Jeremías 43:12 - DIOSPA QHELQACHISQ

¹² Chantá Egiptoj diosninkukunaj yupaychana wasinkukunaman Nabucodonosor ninata jap'iykuchenqa, diosninkukunatataj jap'ispa apakaponqa. Egiptopi ajinata ruwaytawantaj, imaynatachus uj michej qhatakunanmanta usata thalariytawan ripunpacha, ajinallatataj paypis ni pej ni ima nisqan riponqa.

Qheshwa Biblia DC

¹² Egiptopi Diosta yupaychana wasisman payqa ninata jap'iykuchenqa, dioskunasninkutataj presospis kankuman jina apakaponqanku. Egiptomanta pichanqa, imaynatachus uj michejqa p'achasninmanta usasninta pallan ajina, chaymantataj riponqa mana pejpa jark'asqan.

DIOSPA QHELQACHISQAN DEUTEROCANONICAL

¹² Chantá Egiptoj diosninkukunaj yupaychana wasinkukunaman Nabucodonosor ninata jap'iykuchenqa, diosninkukunatataj jap'ispa apakaponqa. Egiptopi ajinata ruwaytawantaj, imaynatachus uj michej qhatakunanmanta usata thalariytawan ripunpacha, ajinallatataj paypis ni pej ni ima nisqan riponqa.

Jeremías 43:12 ပူးပေါင်းရင်းမြစ်များ

2 Samuel 5:21

Chay jawataj filisteokunaqa lantinkukunata saqerpayarqanku, Davidwan, soldadonkunawantaj chaykunata apakaporqanku.

Ester (hebreo) 6:9

Chantá chay p'achata, caballotawan ima, kuraj kamachejpa mayqen kamachinchus aswan kuraj kashan, chayman jaywachunku. Chay runataj p'achallichichun, pitachus kuraj kamachejqa jatunchayta munan, chay runaman. Chantá kuraj kamachejpa caballonman lloq'aykuchispa, plazanta muyurichimuchun, ñawpaqentataj richun sinch'ita qhaparispa: Ajinata kuraj kamachej ruwanqa, pitachus jatunchayta munan, chay runataqa, nispa.

Job 40:10

Jina kajtenqa, jatun kaywan, sumajpaj qhawasqa kaywan ima p'achallikuy. Yupaychasqa kaywan, jatunchasqa kaywantaj qhataykukuy.

Salmos 104:2

Qanqa k'anchaywan uj mantawan jina qhataykukunki, janajtataj uj toldota jina mast'arqanki.

Salmos 132:16

Sacerdotenkunata llimphu kawsaywan p'achawan jina p'achallichisaj. Diosta mana wasanchaj kamachikunapis kusiymanta takirikonqanku.

Salmos 132:18

Awqankunata p'enqaypi rikhurichisaj, Davidpa umanpi pillunrí lliphipirenqa, nispa. Ajinata Tata Dios nerqa.

Éxodo 12:12

Chay ch'isi noqaqa tukuy Egipto suyuta pasasaj, chantá Egipto llajtayojkunaj tukuy kuraj kaj churinkunata, jinallataj tukuy uywankukunaj phiwi uñantapis wañuchisaj. Ajinata ruwaspa, Egiptoj tukuy diosninkunata castigasaj. Noqa Tata Diosmin chayta nini.

Isaías 19:1

Isaías Egipto suyoj contranpi sut'inchaspa, kay jinata nerqa: Qhawariychej, Tata Diosqa Egiptoman phuyu patapi usqhayta jamushan. Chantá Egiptopi kaj lantikuna payta rikuytawan, kharkatitenqanku, Egiptomanta runakunataj maytapuni mancharikonqanku.

Isaías 21:9

Kunantajrí uj carretata iskay caballokuna qhatatamushajta rikuni, nispa. Chaymantataj waj runa nerqa: Babilonia urmanña, urmanña, jinallataj lantinkunapis pampapi p'akirasqa rikhurinku, nispa.

