reparanaypaj. Manachayqa, pitaj kay chhikan aylluykita kamachiyta atinmanri? nispa.

2 Reyes 5:26

Chantá Eliseo nerqa: Uj runa carretanmanta urayk'amuspa qanman chimpamushasojtin, noqa sonqoypi yacharqaniña. Mana kunanchu qolqeta jap'inapaj tiempo. Manallataj kunanchu p'achata, olivo huertata, uva huertata, ovejakunata, wakakunata, wata runakunata rantina tiempoqa.

Salmos 131:1

(1b) Tata Dios, sonqoyqa mana jatunchakunchu, nitaj ñawiypis ni pita pisipaj qhawanchu. Mana jatuchaj t'ukuna imakunaj qhepantachu purini, nitaj mana ruway atinaj qhepantapis.

Isaías 66:16

Tata Dios tukuyta juzganqa, jinataj may chhika runakunata ninawan, espadawan ima wañurachenqa.

Jeremías 21:9

Pichus kay llajtapi qhepakojqa maqanakupi, yarqhaywan, chayrí onqoywan wañuchisqa kanqa. Pitajchus caldeokunawan jap'ichikonqa chayqa, mana wañonqachu, aswanpis kawsanqa.

Jeremías 25:15

Israelpa Diosnin Tata Dios niwarqa: Qhawariy: Kay vasoqa vinowan jina phiñakuyniywan junt'a kashan. Chayta makiymanta jap'ispa, ujyachimuy maymanchus kachasqayki, chay tukuy suyukunaman.

Jeremías 25:16

Chantá chay vasota ujyaykuytawan, chankaykachanqanku, t'ojpirayanqankutaj, paykunaman maqanakuyta apachimusqayrayku, nispa.

Jeremías 25:26

Chantá wichaynejmanta kaj kuraj kamachejkunaman, qayllapi kajkunaman, chayrí karupi kajkunamanwan ujyacherqani. Tukuy kay pachapi kaj kuraj kamachejkuna ujyarqanku. Tukuyninkumanta qhepatataj Babiloniamanta kuraj kamachejpis ujyallarqataj.

Jeremías 25:31

Tata Diospa qhaparisqanqa tukuy kay pachaj k'uchunkama chayanqa, imaraykuchus Tata Diosqa suyukunaj contrankupi juiciota oqharenqa. Payqa tukuy runata juzgananpaj wajyanqa, millayta ruwajkunatataj wañuchisqa kanankupaj juchachanqa. Tata Diosmin chaytaqa nin.

Jeremías 38:2

Tata Dios nin: Pichus llajtapi qhepakojqa maqanakupi, onqoywan, chayrí yarqhaywan wañonqa. Pichus caldeokunaman k'askapojrí mana wañuchisqachu kanqa, nispa.

Jeremías 39:18

Nillanitaj: Cheqatapuni noqa waqaychasqayki ama wañuchisqa kanaykipaj. Qan noqapi atinikusqaykirayku kawsallankipuni, nispa.

Sofonías 3:8

Chayrayku, qankuna suyariwaychej, maypachachus noqa sayarisaj contraykichejpi parlanaypaj, chay p'unchaykama. Noqa Tata Dios kayta nini: Yuyaychakuni, suyukunata, kamachejkunatawan tantamuyta, phiñakuyniyta patankuman jich'aykunaypaj, may k'ajashaj phiñakuyniyta paykunaman rejsichinaypaj. Chay k'araj phiñakuyniyraykutaj tukuy kay pacha t'usti ruwasqa kanqa.

Romanos 12:16

Ujkuna ujkuna uj sonqolla kaypi kawsakuychej. Amataj jatunchakuychejchu, manachayqa pisipaj qhawasqa kajkunawan kawsakuychej. Amallataj yachaysapa kasqaykichejta yuyakuychejchu.

Hebreos 13:5

Ama ashkha qolqeyoj kanamanta phutikuspa kawsaychejchu. Manachayqa imachus kunan tiyapusunkichej, chaywan sonqo junt'asqa kakuychej, imaraykuchus Dios nin: Mana qonqarparisqaykichu, nitaj saqerparisqaykichu, nispa.