Jeremías 44:2 - DIOSPA QHELQACHISQ

² Israelpa Tukuy Atiyniyoj Tata Diosnin kay jinata nin: Qankuna rikorqankichej noqa tukuy ñak'ariykunata Jerusalén llajtaj contranta kachaykamusqayta, jinataj Judá suyupi kaj llajtakunamanpis. Kunan chay llajtakuna raqayllaña kashanku, manataj pipis chaykunapi tiyakunñachu.

DIOSPA QHELQACHISQAN DEUTEROCANONICAL

² Israelpa Tukuy Atiyniyoj Tata Diosnin kay jinata nin: Qankuna rikorqankichej noqa tukuy ñak'ariykunata Jerusalén llajtaj contranta kachaykamusqayta, jinataj Judá suyupi kaj llajtakunamanpis. Kunan chay llajtakuna raqayllaña kashanku, manataj pipis chaykunapi tiyakunñachu.

Jeremías 44:2 ပူးပေါင်းရင်းမြစ်များ

2 Reyes 21:13

Jerusalentaqa Samariata jina chinkarparichisaj, Ajabpa ayllunta jinataj ñak'arichisaj. Jerusalentaqa chuwata jina mayllasaj. Imaynatachus chuwata mayllaspa k'umpunchej, ajinata ruwasaj.

Éxodo 19:4

Qankunaqa Egipto llajtayojkunata imatachus ruwasqayta rikorqankichej. Rikullarqankichejtaj ankaj lijranpi jina, maypichus noqa kashani, kayman qankunata apamusqayta.

Isaías 24:12

Llajtaqa laqayaman tukun, llajtaj jatun punkunkunapis phirisqallataj.

Isaías 6:11

Noqarí taporqani: Tukuyta Kamachej Dios, mayk'ajkamataj ajina kanqari? nispa. Paytaj niwarqa: Kayqa llajtankukuna chinkachisqa kanankama kanqa, mana uj runayoj nitaj wasiyoj ni piniyoj kanankama, campopis ch'inpacha qhepakunankama.

Jeremías 25:11

Tukuy kay suyoqa ch'inyachisqa kanqa, raqayman tukuchisqataj. Kay suyumanta runakunataj qanchis chunka wata junt'ata Babiloniata kuraj kamachej makinpi kankichej.

Jeremías 34:22

Chaywanpis noqa kutirimunankuta kamachisaj. Paykunataj kutimuspa, kay llajtaj contranta maqanakonqanku jap'inankukama. Chantá ninata jap'iykuchispa, Judamanta qhepakoj llajtakunatapis raqayllataña saqenqanku, ni uj runayojta. Noqa Tata Diosmin chayta nini.

Jeremías 4:7

Leonqa jusk'umanta llojsimunña. Suyukunata chinkarachejqa puririmunña, tukuy llajtaykita ch'inyachinanpaj, raqaykunallataña saqenanpaj ima.

Jeremías 44:22

Tata Diosqa manañapuni chay millay ruwasqaykichejta awantarqachu. Chayraykumin qankunaj llajtaykichejqa ch'inyachisqa kashan, mana runayoj, t'ukunapaj jina maldicisqataj.

Jeremías 44:23

Kay llakiypi ñak'areyqa waj dioskunaman inciensota q'oshñichisqaykichejrayku qhatirisunkichej, imaraykuchus qankuna Tata Diospa nisqanta, chantá kamachisqanta ima mana kasorqankichejchu, nispa.

Jeremías 7:34

Chantá Judá suyupi, jinallataj Jerusalén llajtapipis raymikunata, tusuykunata, takiykunata, jinallataj casarakupi takiykunatapis ch'inyachisaj. Tukuy suyutaj ch'inman tukuchisqa kanqa, nispa.

Jeremías 8:3

Chantá chay millay runakunata wañuchisqaymanta kawsashaj qhepakojkunata ch'eqerachisaj, paykunataj wañuytaraj astawan munanqanku chay cheqakunapi kawsanankumanta nisqaqa. Noqa Tukuy Atiyniyoj Tata Diosmin chayta nini.

Jeremías 9:11

11 (10) Tata Dios nin: Jerusalén llajtata rumi qotuman tukuchisaj, k'ita alqokunaj tiyakunanman. Judá suyupi llajtakunata raqaykunaman tukuchisaj, manañataj pipis chaypi tiyakoj kanqachu, nispa.

Lamentaciones 1:1

Jerusalén llajta unay may chhika runayoj karqa, kunantaj ch'inpacha qhepakun. Llajtakuna ukhupi chay chhika jatun llajta kashaspa, warmisapaman jina tukun. Suyukunata kamachej llajtataj kunanqa mit'animan tukun.

Lamentaciones 1:16

Chayrayku noqa waqaykushani, ñawiypis waqaywan junt'a kashan. Mana piniypis sonqochanawanpaj kanñachu, nitaj pipis kallpachawajneyqa kanñachu. Wawaykunaqa thuñisqa llajtapi qhepakunku, awqayku atipaykuwasqaykurayku.

Lamentaciones 5:18

Sión orqoqa ch'inpacha raqaylla kashan, atojkunallaña kayman jaqayman purishanku.

Daniel (hebreo) 9:12

Chay jatun llakiyta apachimuspaqa, qan junt'ashanki imatachus niwasqaykuta noqaykuman, jinallataj kuraj kamachejniykukunamanpis. Jerusalenpa patanman urmamun, chay jina llakiytaj mana jayk'ajpis tukuy kay pachapi karqachu.

Levítico 26:31

Llajtaykichejta raqayllataña saqesaj, yupaychana wasiykichejtapis loqhesaj. Ima munayta q'apashaj jaywawasqaykichejwanpis manaña misk'irichikusajchu.

Levítico 26:43

Karuman wijch'usqa kasqaykichejrayku, jallp'aykichejqa saqerparisqa ch'inpacha kanqa. Chaypacha jallp'aqa mana samarisqanmanta samarenqa. Qankunataj millayta ruwaspa purisqaykichejmanta jasut'isqa kankichej, imajtinchus kamachisqaykunata qhesacharqankichej, nisqaytataj pisipaj qhawarqankichej.

Miqueas 3:12

Chayrayku juchaykichejrayku, Sión orqopi Jerusalén llajta barbechoman tukonqa, raqayllamantaj. Maypichus Diospa Templon kashan, chay orqotapis ch'umilla p'ampaykonqa.

Zacarías 1:6

Chaywanpis, imatachus sut'inchajkunanejta ñawpa tataykichejpa contrankupi nerqani, kamacherqanitaj, chay tukuy junt'akorqa. Chayrayku paykuna kutirikamuwarqanku, nerqankutaj: Tukuy Atiyniyoj Tata Dios noqanchejwan ruwarqa purisqanchejman jina, ruwasqanchejman jinataj, nispa.

Deuteronomio 29:2

2 (1) Chantá Moisés israelitakunata tantachispa, nerqa: Qankuna Egiptopi kashaspa, Tata Dios imatachus faraonta ruwasqanta rikorqankichej, jinallataj tukuy kamachinkunata, chantá jallp'anta ima imatachus ruwasqanta.

Josué 23:3

Qankunaqa Tata Diosniykichej qankunarayku kay llajtayojkunawan imatachus ruwasqanta rikorqankichej. Tata Diospuni qankunarayku maqanakorqa.