Isaías 46:1

Bel diosqa k'umpuykukun. Nebo diospis pampaman wijch'ukun. Chay lantikunaqa burropi chajnasqa rinku, llasa q'epita apajkunataj kharkatitinku llasa kasqankurayku.

Isaías 46:2

Chay dioskuna k'umpuykukunku, pampamantaj wijch'ukunku. Mana qhespichikuyta atispa, paykuna kikinku mana munashajta waj suyuman apachisqa kanku.

Isaías 49:18

Umaykita oqharispa, muyuyniykita qhawariy. Chay wawaykikunaqa tukuynejmanta tantaykukuspa, jamonqanku, nispa. Tata Dios nillantaj: Noqa kawsayniyrayku tiluni: Wawaykikunawan novia p'achawan jina sumajta p'achallikunki, chaykunawantaj sumaj k'achanchasqa kanki.

Isaías 52:1

Sión llajta, rijch'ariy, rijch'arikuy, kallpachakuytaj. Diospa ajllakusqan Jerusalén llajta, sumaj k'achitu p'achaykita churakullayña, imaraykuchus millayta ruwajkuna, Tata Diosta mana manchachikojkuna ima punkuykinejta manaña yaykumusonqankuchu.

Isaías 59:17

Cheqan kajta ruwaywan sumajta p'achallikorqa, fierro pecherawan jina. Paykunata qhespichiyta munanatataj monterata jina umanman churakorqa. Vengakuyta munanawan p'achata jina churakullarqataj, sinch'i phiñakuywantaj mantawan jina qhataykukorqa.

Isaías 61:10

Noqaqa Tata Diospa ruwasqanpi mayta kusikuni. Diosniy yanapawasqanmanta sinch'itapuni kusikuni, imaraykuchus payqa qhespichiwan, cheqan kayninwantaj qhataykuwan. Imaynatachus casarakoj wayna sumajta p'achallikun, casarakoj sipastaj jaluchunwan sumajta k'achanchakun, ajinata noqapis Tata Diospa ruwasqanpi kusikuni.

Isaías 61:5

Tata Diosqa Israelta nillantaj: Waj llajtayojkuna ovejaykichejkunata michipusonqachej, llank'anaykichejta llank'apusonqachej, jinallataj uva huertaykichejtapis qhawapusonqachej.

Jeremías 10:11

Israelitakuna, lantikunata yupaychajkunaman niychej: Janajta, kay pachatapis chay lantikuna mana ruwarqankuchu. Chayrayku kay pachamanta chinkachisqa kanqanku, nitaj ujllapis kay pachapi qhepakonqachu, nispa.

Jeremías 10:15

Chaykunaqa qhasi manakaj asikunapaj jina kanku. Juicio p'unchaypitaj chinkachisqa kanqanku.

Jeremías 25:19

Egiptota kuraj kamachej faraonmanpis ujyachillarqanitaj, jinallataj kamachinkunaman, kurajninkunaman, tukuy runankunamanpis.

Jeremías 43:13

Ajinallataj Nabucodonosorqa Egiptopi Bet Semespa lantinta phirillanqataj, lanti yupaychana wasikunatapis kanaykonqa, nispa.

Jeremías 46:25

Israelpa Tukuy Atiyniyoj Tata Diosnin nin: Tebaspa diosnin Amonta, Egiptojta tukuy dioskunantinta, kuraj kamachejninkunatapis jasut'isaj, jinallataj faraonta, paypi tukuy atinikojkunatapis.

Jeremías 48:7

Moab, qanqa kallpallaykipi atinikorqanki, jinataj qhapaj kasqaykipi. Chaywanpis qanta jap'isonqanku. Quemos diosniykeqa waj suyuman apasqa kanqa sacerdotenkunawan, kurajninkunawan ima.

