Jeremías 44:4 - DIOSPA QHELQACHISQ

⁴ Noqaqa kutin kutinta kamachiykuna sut'inchajkunata paykunaman kacharqani, kay jinata ninankupaj: Imatachus Tata Dios millachikun, chayta amañapuni ruwaychejchu, nispa.

Qheshwa Biblia DC

⁴ Kutin kutinta kamachisniy profetasta qankunaman kachamorqaykichej willanasuykichejpaj millachikuni chaykunata amaña ruwanaykichejpaj.

DIOSPA QHELQACHISQAN DEUTEROCANONICAL

⁴ Noqaqa kutin kutinta kamachiykuna sut'inchajkunata paykunaman kacharqani, kay jinata ninankupaj: Imatachus Tata Dios millachikun, chayta amañapuni ruwaychejchu, nispa.

Jeremías 44:4 ပူးပေါင်းရင်းမြစ်များ

2 Crónicas 36:15

Ñawpa tatankoj Diosninku Tata Dios Templonrayku, ayllunta khuyakusqanraykutaj, kutin kutinta sut'inchajninkunata kacharqa ayllunta k'aminankupaj.

Nehemías 9:30

Watan watanta paykunawan pacienciakorqanki. Espirituykiwan, sut'inchajkunapiwan paykunaman willachej kanki kamachisqaykita junt'anankuta. Chaytapis manallataj kasojchu kanku, chayraykutaj waj suyukunaj makinkuman paykunata jaywaykorqanki.

Nehemías 9:34

Kuraj kamachejniyku, kurajniykukuna, sacerdoteykukuna, ñawpa tataykukuna ima, kamachisqaykita mana junt'arqankuchu. Nillataj kamachisqaykikunata, nitaj k'amisqaykitapis kasorqankuchu.

Jeremías 16:18

Ñawpajtaqa uj jinatawanraj tukuy millay ruwasqaykichejmanta, jinataj juchaykichejmantapis qankunata jasut'isqaykichej, imaraykuchus millay mana kawsayniyoj lantikunata yupaychaspa, jallp'ayta ch'ichicharqankichej, chayaqeytataj millay ruwasqaykichejwan junt'acherqankichej, nispa.

Jeremías 26:5

Sichus kamachiykunaj k'amisqankuta mana kasunkichejchu, pikunatachus qhepan qhepanta kachamorqaykichej, chaykunanejta chayqa,

Jeremías 29:19

Chayta ruwasaj, imaraykuchus kamachiykunanejta tukuy willachisqayta mana kasorqankuchu, maypachachus noqamanta sut'inchajkunata kutin kutinta kachamorqani, chaypacha, nispa. Ajinata noqa Tata Dios nini.

Jeremías 32:33

Paykunaqa wasanchawarqanku, manataj kutirikamuwayta munarqankuchu. Noqa paykunata kutin kutinta yachachispa k'amerqani chaypis, mana kasuwarqankuchu, nitaj jasut'isqaywan wanaytapis munarqankuchu.

Jeremías 32:34

Astawanpis noqapaj t'aqasqa Temployta ch'ichicharqanku millay lantinkuta chaypi sayachispa.

Jeremías 32:35

Jinallataj Ben Jinón vallepipis Baalpaj altarkunata ruwarqanku chaypi churinkunata, ususinkunata ima uywa ñak'asqata jina Molocman q'olachinankupaj. Noqatajrí chay jina millayta ruwanankuta ni jayk'aj kamacherqanichu, nitaj yuyallarqanipischu. Jinata ruwaspa, chay kurajkunaqa Judá suyupi tiyakoj runakunata juchallicherqanku, nispa.

Jeremías 35:15

Qhepan qhepanta noqamanta sut'inchajkunata kachamorqaykichej ninasuykichejpaj: Mana allin ruwasqaykichejta, millay kawsayniykichejta ima saqeychej. Ama waj dioskunaj qhepankuta ripuychejchu, nillataj paykunata yupaychaychejchu. Kay nisqaytachus kasuwankichej chayqa, qankunaman, jinataj ñawpa tataykichejmanpis qosqay jallp'api tiyakullankichejpuni, nispa. Chaywanpis qankunaqa manapuni kasuwarqankichejchu, nitaj nisqayta junt'arqankichejchu.