Jeremías 49:27

Damasco llajtaj perqanman ninata jap'iykuchisaj, chay ninataj Ben Adadpa jark'achasqa kamachinan wasitapis ruphaykuspa, tukuchenqa, nispa.

Jeremías 50:2

Tukuy suyupi tiyakojkunapis yachanankupaj kayta willamuychej. Wiphalata señalta jina sayarichiychej, ama uj chhikanta pakarispataj, kay jinata niychej: Babiloniata atipaspa jap'enqanku. Bel diosninkoqa p'enqaypi rikhurichisqa kanqa. Merodac diosninkupis manchariywan junt'a kanqa. Lantinkukunataj phirisqa kanqanku.

Jeremías 51:44

Noqataj Babiloniaj diosnin Belta jasut'isaj, imatachus oqoykusqantataj lansachisaj. Manañataj waj suyukunapis payman jamonqankuchu. Babiloniaj perqankunapis thuñisqa kanqa.

Ezequiel 29:11

Chay suyupi mana runakuna, nitaj uywakunapis purenqankuñachu. Tawa chunka wata junt'ata manapuni pi runapis chaypi tiyakonqañachu.

Ezequiel 29:19

Chayrayku noqa Tukuyta Kamachej Tata Dios kay jinata nini: Egipto suyuta Babiloniata kuraj kamachej Nabucodonosorman jaywaykusaj, kapuyninkutataj qhechuranqa, chay qhechusqanwan soldadonkunaman pagananpaj.

Ezequiel 30:13

Tukuyta Kamachej Tata Dios kay jinata nillantaj: Menfis llajtaj tukuy diosninkuta t'unaykusaj. Egiptopi manaña kuraj kamachej kanqachu. Tukuy suyupitaj manchachikuy junt'a kanqa.

Daniel (hebreo) 11:8

Astawanpis, payqa Egiptoman kutirispa, wichaynejmanta kaj kuraj kamachejpa diosninkunata, metalmanta ruwasqa lantikunata, qorimanta, qolqe metalmanta ruwasqa valorniyoj imakunatawan apakaponqa. Chantá unay watata iskaynin suyukuna mana maqanakuspalla kawsanqanku.

Sofonías 2:11

Kay pachapi tukuynin lantikunata chinkachispa, Tata Dios chay runakunata manchayta mancharichenqa. Chaymantataj tukuynejpi paylla yupaychasqa kanqa. Mama qocha churukunapi tiyakojkunapis payta yupaychanqanku.

Romanos 13:12

Tutaqa tukukapushanña, qhespichisqa kananchej p'unchaytaj qayllamushan. Chayrayku laqhayaypi millay ruwanata ch'ichi p'achapis kanman jina lluch'ukuna. Jinaspataj, Supaywan maqanakunanchejpaj Dios qowanchej, chay lliphipirishaj p'achatañataj churakuna.

Efesios 4:24

Jinataj Diosman rijch'akoj ruwasqa, chay mosoj runa kaywan p'achawan jina p'achallikuychej. Chay mosoj runaqa cheqanta ruwaspa purinapi, chantá cheqa kajman jina llimphu kawsanapi rikuchikun.

Efesios 6:11

Jinallataj maqanakunapaj Diospa qosqan p'achawan p'achallikuychej, Kuraj Supay tukuy imaymanamanta misk'achiyta munasojtiykichej, sinch'ita sayanaykichejpaj.

Colosenses 3:12

Qankunaqa Diospa ajllakusqan kankichej, paypaj t'aqasqa, may munasqataj. Chayrayku qankuna khuyakuywan, k'acha kaywan, llamp'u sonqo kaywan, mana phiñakoj kaywan, pacienciawan ima p'achawan jina p'achallikuychej.

Colosenses 3:14

Astawanqa, munakuywan p'achawan jina p'achallikuychej, imaraykuchus munakoyqa tukuyta k'acha kawsaypi ujchawanchej.