Jeremías 35:17

Chayrayku noqa Israelpa Tukuy Atiyniyoj Tata Diosnin nini: Noqa Judapi tiyakojkunaj patanman, jinataj Jerusalén llajtapi tiyakojkunaj patankumanpis tukuy ima ñak'ariykunata kachaykamusaj. Noqa parlapayarqaykichej, qankunatajrí mana kasuwarqankichejchu. Jinallataj wajyarqaykichej, manataj uyariwarqankichejchu, nispa.

Jeremías 7:13

Mashkha kutita parlapayarqaykichej, qankunatajrí mana kasuwayta munarqankichejchu, nitaj uyarillawaytapis munarqankichejchu.

Jeremías 7:17

Judá suyupi, jinataj Jerusalén llajtapipis imatachus ruwasqankuta manachu rikunki?

Jeremías 7:18

Wawakunaqa llant'ata pallanku, tatakunataj ninata jap'ichinku. Warmikunatajrí masata puñanku tortillata ruwanankupaj. Chantá Janajpi Qoya, nisqa lantiman chayta jaywanku. Jinallataj mana rejsisqa dioskunaman vinotapis jaywanku, chayta ruwaspataj, noqata phiñachiwanku.

Jeremías 7:25

Ñawpa tataykichejkuna Egiptomanta llojsimusqankumantapacha kunankama, qankunaman sapa kuti noqamanta sut'inchajkunata kachamullarqanipuni.

Ezequiel 16:36

Noqa, Tukuyta Kamachej Tata Dios niyki: Qanqa mana p'enqakuspa, munapayasojkunawan khuchichakunaykipaj q'alakunki, jinataj millay lantiykikunata yupaychaspa, khuchichakunki. Jinallataj wawaykikunata wañuchispa, lantikunaman uywa wañuchisqa q'olachinata jina jaywarqanki.

Ezequiel 16:47

Qantaj paykunamanta yachakuspa purerqanki, paykuna jina millachikunapaj ruwaspa. Chaywanpis mana sajsaspa, paykunamanta aswan millaytaraj ruwarqanki.

Ezequiel 18:31

Contraypi tukuy millay ruwasqaykichejmanta t'aqakuychej, mosoj sonqowan p'achallikuychej, mosoj kallpawantaj. Israel ayllu, imaraykutaj wañuyta munankichejri?

Ezequiel 8:10

Chantá noqa chayman yaykuspa, perqaj tukuy muyuyninta katarikunaman rijch'akojta pintasqata rikorqani, ch'ichipaj qhawasqa animalkunatawan. Jinallataj Israel aylloj tukuy lantinkukuna pintasqatapis rikullarqanitaj.

Daniel (hebreo) 9:6

Kamachiyki sut'inchajkunapis kuraj kamachejniykuta, kurajkunata, ñawpa tataykukunata, tukuynin israelitakunata ima sutiykipi k'amillawarqaykutaj. Chaywanpis manallataj paykunata kasorqaykuchu.

Zacarías 7:7

Manachu Tata Dios ñawpa sut'inchajkunaman kikillantataj nerqa, maypachachus Jerusalén ashkha runayoj llajta karqa, manataj ni ima ch'ajwapis karqachu Judea jap'iypi kaj llajtakunapi, Neguevpi, chantá Sefela pampakunapipis, chaypacha? nispa.

1 Pedro 4:3

Qankuna may chhika unaytaña Dioswan churanakojkuna jinallataj ruwaspa purerqankichej. Chaypacha purej kankichej sajra purikuypi, khuchiriyopi, machakuykunapi, machasqamanta imaymanata ruwanapi, millay lantikunata yupaychanapi ima.